Со развојот на технологијата, се чини дека поимот „канцеларија“ веќе се редефинира. Сè поголемата слобода во изборот и движењето ги прави луѓето да се чувствуваат независни и самостојни кога е во прашање локацијата од каде ќе ги завршат своите работни задачи. Комфорноста и задоволствата во текот на денот не мора да се пропуштaат, само затоа што имаме еден куп работа. Спојот на работата и посетата на некое омилено место, денес е многу едноставно  благодарение на технологиите базирани на облак или cloud. На овој начин, вработените можат лесно да пристапат до канцелариските датотеки и да работат заедно со други членови на тимот додека се во движење или пак се наоѓаат на некоја удобна локација. Компаниите потребно е да сфатат дека канцеларијата и четирите ѕидови не се толку инспиративни. Креативноста и слободата на умот бараат постојано движење и комуникација, кои се главниот предуслов за зголемување на продуктивноста.

Со ваков стил на работа, вработените можат самите да си го организираат денот и да ги избегнат вообичаенитепречки кои се составен дел од канцелариското работење како што се: ѕвонењето на телефоните, разговорите со колегите, честите интерни состаноци, консултации и слично.  Со добра техничка поддршка, пристапот до потребните фајлови и документи е едноставен, контактот со колегите непречен, па чувството дека не сте во вклучени во тековните проекти речиси и да не постои.

Во продолжение се неколку неопходни предности доколку некој од вас одлучи својата вообичаена работна средина да ја замени со работа надвор од канцеларија:

1.  Флексибилност

Сосема природно е вработените при извршувањето на задачите да користат различни уреди, така што способноста нивните компјутери да работат на сите оперативни системи значително ќе ја подобри пристапноста и ќе ја олесни работата. Програмот кој го користи компјутерот потребно е да биде доволно флексибилен за да работи на уред за кој лесно се поврзува со останатите колеги. Па така доколку работниот ден го поминете, на пример, во „Јавна соба“, со добра техничка поддршка ќе се чувствувате исто како да сте во канцеларија, со таа разлика што ќе го пропушите официјалниот дел од работата и во поопуштена и инспиративна средина ќе ги завршите работните задачи.

2.  Поврзаност

Непречената и добра вмреженост е една од најважните елементи  на успешниот тим, но уште поважна за оние кои имаат непостојана канцеларија и работат во движење. Стабилната комуникација и трансфер на информации значително ќе ја подобрат целокупната ефикасност на тимот со тоа што ќе овозможи сите постојано да останат во контакт.

3.  Пристап

Сите вработени со флексибилна работна средина бараат пристап до компанискиот сервер за да можат да бидат во тек со сите работни развојни фази и нивната комплетна работа. Неопходен е систем и техничка поддршка кои им овозможуваат на сите вработени да се чувствуваат супериорно во однос на работните задачи.

4.  Безбедност

Доколку ја погледнеме големата слика, сите наведени ставки кои ги споменавме, паѓаат во сенка, доколку ја немаме главната алка која го прави синџирот комплетен, а тоа е сигурноста. Поставувањето на безбедна конекција меѓу компанискиот сервер и уредите на мобилните вработени ќе ве осигураат дека непречено и сигурно комуницираат и  разменуваат чувствителни компаниски информации и документи, без при тоа да стравуваат од нивно компромитирање. Компанијата, исто така, треба да ги промовира најдобрите практики на интернет за да се осигури дека вработени избегнуваат ризично однесување додека се оддалечени од серверите на компанијата.

Што е решението?

Доколку сето ова ви изгледа премногу тешко за да го примените, на пазарот постојат поединечни решенија кои можат да дадат одговор на предизвиците. Во моментот, Microsoft Office 365 претставува најсоодветна алатка со која може истовремено и координирано да ги реши сите предизвици со кои се соочуваат вработените, а кои се одлучиле за неконвенционален начин на работење. Неговата предност е поврзаноста со cloud (облаk), кој ќе ве осигура дека апликациите, датотеките, надградбите и функциите автоматски се ажурираат.

