Apple не ги открива техничките детали на Keynote презентациите или на својата интернет страница, но се работи за осетливи теми како RAM меморија и капацитет на батеријата, пишува macrumors.

Според неодамнешен извештај,  iPhone XS и iPhone XS Max ќе бидат опремени со 4 GB RAM, a iPhone XR со „само” 3 GB. Што се однесува до траењето на батеријата, iPhone XS Max има батерија од 3174 mAh, а iPhone XS од 2658 mAh.

Во случајот на 5,8-инчниот iPhone XS  се работи за 2,2 проценти помал капацитет на батерија во однос на iPhone X, чија батерија има 2716 mAh. Но во пракса, годинашниот модел ќе издржи барем половина час подолго само со едно полнење.

iPhone XS Max е владетел меѓу годинашните модели, посебно во поглед на големината на батеријата. Нејзиниот капацитет од 3174 mAh значи пораст од 17% во однос на iPhone X. Тоа е 1,5 часа повеќе работа, за што можеме да бидеме благодарни на помалата потрошувачка на енергија на новите хардверски компоненти и фино подесениот систем на iOS.

Меѓутоа, најинтересните броеви се однесуваа на iPhone XR, чија батерија е нешто помала од онаа во iPhone XS, со капацитет од дури 2942 mAh, но за која се тврди дека ќе трае најдолго. Причина за тоа е првенствено помалиот екран и помалата резолуција.

Децата да се возат во детско седиште во автомобилите е задолжителна обврска веќе три години, но родителите бавно ја прифаќаат практиката да ги врзуваат децата додека ги возат. Во развиените земји таа обврска доследно се почитува но во земјава и покрај тоа што делото е казниво неретко децата се возат во рацете на своите родители, назад на седиштата во автомобилите. Според официјалната статистика од Министерството за внатрешни работи, од 2015 ггодина или од кога оваа обврска е задолжителна изречени се само 39 глоби за овој прекршок низ цела држава. Казната е 35 евра и 15 негативни поени. Во исто време црната статистика на смртност на децата во сообраќајни незгоди е поразителна

ЈА НАМАЛУВА ОПАСНОСТА ОД СМРТНОСТ

Доста родители се убедени дека нивното новороденче никој не може подобро да го заштити од нив самите, а посебно не „корпата“ во која ќе биде стегнато со некакви појаси. Според сите тестови, во случај на незгода, речиси е невозможно да се задржи детето во прегратка. Испитите покажале дека во таков случај дури и да успее родителот кој го држи детето да го задржи кај себе, често рефлексно го стегаат па се прави дополнителен проблем.

А македонската сообраќајна статистика не е светла. Според податоците децата се често дел од сообраќајните незгоди. Бројките од Републичкиот совет за безбедност на сообраќајот на патиштата покажуваатоти во 2015 година, од 148 загинати лица во сообраќајни незгоди, 22 биле деца до 18 години, а 9 од нив биле деца на возраст до 4 години.

Закон за задолжително детско седиште во автомобилот се воведе пред три гдоини. Според статистиката вкупно 4 глоби се напишани за првите шест месеци од 2018 поради непочитување на Законските правила за поставување детско седиште во автомобил. 

Од 2015 кога стапи на сила законот, регистрирани се вкупно 39 прекршоци.

Најмногу казни надлежните им напишале на родителите кои не ги почитувале правилата за превезување на деца во патнички автомобил во 2017-та година кога се изречени вкупно 19 глоби, а тој број во 2016 изнесува 14 . 

Најмалку прекршоци се забележани кога Законот стапи на сила во 2015 кога се изречени два прекршоци од овој вид. Инаку употребата на детски седишта ја намалува смртноста кај децата за 50 отсто, а кај бебињата и до 70 проценти.

Што предвидува Законот за превозот на деца во патнички автомобил

Законот за безбедност на сообраќајот на патиштата ги регулира правилата за превоз на деца на задното и предното седиште, предвидувајќи и посебни глоби доколку тие правила не се почитуваат.

Во патнички автомобил на задното седиште, смее да се превезува дете помало од пет години, во поставено посебно детско седиште кое за седиштето од возилото е прицврстено со сигурносен појас или на друг соодветен начин.

