Како што беше најавено, дел од цигарите во Македонија поскапуваат.

Сега кутија LD слим се продава за 5 денари повеќе или за 80 наместо досегашните 75 денари, за што говори и фискалната сметка во прилог.

Веќе беше најавено дека де лод цигарите ќе поскапат за 5, дел за 10 денари.

Триесетина медицински сестри од болници во Скопје и внатрешноста, овој месец доставиле барања до директорите за неплатен одмор.

Сите ќе одат на привремена работа во Германија, каде, според изјави на здравствени работници, платата е за десет пати повисока од македонската. Само во ГОБ 8-ми септември 5 инструментарки од операциони сали бараат неплатено на три месеци. Од болницата неофицијално коментираат дека ако заминат во странство тогаш повторно ќе мора да затвораат болнички одделенија како што беше во 2016 година. Во такви услови, оштетени ќе бидат и пациентите и здравствените установи.

Во Унијата секојдненво ни стигнуваат информации дека нашите колешки наоѓаат разно разни начини да заминат во странство. Оние што се со договор на дело учат интензивно германски јазик за да заминат во странство, бидејќи одве не успеале на конкурсите за вработување. Веќе вработени го користат законското право за неплатен одмор, заминуваат, и има и такви ако е добро и не се враќаат. Треба да има зголемување на плата и на бод, за да се спречи овој одлив на медицински сестри, изјави  сестра  Гордана Бешлиовска, координатор на Унијата на здруженија на медицински сестри, акушерки и техничари.

 Од Унијата, според неофицијални информации што ги добиваат, велат дека речиси сите млади медицински сестри по завршување на средното медицинско образование и по добивање на лиценцата веднаш почнуваат со интензивно учење на германски јазик. Нивната статистика покажува дека околу 3000 нивни колешки се на курсеви по странски јазици и ако не се спречи одливот, за неколку години ќе нема медицински сестри во државата.

Наредната недела имаат средба со министерот за здравство каде на маса ќе ги изнесат нивните барања за поголеми плати, дежурства како и формирање на комора.

Новите мерки овозможуваат побрзо и полесно аплицирање за државјанство.

Канада е се поблиску до воведувањето на новите мерки преку кои на странците ќе им биде олеснет патот до канадското државјанство. Законските измени на Законот за државјанство се една од главните цели во агендата на новата либерална влада.

Според изјавите на пратеникот Борис Вреснескај, Законот – познат како C-6, би требало да биде изгласан пред Денот на Канада (1-јули). Со потегот Канада има за цел да ги потикне доселениците да станат натурализирани државјани кои ќе се приклучат на големото канадско семејство.

Со добивање државјанство, граѓаните ќе можат да добијат канадски пасош, да гласаат на изборите, да се кандидираат за јавна функција, како и да ја напуштат земјата и повторно да се вратат без да бидат обврзани со дозволите за престој.

Во Канада е признаено и правото на двојно државјанство според кое се дозволува странците да се здобијат со канадско државјанство без притоа да го изгубат матичното.

Меѓу предложените измени е намалување на законски задолжителниот рок кој постојаните жители треба да го исполнуваат за да се квалификуваат за добивање на државјанство. Наместо 4-6 години како досега, страницте ќе треба да живаат во Канада 3-5 години пред да аплицираат за државјанство.

Странските државјани кои имале привремен престој ќе можат да го искористат истиот за исполнување на рокот. Дополнителни, ќе се укинат и јазичните тестови за одредени кандидати.

Со новиот закон ќе се укине и спорната одредба според која од канадско државјанство беа лишени лицата кои покрај тоа имаат и друго државјанство, а се осудени за тероризам, предавство и шпионажа.

Можете да добиете казна доколку возите со поголема брзина од дозволеното во населените места или пак на отворен пат.

Ако во населените места се вози 50 километри на час повеќе од дозволената брзина, глобата е 400 евра, а следува и забрана за управување со возилото шест до 12 месеци. Доколку, пак, се вози 30 до 50 километри на час побрзо, казната е 300 евра или 50 негативни поени со забрана за управување со возилото три до 12 месеци.

Во двата слуачаја паричните казни може да се заменат со впишување негативни поени, во првиот 65, а во вториот 50.

Ако се вози 10 до 30 километри на час побрзо од дозволеното, казната е 45 евра или 25 негативни поени, а за до 10 километри на час побрзо, казната е 10 евра или 10 негативни поени. Во овие два случаи не е предвидена прекршочна санкција, односно забрана за управување со возилото.

Слични се санкциите и за пречекорување на дозволената брзина на отворен пат. За возење 70 километри на час повеќе од дозволеното, казната е 400 евра или 65 негатиовни поени и забрана за управување со возилото шест до 12 месеци. За следните категории: побрзо движење за 50 до 70 километри на час, 30 до 50 километри на час и до 30 километри на час, казните се исти како претходно спомнатие за населено место.