Светскиот економски форум соопшти дека жените ќе мора да чекаат уште 202 години за да се изедначат со мажите и да имаат исти можности за вработување. 

Според родовата рамноправност, на оваа листа од регионот Србија е на 38 место, Македонија на 66 место, Хрватска на 59, БиХ на 62, а Црна Гора на 69 место. 

Во игра се 149 земји, а прва е Исланд. 

Проблем е што традицоналните работни места кои ги работеле жените ги превземаат роботи. 

Вредноста на биткоинот по повеќемесчен пад, се искачи на повеќе од 3 400 долари, што се препишува на зголеменото купување на оваа криптовалута во Јапонија и Хонгконг.

На Bitstamp платформата биткоинот забележал најголем дневен пораст од 28 ноември, скокнувајќи за дури 11 отсто.

Вредноста на најпознатата дигитална валута паднала за околу 80 отсто во однос на вредноста која ја имала минатиот декември. Само во последните три месеци биткоинот се стопи за скоро 50 проценти.

Потсетуваме, минатата година , цената на биткоинот на кратко достигна 19 511 долари, и тогаш почна потопот со епски размери и таа криптовалута изгѕби 82 отсто од својата вредност.

Со околу 10.000 помалку невработени во споредба со лани се очекува да заврши 2018, според месечната евиденција и динамиката која ја бележи Агенцијата за вработување.

Оваа година до сега се водат 182.036 под заводот како невработени. Од нив активни баратели на работа кои треба се пријавуваат секој месец се 91.485 невработени, додека 90.551 се други лица кои бараат работа.

Годината 2017 заврши со 191.837 пријавени невработени под биро, од кои 102.394 како активни баратели на работа и 89.443 како други лица кои бараат работа.

Оваа година има тренд на изедначување на активните со пасивните баратели на работа, па така додека едните се намалуваат другите се зголемуваат од месец за месец.

На 1 ноември 2018 споредено со 1 ноември 2017-та има 10.615 помалку активни невработени.

Град Скопје ќе продолжи со реализација на проектот “Луна парк”, кој треба да се одвива во повеќа фази. Во предлог-планот за Програма за развој за периодот 2019-2021 година што денеска ќе се најде на усвојување пред советниците на Град Скопје, за реализација на “Луна парк”, но и ревитализација на езерото Треска за трите години се предлагаат 207 милиони денари (3,4 милиони евра), или поединечно по години – 83 милиони за 2019 и по 62 милиони денари за 2020 и 2021 година.

Парите што беа предвидени за изградба на “Луна парк” за оваа година градоначалникот Петре Шилегов ги пренамени.

Оваа сезона немаме “Луна парк” и јас размислувам за целосно нов концепт. Тоа би било партнерство на градот со заинтересиран понудувач доколку не успееме да дојдеме до таа позиција тогаш ќе го модифицираме постојниот проект на “Луна Паркот” и за наредната сезона скопјани да можат да имаат “Луна парк”. Преку еден милион евра градот има потрошено на партерно уредување на постојната локација, ако не успееме да го направиме на партнерски однос тогаш поради почитта кон парите на граѓаните ќе мора да имплементираме нешто на постојната локација, изјави тогаш градоначалникот Шилегов.

Според овој предлог план кој доколку помине на седницата на Совет на Град Скопје станува составен дел Буџетот на Град Скопје за 2019 година кој тежи 5.457.559.000 денари или 88,7 милиони евра, се предвидени капитални трошоци од 226 милиони денари за наредната година, 40 милиони за 2020 и 20 милиони денари за 2021 година, а се однесуваат за подобрување н аусловите за работење на градската администрација и нејзиното поефикасно работење. За таа цел ќе се купи компјутерски софтвер, информатичка и видео опрема (комјутери, сервери, ГПС-уреди и сл.), опрема за видео надзор, комуникациска опрема и слично.