Источна Македонија се сели надвор од границите- причините се политичката нестабилност, лошата економска состојба, политичката нестабилност и ниските плати се клучните фактори за иселување на младите во странство.

Истражувањата на невладината организација Ини покажуваат заггрижувачки податоци ,дури 20% од населението во Источна Македонија засекогаш ја напуштиле државата и заминале за странство.

Најалармантна е состојбата во виничко-беровскиот регион каде цели села се иселени во Италија и Словенија.Во италијанскиот град Канели благодарение на виничани повеке се зборува македонски,отколку италијански. Млади речиси и да нема. Во овие градови останати се само оние кои успале да се вработат во државни институци додека сите останати својот напредок го гледаат надвор од границите.

Статистиката говори дека во КОчани,ВиницаКаменица и Делчево на 120жители се раѓа едно новороденче, а во Берово, Пехчево и Пробиштип на секои 150.

Иселувањето на младите во некој од европските држави е проблем и на останатите соседи.И таму причините за напуштањето на родните огништа се исти како и во Македонија.Се претпоставува дека во потрага за подобар живот изминатите неколку години се иселиле околу 1,5милион млади луге од Западан Балкан.

Кетеринг за свадби, за родендени, за секаква свечена церемонија... Во минатото ако сакаш да ти биде добро украсено, ќе мораш сам да се потрудиш, но денеска за тоа има посебни служби.

Вештината за кетеринг може да ви донесе над 1000 евра месечна заработка, така се покажува во пракса во последните години.

Веќе две години јас се занимавам со кетеринг. Завршив факултет, но не можев да најдам работа. Земав град од Агенцијата за вработување и си отворив своја фирма. На почетокот беше тешко, како и секој друг бизнис, но за кратко се рашири. Денеска сум задоволна. Во тимот сме четворица. Сега за сега е добро, и заработката е одлична, за една убава живеача во Македонија, раскажува скопјанката Анета.

За сите креативни млади луѓе кои сакаат да почнат свој бизнис, организирањето родендени и венчавки е полн погодок. 

Клиентите мора да ви бидат на прво место, а добрите препораки понатаму ќе ви отворат многу врати. 

Ваков бизнис може да се почне и во сопствен стан, а организираноста е клуч за успех. 

Рекламата е многу важна. Потребни ви се многу контакти и добри соработници. 

Оние кои веќе се занимаваат со овие дејности, велат дека се потребни шест месеци до година дена додека да бидете задоволни со својата заработка. 

До крајот на месецов се очекува да заврши инсталирањето на електронскиот систем за наплата на патарините, најави денеска директорот на Јавното претпријатие за државни патишта Зоран Китанов.

Со тоа ќе се обезбеди современ и ефикасен начин на наплата на патарините и побрз проток на возилата. Наплатата ќе се врши со картички во пост пејд и при пејд варијанта.

Во делот на патната инфраструктура, надлежните најавуваат градежна офанзива на патиштата низ државата особено во август и септември со што се очекува и зголемување на бруто-домашниот производ во третиот и четвртиот квартал.

Паралелно се работи и на железничката инфраструктура. Интензивирани се активностите на првата делница од железничката пруга од Куманово до бугарска граница, се очекува тендерирање на делницата од Бељаковце до Крива Паланка, а направена е и проектната документација од Крива Паланка до бугарска граница.

За железничката линија од Кичево до Лин направена е проектната документација и се разговара за обезбедување на финансиски средства. Според направените пресметки се работи за скап проект кој би чинел околу 520 милиони евра. До крајот на годината се очекува да биде завршена и делницата од Битола до Кременица.

Министерство за инфраструктура во Холандија предложило паричен надомест за сите вработени кои на работа патуваат со велосипед.

Секој жител кој на работи оди со велосипед би можел да добие по 19 центи за секој километар.

Да излеземе од автомобилите и да ги земеме велосипедите. Целта ни е да придобиеме уште 200.000 луѓе кои со велосипедите ќе поминат три милијарди километри повеќе – изјавила Стиентје ван Велдховен, од ресорното министерство.

Владата планира и субвенции за купување на велосипед, но и додатни 100 милиони евра за зголемување на бројот на велосипедски патеки.