Сите ние трагаме по практични решенија за нашата иднина на работа. Сепак, што е она што треба да промениме во нашата психа за да бидеме успешни?

Живееме во свет каде сите сакаат да бидат победници. Дури и децата, уште додека се мали се натпреваруваат за внимание во нашите семејства, за оценки и нови пријатели во училиштето и за победи во спортoвите кои ги тренираат. Подоцна, како што влегуваме во светот на бизнисот, ние повторно учиме како да ги победиме другите. Литературата за успех е полна со инструкции за тоа "Како да ги победите клиентите", "Како да победиме во бизнисот" или "Како да победиме на берзата". Во бизнисот, политиката и воопшто во животот , победата е многу послатка од загубата.

Создаваме простор каде никој нема да види дека сме изгубиле

Со децении, секогаш сме барале стеснување на просторот во кој може да изгубиме и тоа да го видат многу луѓе. Нашата опсесија да победиме, прави да се намали нашата ефикасност додека вршиме некоја важна работа и истовремено да не прави помалку фокусирани. Сепак, општеството каде што само оние кои ќе склучат најдобра зделка се победници, а сите други мораат скапо да платат за услугата, според експертите е пропаднато општество. Во општество каде сите ја знаат цената за нешто а малкумина ја знаат вредноста на истото, сите сме осудени на пропаст и грешни вредности.

Како да успееме иако сме изгубиле?

Она што треба да го направиме е да создадеме системи, начини и поддршки кои ќе ни дозволат да се пронајдеме себеси дури и тогаш кога сме губитници. Најважно е секој од нас да разбере која е неговата функција во дадена ситуација и што треба да извлече од ситуацијата било да е победник или губитник. Да признаеш дека си изгубил е голема доблест и дава нови погледи кон тоа како да одиграш наредниот пат. Клуч на ваквото сфаќање е фокус на твојот живот, на твојата позиција и локацијата каде се наоѓаш. Многу е погрешно кога се огледуваме на некој друг кој има други услови, други мисли и позиција и токму поради тоа на крајот завршуваме како губитници. Сепак на крајот секогаш размислете за вашите длабоки човечки желби и социјалната еднаквост, а не само минливите задоволства на клиентите или пак вашето богатство.

Доколку планирате во 2017 година да пронајдете добро платена работа во Соединетите Американски Држави -вработувањето почнете да го барате во Тексас или Колорадо.

Последната студија на NerdWaleta покажува дека секоја држава во САД има по два најдобри градови кога се работи за барањето на работа.

На прво место се наоѓа Остин во Тексас, а зад него следат Денвер (Колорадо), Нешвил (Тенеси), Сиетл (Вашингтон), Дурхам (Северна Каролина), и Атланта (Џорџија).

Веднаш зад нив се наоѓа Минеаполис (Минесота), Линкол (Небраска), Ирвинг (Тексас), и Ралигх (Северна Каролина).

Во оваа студија се вклучени 100 најголеми градови во Америка при што се анализирани просечните плати, стапката на невработеност и раст на работна сила, како и однос на приходи и трошоци.

Бана Алабед, седумгодишната блогерка од Алепо што стана позната во целиот свет по твитовите од опсадениот град му напиша отворено писмо на американскиот претседател Доналд Трамп.

Морате да направите нешто за децата на Сирија затоа што тие се како вашите деца и заслужуваат мир како вие.

Бана побегна од Алепо заедно со семејството за време на масовната евакуација во декември и сега живее во Турција. Во писмото напишано неколку дена пред инаугурацијата на Трамп, кого го знае од телевизија, пишува:

Драг Доналд Трамп, јас сум Бана Алабед, седумгодишно сириско девојче од Алепо. Живеев во Сирија цел живот пред да заминам од опколеното источно Алепо во декември минатата година. Јас сум дел од сириските деца кои страдаа во сириската војна. Сега живеам во мир во новиот дом во Турција - напиша малата Алабед во писмото.

Бана му раскажува на Трамп како не можела да оди на училиште бидејќи било бомбардирано и загинале нејзините другари и повикува децата веќе да не страдаат поради грешките на возрасните.

Знам дека ќе бидете претседател на Америка, па ве молам да ги спасите децата и луѓето во Сирија. Мора да сторите нешто за децата во Сирија бидејќи тие се како вашите деца и заслужуваат мир како вас. Ако ми ветите дека ќе направите нешто за сириските деца, јас веќе сум вашето ново другарче - пишува таа.

Турција, каде што сега живеат Бана и нејзиното семејство ја поддржува сириската опозиција. Трамп се уште не го кажал својот став, но во минатото нагласуваше дека сака посилна врска со Русија и рускиот претседател Владимир Путин, кој го поддржува сирискиот претседател Башар ал Асад.

Над 7.200 бизниси се отворени од 2007 година досега преку мерката Самовработување од кои преку 35 отсто ги почнале млади лица, додека преку проектот Македонија вработува 2 се вработени повеќе од 4.200 лица од кои над 2.600 млади, беше речено пред денешната конференција „Актуелни политики за младинско вработување на ЕУ и Република Македонија“.

Како што нагласи раководителот на Центарот за вработување - Скопје Слободанка Алексовска, кај младите треба да се поттикне претприемачкиот дух наместо да чекаат друг да ги вработи.

Младите, пак, бараат сихнронизирање на образованата програма со потребите на пазарот на трудот и мерки за кариерно советување во однос на нивните вештини, способности,...

Последните десет години невработеноста во Скопје е намалена за 49,7 проценти, а вработеноста е зголемена за 39,8 отсто. Најбитен критериум за вработување е стручноста, амбициозноста и компетентноста - истакна Алексовска, одговорајќи на новинарски прашања пред конференцијата.

Македонија вработува 1, додаде, отвори вработувања за 18.900 лица, а Македонија вработува 2 за преку 4.200. Двата проекта беа иницирани со првиот законски проект „Вработување млади лица до 29 години“ кој на работодавците, потенцира, првпат им овозможи да вработат млади до 29 години, а да бидат ослободени од плаќање социјални придонеси и персонален данок на доход. 

На прашањето зошто голем број млади ја напуштаат државата, Алексовска одговори дека глобализацијата е светски тренд. - Затоа постојат сите овие мерки во Агенцијата за врабоување и мерките што ги презема Владата за младите лица. Верувам дека тие придонеле многу млади кои претходно не нашле работа, да останат тука, да обезбедат егзистенција за себе и за своето семејство, подвлече раководителката.

Според неа, се уште постои дефицит од стручен кадар во различни области, но посебно е евидентна потребата од оспособени лица кои ќе работат кај странските инвеститори, на најсовремените машини и технологија. Во оваа насока, на краток рок, се организираат обуки за преквалификување и доквалификување.

Конференцијата ја организираше коалицијата на младински организации СЕГА, а целта беше, како што информира извршниот директор Зоран Илиески, подобрување на ефективните мерки и политики за вработување на младите.