Па така, не си го ускратувајте правото во лежерна атмосфера да ги извршувате работните задачи и да станете професионален „дигитален номад“, бидејќи денес фокусот се повеќе паѓа врз ефикасноста и крајните резултати. Како ќе се постигне разултатот, како ќе се организира времето, ресурсите и локацијата  за работа, сега веќе е личен избор.

Малопродажната цена на бензините од ноќеска но полноќ се зголемува за половина, а на дизелот и екстра лесното за еден денар.

Според одлуката на Регулаторната комисија за енергетика, новата цена на Еуросупер БС-95 ќе изнесува 68 денари, на Еуросупер БС-98 ќе биде 69,50 денари, Еуродизелот ќе се продава по 60 денари за литар, додека екстра лесното масло за домаќинство по 48,50 денари.

Согласно одлуката се зголемува и малопродажната цена на мазутот и ќе изнесува 28,72 денари за килограм.

Просечната цена на суровата нафта на светскиот пазар во изминатите 14 дена изнесуваше 68,9 долари за барел, а курсот на денарот во однос на доларот 50.003 денари.

Градоначалникот Петре Шилегов одлучи да ја доградува Градската куќа под Кале. Неодамна со изведувачот „Бетон“ се договорил за дозавршување на објектот да се платат 3 милиони евра, наместо првично утврдените 5 милиони, пишува Независен весник.

Успеавме да постигнеме договор и да ја намалиме цената. Сега, оваа сума е далеку поприфатлива. На администрацијата реално ѝ се потребни нови простории, децениските бараки речиси немаат основни услови за работа. Очекувам дека до крајот на годинава ќе се преселиме во новата зграда, брифираше Шилегов. Тој од неговиот претходник ја наследи новата административна зграда изградена речиси до половина. Направена е само фасадата, а внатрешниот дел речиси не е чепнат. „Бетон“ дал гаранции дека целиот објект ќе го заврши до септември.

 Градоначалникот не знаеше да каже што е планирано да се гради на местото на градските бараки. Впрочем, како што истакна, ДУП за тој реон е во мораториум, а постои веројатност потоа да претрпи одредени измени и дополнувања.

 Градската куќа покрај Вардар се наоѓа веднаш до новата зграда на јавното претпријатие „Водовод и канализација“. Почна да се гради во 2011 година и тогашниот градоначалник Коце Трајановски најави дека зградата ќе биде готова кон средината на 2015 година. Меѓутоа, терминот не беше испочитуван. Трајановски пред речиси една и пол година ја запре изградбата бидејќи немаше пари за таа намена.

 Досегашните објавени договори за изградба укажуваат дека Градската куќа чини 18 милиони евра. Првичниот договор што се склучи со „Бетон“ беше вреден 15 милиони евра, а потоа имаше и еден анекс-договор од 3 милиони евра наменети за изградба на енергетски ефикасна фасада.

 Новото седиште на градската администрација се гради на парцела со површина од 1.274 квадратни метри. Ќе има 6 ката, три подземни нивоа наменети за паркинг. Објектот се гради по идејно решение на Иван Кокалановски и Борче Стојковски. Во неа ќе биде сместена градската администрација, градоначалникот на Скопје, како и даночните одделенија и архивата на Град Скопје.

Овој викенд започна новиот систем на паркирање во А0 зоната на средно Водно при што еден час возачите ќе ги чини 100 денари, а секој нареден по 50 денари. За граѓаните кои не доаѓаат со сопствено возило и натаму е понуден бесплатен автобуски презов со специјализирани линии на ЈСП кои проаѓаат и низ централното градско подрачје, пренесува Фактор.

Голем број граѓани го искористија убавото време и бесплатниот автобуски превоз и го посетија Водно. Граѓаните што решија со возила да го посетат Водно прописно паркираа и ја почитуваа ново воведната зона А0 за пакрирање. Од страна на сообраќајна полиција за непрописно паркирање беа казнети вкупно 4 физички лица. Град Скопје деновиве го уреди паркингот на Водно и постави заштитни банкини и столпчиња за да се оневозможи паркирање на самиот пат посочија од град Скопје.

Исто така граѓаните кои одат на Водно автомобилите може бесплатно да ги паркираат во две катни гаражи на град Скопје.