Во патнички автомобил на предното седиште, смее да се превезува дете до две години, ако возилото нема заштитно воздушно перниче, ако воздушното заштитно перниче е исклучено и ако детето се превезува во посебно детско седиште поставено спротивно од правецот на движење, при што истото е прицврстено на седиштето на возилото со помош на сигурносен појас со три точки на поврзување.

Детето треба да биде врзано со сигурносен појас од седиштето.

Доколку не се почитуваат овие правила предвиден е мандатен платен налог со глоба во износ од 35 евра во денарска противвредност во мандатна постапка ќе му се издаде, односно ќе му се регистрираат 15 негативни бода  на возачот кој постапува согласно овие правила.

Телекомуникацискката компанијаВип и официјално ги отвори вратите од новата управна зграда.  Лоцирана во центарот на Скопје, на Плоштадот “Пресвета Богородица”, новата деловна зграда  на Вип  има  8 ката и располага со 8400 м2 корисен работен простор за повеќе од 830 вработени.

Новата деловна зграда на Вип е конципирана во согласност со последните трендови за уредување на деловните простории и користење на напредна технологија, односно е уредена според т.н. агилен принцип на работење кој се базира на физичка функционалност, но и на севкупната филозофијата за поттикнување на агилноста како појдовна точка во креирање на високо ниво на задоволство на вработените, а следствено на тоа, пресретнување на потребите на корисниците и осигурување на супериорно корисничко искуство.

Одлуката да се вселиме во нова деловна зграда дојде природно, како логичен редослед со кој го следиме растот на компанијата од една страна, но уште повеќе, да им обезбедуваме на нашите вработени работна средина која ќе придонесе кон зголемување на нивната ефикасност и флексибилност, унапредување на тимската работа, подобрување на транспарентноста во работењето и полесна комуникација. Новите простории во целост ја поддржуваат нашатакорпоративна култура и постулатите врз кои таа се заснова – тим, агилност и доверба, кои во комбинација со напредните дигитални решенија,  гарантираат ултра модерни услови за работа за сите постојни, но и идни вработени. Новите деловни простории се еден убав почеток и стимул за пресретнување на сите предизвици кои во иднина, заедно со нашите вработени ќе ги совладуваме– изјави Мислав Галер, извршен директор на Вип.

Во новата зграда на Вип за формалните и деловни средби, на располагање за вработените се повеќе од 40поголеми и помали дигитализирани сали за состаноци, како и простории за видео и теле конференции опремени со врвна технологија. За неформалните средби, на вработените им се достапни повеќе отворени позиции, т.е. „фокус соби“ кои се наменети за кратки и брзи состаноци, а пак за дружење и релаксација, новите простории располагаат со кујни на секој од катовите, соба за релаксација, како и кантина.

Во рамките на новиот простор е сместен мултимедијален и мултифункционален центар, со доволен капацитет да излезе во пресрет на потребите на компанијата за директна комуникација со вработените, или пак медиумите, а во насока на промовирање на транспарентноста и отвореноста на компанијата за соработка со сите засегнати страни.

Концептот на „агилна организација“, инаку, подразбира култура на однесување и работење која има за цел да ја зголеми продуктивноста и транспарентноста на компанијата, и тоа од секој аспект на деловното работење. Тоа подразбира поддржување на поголема флексибилност во работењето, создавање отворена работна средина без прегради и ограничувања, вклучително и за топ менаџментот, поттикнување поголема мобилност на вработените и што повеќе можности за тимска работа.

Во насока на поддршка на младите ентузијасти и креативци, Вип ги отстапи внатрешните ѕидови на секој кат, на неколку графити артисти кои ја поттикнуваат креативноста и позитивното расположение на вработените. Со ова Вип дополнително го потенцира невообичаениот пристап кој им го нуди на своите вработени.

На Ѕидот на сообраќајниот срам почнаа да се појавуваат предлози и идеи за скопскиот градоначалник Петре Шилегов, по страшната несреќа во Аеродром во која почина старица, а дете се бореше за живот.

- Приштина. Навечер пешачкиот премин е осветлен. Не е лошо да прифатиме некои позитивни идеи од соседството, стои во објавата на Ѕидот на сообраќајниот срам.