Согласно со Законот за празниците, следниот вторник, 23 октомври – Денот на Македонската револуционерна борба, е неработен ден за сите граѓани на Република Македонија, соопшти Министерството за труд и социјална политика.

Истовремено, Министерството на граѓаните во земјава им го честита празникот.

Еве ја и листата на неработни денови за наредната 2019 година:

За сите граѓани на РМ

• 1 Јануари (вторник), Нова Година
• 7 јануари (понеделник), Божик, првиот ден на Божик според православниот календар
• 29 април (понеделник), Велигден, вториот ден на Велигден според православниот календар
• 1 Мај (среда), Ден на Трудот
• 23 мај (четврток), првиот ден на Рамазан Бајрам
• 24 Мај (петок), „Св. Кирил и Методиј“ Ден на сесловенските просветители
• 2 Август (петок), Ден на Републиката
• 8 Септември (понеделник), Ден на независноста
• 11 Октомври (петок), Ден на народното востание
• 23 Октомври (среда), Ден на Македонската револуционерна борба
• 8 Декември (недела), „Св. Климент Охридски”, односно 9 декември (понеделник)

***Доколку државните празници и празниците на РМ паѓаат во недела, наредниот ден се смета за неработен.

За граѓаните од православна вероисповед

• 6 јануари (недела), Бадник, ден пред Божик
• 19 Јануари (сабота), Богојавление (Водици)
• 26 април (петок), Велики Петок, петок пред Велигден
• 14 јуни (петок), Духовден, петок пред Духовден
• 28 август (среда), Успение на Пресвета Богородица (Голема Богородица)

За граѓаните од католичка вероисповед

• 21 април (недела), Велигден-Католички
• 1 Ноември (петок), Празникот на сите светци
• 25 декември (среда), првиот ден на Божик

За граѓаните од муслиманска вероисповед

• 11 август (недела), Курбан Бајрам, првиот ден на Курбан Бајрам

За граѓаните припадници на албанската заедница во РМ

• 22 Ноември (петок), Ден на Албанската азбука

За граѓаните припадници на српската заедница во РМ

• 27 Јануари (недела), Свети Сава

За граѓаните припадници на ромската заедница во РМ

• 8 Април (понеделник), Меѓународен ден на Ромите
• За граѓаните припадници на влашката заедница во РМ
• 23 Мај (четврток), Национален ден на Власите

За граѓаните припадници на еврејската заедница во РМ

• 9 октомври (среда), Јом Кипур, првиот ден на Јом Кипур
• За граѓаните припадници на бошњачката заедница во РМ
• 28 Септември (сабота), Меѓународен ден на Бошњаците

За граѓаните припадници на турската заедница во РМ

• 21 Декември (сабота), Ден на настава на турски јазик

Веќе неколку години по ред парното греење поевтинува иако минимално. Од први август најголемиот снабдувач, БЕГ, има пониски цени за 3.10%, „ЕЛЕМ енергетика“ за 1.13%, а „Скопје Север“ за 0.76%.

Во 2017-та цените паднаа во просек за 2%, а во 2016-та за дури 10%.

Сепак, и покрај поевтинувањето парното се уште е меѓу поскапите варијанти за греење.

Просечната месечна сметка за стан од 60 квадрати сега е 1.700 денари или 20.400 денари годишно.

Дополнителна негативна страна е што не може да се штеди – радијаторите подеднакво работат во сите соби, а и кога нема никој дома.

Грејната сезона треба да почне на 15 октомври и да трае до 15-ти април идната година. Доколку температурите се пониски, снабдувањето може да продолжи и по овој датум, но не подоцна од 30 април.

Негативниот тренд на пазарот на мобилна телефонија во Македонија продолжува, со 1,98 милиони активни корисници на крајот на првиот квартал 2018 година, со пад од 0,98 отсто на квартално ниво и од 1,78 отсто за период од една година. Пенетрацијата изнесува 95,81 проценти од населението, што претставува намалување од 1,85 отсто за период од една година, според податоците од регулаторот АЕК.

Од вкупниот број, 953.963 биле припејд корисници (-6.15%), 779.811 биле постпејд корисници (+ 4.85%) и 254.602 биле бизнис постпејд корисници (-3.60%).

Бројот на линии на фиксна телефонија изнесува 366.436, што е за 0.03 проценти повеќе во однос на претходниот квартал и зголемен за 1,20 отсто за период од една година

Бројот на фиксни широкопојасни интернет-врски достигна 399.575 (+ 5,02%), 

Бројот на претплатници на широкопојасен интернет преку мобилен телефон (2G / 3G / 4G) изнесува 1,27 милиони (+ 12,38%).

Абортусот со таблети законски ќе им биде достапен и на жените во Македонија. Со измените на законското решение што го потготвува експертска група во Министерството за здравство, прекинот на бременоста може да биде и со лекови наместо со хируршка интервенција.

Гинеколози велат дека оваа терапија е корисна и за други ургентни состојби во акушерството, но  досега не била регистрирана во Македонија. Министерот за здравство во изјава за Сител вели дека има легално решение како да им биде достапна на лекарите.

-Да имаат уште едно право на избор, секкао во консултација со гинеколог. Ќе најдеме начини како тој лек да е достапен ако не преку регистрација, тогаш постојат други алтернативни решенија со кои може да го има во земјата, вели Венко Филипче.

Со новите законски измени до 12тата недела од бременоста, жената која сака да абортира нема да оди на комисии, на советувања и да чека 5 работни дена за да размисли. Оваа недела членовите на комисијата треба само да ги испеглаат различните ставови за абортусот од 12тата до 22 гестациска недела.

-И тогаш ќе биде волјата на жената на прво место. Нема да има комисија која одлучува  како досега, но по барање на гинеколозите ќе има еден вид советодавно тело бидејќи на лекарот му треба и второ мислење, вели Филипче.

После 22рата недела од бременоста, ќе има комисија од лекари од различни области кои на жената треба да и укажат на сите слабости и предности доколку плодот е со аномалии. Министерот Филипче вели дека прават европски и либерален закон кој е во интерес на жените. Сегашното законско решение беше донесено пред 5 годсини по скратена постапка и предизвика бурни реакции во јавноста и протести од невладини организации.