На Ѕидот на сообраќајниот срам почнаа да се појавуваат предлози и идеи за скопскиот градоначалник Петре Шилегов, по страшната несреќа во Аеродром во која почина старица, а дете се бореше за живот.

- Приштина. Навечер пешачкиот премин е осветлен. Не е лошо да прифатиме некои позитивни идеи од соседството, стои во објавата на Ѕидот на сообраќајниот срам.

Ќе донесе ли влезот во ЕУ поевтини кредити? Ова го очекуваат поголем дел од граѓаните а го ветуваат и банкарите.

Очекувањата се дека банките ќе ги намалат заработувачките, а ќе поевтинат кредитите за граѓаните, кога же се снижи каматната маргина која во моментов е 5 отсто.

Антонио Аргир - Претседател на УО на НЛБ Банка смета дека кога Македонија ќе влезе во ЕУ каматната маргина ќе се намалува под притисок на активноста на банките и инвестициите.

Профитабилните банки се важни за економијата, па затоа ако работиме само во насока на намалување на кредитната маргина а нема да имаме нови инвестиции значи дека банките ќе се најдат во непрофитабилна ситуација, посочува Аргир.

Наспроти него, експертите пак се убедени оти дека а високиот профит на домашните банки произлегува токму од каматната маргина.

90 милиони евра е сумата која ја прокнижиле домашните банки во првите шест месеци годинава.

На пазарот на труд во Македонија моментно има над 8.400 слободни работни места објавени на веб страницата на Агенцијата за вработување.

- Магационери, молери, продавачи, раководители на производство, специјалисти, комерацијалисти, возачи, обезбедувачи на лица и имот, електромонтери, специјалисти за човечки ресурси, бравари, општи амдинистратори, директори, дистрибутери, службеници за организирање патувања, се дел од огласените работни позиции.

Сататистичките податоци покажуават дека во првиот квартал од годинава стапката на слободни работни места изнесувала 1,68 отсто.  Најголем број слободни работни места, 2.929, биле во групата Работници во услужни дејности и продажба.

Како што покажува анкетата на работна сила, покрај услужниот, и индустрискиот и градежниот се сектори со најголем раст на вработеноста во првиот квартал од годинава.

Стапката  на  вработеност во првиот квартал изнесува 44,6 проценти и во однос на истиот период лани е повисока за 0,9 процентни поени.

- Бројот на вработени лица  е повисок за  2,2 процента, односно за околу 16 илјади лица во однос на истиот квартал минатата година, при што најголем раст на вработеноста има во индустрискиот сектор (8,7 илјади или 5,2 проценти), по кој следуваат градежниот (4,8  илјади или 9,4 проценти) и услужниот сектор (2,7 илјади или 0,7 проценти), се наведува  во документот.

Анализирано според економскиот статус, раст на вработеноста има кај сите категории, освен кај семејните работници. Така, бројот на вработени лица е зголемен за 13,5 илјади или 2,4 проценти, а бројот на работодавачи за 3,2 илјади или 9,4 провценти

Растот на вработеноста е придружен со пад на бројот на невработени, којшто е намален за приближно 12 илјади лица, односно 5,4 проценти на годишна основа. Таквите движења на пазарот на трудот предизвикале стапката на невработеност во првиот квартал годинава  да се намали на 21,6 проценти, односно за 1,3 процентни поени споредено со истиот квартал во 2017 година.

Гледано по возрасни групи, невработеноста е намалена кај сите групи, при што најзначајно намалување има кај централната возрасна група од 25 до 49 години, а која изнесува 21 процент.

Бројот на активното население е зголемен за четири илјади  лица, односно за 0,4 проценти на годишна основа. 

Активното население во првиот квартал 2018 година претставува 56,9 проценти од вкупното работоспособно население и е повисоко за 0,2 процентни поена споредено со истиот квартал лани.

Просечната месечна исплатена нето-плата по вработен, во мај годинава изнесува 24.509 денари.

Од вчера стапи во сила договорот за взаемно признавање на возачките дозволи меѓу Македонија и Германија. Договорот го потпишаа Министерот за внатрешни работи на Македонија, Оливер Спасовски и германскиот амбасадор во земјава Томас Герберих.

Македонските граѓани ќе можат да добијат германска возачка дозвола ако престојуваат во Германија повеќе од 180 дена. Министерот Спасовски рече дека од овој договор граѓаните ќе имаат и други придобивки.

По успешноста на оваа инцијатава, е покрената нова со цел за меѓусебно признавање на возачките дозволи меѓу Република Македонија и Република Словенија без дополнителни тестови и поголеми трошоци, за лицата над 18 години коивеќе имаат возачки дозволи во двете земји.

Оваа Иницијатива ќе биде од голема корист за нашите иселеници во Република Словенија кои веќе неколку години се принудени да полагаат тестови пред комисија за градско возење, а со тоа имаат и дополнителни трошоци кои не се воопшто мали. Се надеваме да ни излезете во пресрет и нам, и да го олесниме патот на нашите иселеници во Република Словенија за полесно признавање или заменување на возачките дозволи.

За петицијата ТУКА.