Покрај покачените даноци и растот на цените, македонските граѓани од наредната 2019 година ги очекува уштете едно дополнително финансиско оптоварување. 

За да успеат даночните обврзници да се снајдат со новите даночни стапки по различни основи, по новиот закон кој треба да стапи на сила од први јануари 2019, најверојатно ќе им треба да си ангажираат лични сметководители за да не заталкаат во даночните лавиринти.

Во синоќешното издание на “Економски магазин“ на Алсат м телевизија, во кое гостуваше директорката на Управата за јавни приходи (УЈП), Сања Лукаревска, на прашање на водителот, дали секој кој што има дополнителни приходи од редовната плата и редовната пензија, би требало секој да има свој сметководител за да може да си ги води сметките за да знае колку данок ќе треба да плати, директорката Лукаревска одговори дека таа е праксата во сите европски земји, секој си има свој сметководител.

Во сите европски земји така е најчесто, праксата е таа. Секое физчко лице си има свој сметководител. Меѓутоа мислам дека нашите сограѓани навистина се доста едуцирани и дел од нив и сами знаат да ги спроведуваат овие смедководствени работи, рече Сања Лукаревска.

Луксембург ќе стане првата земја во светот со бесплатен јавен превоз. 

Весникот Гардијан, пишува дека повторно избраната коалициска Влада на чело со Ксавиер Бетел планира да го укине плаќањето на превозот во возовите, трамваите и автобусите и тоа уште следното лето.

Демократската партија на Бетел, која ќе формира влада со левичарската партија на Социјалистичките работници и со Зелените, се обврза дека животната средина ќе ѝ биде приоритет.

Градот Луксембург, главниот град на земјата секогаш има метеж во сообраќајот. 

Во градот живеат околу 110.000 луѓе, но уште околу 400.000 луѓе секојдневно доаѓаат на работа. Студијата спроведена во градот покажува дека возачите во градот просечно поминувале 33 часа во сообраќајните метежи во 2016 година.

Целата земја има 600.000 жители, но околу 200.000 жители од пограничните региони во Франција, Белгија и Германија секојдневно доаѓаат во Луксембург да работат.

Средношколците имаат слободно возење од училиште до дома.

Владата на Луксембург летово веќе воведе бесплатен јавен превоз за секое дете и за сите помлади од 20 години. 

Лицата кои работат во градот плаќаат 2 евра за два часа возење со јавен превоз. Овие два часа ги покриваат скоро сите локации во земјата, сооглед дека нејзината површина е 2590 квадратни километри.

Сепак, од 2020 година Владата ќе го укине плаќањето на јавниот превоз, а некои детали допрва треба да се решат. 

Професорот Абдулеменаф Беџети на дебата истакна дека со воведувањето на рамниот данок биле најавени пораст на инвестициите, нови вработувања и подобрување на стандардот на граѓаните, но реализацијата од други причини била незадоволителна.

Сега се очекува со поголемиот данок врз 1 отсто од граѓаните да се подобри еднаквоста, што е преамбициозно. Не може да се постигне таков ефект со средствата што се планира да се соберат. Од друга страна, се става акцент на оданочувањето на трудот, пред оданочувањето на капиталот, што, според мене, е нелогично. Би требало приходите од капитал и дивиденди да бидат најоданочени – посочи Беџети, додавајќи дека, меѓу другото, институциите имаат право и на конфискација, но не го применуваат тоа.

Тој потсети дека повисоките даноци ќе донесат даночна евазија, па праша дали институциите се подготвени да се справат со евазијата за законот да ги оствари очекувањата.

ТАВ Македонија и порача на маледонската Влада да се откаже уште сега од идејата за воведување национален авиопревозник, по најавите на министерот за транспорт и врски Горан Сугаревски дека ќе се анализира состојбата за да се види дали има реални услови за тоа. 

Искуствата со националните авио-компании не влеваат многу оптимизам, порачуваат од операторот на двата македонски аеродороми во Скопје и Охрид.

Ако ги гледате финансиските бројки за компаниите национални превозници од регионот, тие имаат финансиски проблеми или се купени од други компании. Ние поддржуваме формирање национален авиопревозник, но мое лично мислење е дека Владата не треба финансиски да ја поддржува компанијата национален авиопревозник туку таа треба да биде способна сама финансиски да се одржува, изјави Алпер Ерсој, генерален директор на „ТАВ Македонија“.

Идеја за воведување на национален авиопревозник имаше и претходната власт, односно министерот за транспорт и врски Миле Јанакиески но тоа никогаш не се оствари.