Министерство за инфраструктура во Холандија предложило паричен надомест за сите вработени кои на работа патуваат со велосипед.

Секој жител кој на работи оди со велосипед би можел да добие по 19 центи за секој километар.

Да излеземе од автомобилите и да ги земеме велосипедите. Целта ни е да придобиеме уште 200.000 луѓе кои со велосипедите ќе поминат три милијарди километри повеќе – изјавила Стиентје ван Велдховен, од ресорното министерство.

Владата планира и субвенции за купување на велосипед, но и додатни 100 милиони евра за зголемување на бројот на велосипедски патеки.

Деновиве актуелна е појавата на се поголем број спонзорирани објави (реклами) на Facebook од страна на лажни интернет продавници кои се декларираат како застапници на познати светски брендови (како Wizz Аir и сл.) а со цел собирање на податоци за вашите платежни картички и нивна понатамошна злоупотреба.

Стопанска банка ги повикува клиентите на внимателност при користење непознати интернет страници како и да внимаваат на името на страницата пред да внесуваат лични податоци и податоци од платежните картички.

Доколку се сомневате дека сте ги споделиле вашите податоци и податоците од картичката со лажна интернет продавница јавете се во нашиот 24/7 контакт центар на (02)3100 109 со цел блокирање на картичката и спречување на понатамошна злоупотреба на вашите средства- наведуваат од банката. 

Граѓани вчера масовно купувале авионски билети од лажна интернет страница, а кога сфатиле дека станува збор за измама се јавувале во банките да им ги блокираат картичките. 

На социјалните мрежи се појави лажна интернет страна со слично име како нискобуџетната авиокомпанија „Визер“ на која пишува дека нудат два авионски билети само за еден долар. Оваа промоција, како што стоеше на сајтот, е во рамките на одбележување на 15-годишнината на авиокомпанија.

Вредноста на биткоинoт (BTC) оваа недела најверојатно ќе продолжи да се намалува и за прв пат од ноември 2017-та година ќе падне под психолошката граница од 6.000 долари, велат експерти.

Во минатата недела биткоинот загуби 4% од цената и падна до 6,125 долари на „Bitfinex“. Ова е минимално ниво забележано на 6-ти февруари 2018-та година.

Цената на криповалутата при трговијата во неделата, се намали со 0,60% до 6,525  долари, според податоците на порталот „CoinMarketCap“. На берзата „Bitfinex“ намалувањето беше со 0,57% до 6,489 долари на „GDAX“ со 0,38% до 6,495 долари.

Главниот настан од минатата недела, кој влијаеше на криптовалутите беше одлуката на Американската комисија за хартии од вредност и берзи (SEC) да не признае биткоинот (BTC) и „Ethereum“ (ETH).

Не е јасно зошто учесниците на пазарот реагираа така на веста, откако шефот на „SEC“, Џеј Клејтон го изјави ова уште на 7-ми јуни во интервју за „CNBC“- вели  аналитичарот од „Алпари, Владислав Антонов.

Тој потсетува дека на 9-ти јуни беше техничката употреба на третата генерација на криптовалутата „EOS“. Во саботата, 16-ти јуни, беше регистрирано „замрзнување“ на трансакциите на глобално ниво. Потоа курсот „EOS“/„USD“ се намали за 4,5% и го повлече со себе и биткоинот, раскажа експертот.

Минатата недела корејската берза „Coinrail“ соопшти дека хакери украле дигитални пари во вредност од над 37 милиони долари.

„ПР“ директорот на „Tugush Blockchain Finance“, Тимофеј Фортунатов цитира податоци на „CoinMarketCap“, според кои во глобалниот рејтинг на берзата за криптовалути „Coinrail“ е на 90-то место.

„Затоа многумина можат да се шокирани од големината на штетите од слично погодените од големи сајбер напади“. Според него за помалку од деноноќие по веста за уште еден сајбер напад ја намали вкупната капитализација на пазарот на криптовалути со околу 50 милијарди долари (околу 14% од вкупната капитализација)“- раскажа тој.

Друг настан со негативен ефект минатата недела беше одбивањето на „Western Union“ да работи со криптовалути што беше најавено во Њујорк од главниот извршен директор Хикмет Ершек во средата, 13-ти јуни.

Два до три дена повеќе одмор за истата цена може да се искористи доколку се направи аранжман преку туристичка агенција од Србија, споредено со истото место за летување што го нуди туристичка агенција од Македонија. „Фактор“ направи споредба, на сугестија на туристите, и резултатите тоа го потврдуваат. Постојат случаи кога за истите пари за сместувањето преку српска туристичка агенција може да се летува девет дена, додека преку македонска туристичка агенција истата сума се плаќа за една седмица.

Ние бевме на одмор во Грција преку туристичка агенција од Србија затоа што беа поуслужливи, имаат подостапни цени и поголема понуда. Конкретно најголема разлика со нашите агенции има за аранжманите во Грција. Таму ако им се јавиш прават се да ти најдат смеsтување какво што бараш, додека на нашите им е најлесно да ти кажат дека нема место или немаат нешто што ти одговара. Секако и цените се пониски и тоа moжеби за 20 отсто - вели наша сограѓанка која лани на тој начин била на летување.

И самите туристички агенции од Македонија потврдуваат дека летувањето може да биде поисплатливо преку српските агенции, но дека не се чувствуваат загрозени од конкуренцијата од северниот сосед.

Тие имаат поголеми закупи и со тоа добиваат можност за поевтини цени. Имаат можност да направат поголеми туристички групи. Тоа не е спорно. Но сепак, на крајот, на самото место може да се отворат скриени трошоци, бидејќи тие имаат постојано свој претставник таму. За македонските туристи, доколку се нафатат, би можело билансот на крај да им се покаже поисплатлив, но конкурентите од Србија нас не може да не загрозат. Може имаат предност кај on-line клиентите, но стандардните муштерии, оние возрасни со деца, остануваат кај нас - изјави Сузана Зелениковска од Фибула Травел.

Во вила во Ханиоти доколку цената од 30 јуни изнесува 160 евра по лице за седум ноќи по македонски услови, за истата или само малку повисока сума, српските услови важат за девет или десет ноќи на истото или слично место во рамките на тој термин.