Деца од норвешкиот град, Балстад секој ден чистат бакалар и заработуваат по 500 долари дневно. 

Стотина деца на овој начин имаат  шанси да заработат. 

Тригве Петерсен има 16 години и заработува по 500 евра така што чисти по 80 килограми дневно. 

Децата со ова можат да си дозволат нови работи, телефони, лап топи, облека. 

„Успеав да заштедам доволно за да отпатувам за Америка. Ќе уживам од Њујорк до Хаваи, сам тоа си го овозможив“, вели момчето. 

За килограм рибарите добиваат 7 евра. Велат дека отсекогаш деца биле одговорни за јазици од бакалари. Децата тврдат дека тоа е нивна работа, нивна традиција. 

Неодамнешното истражување на Универзитетот во Квебек носи интересни резултати за колегијалноста на мажите и жените на работа – две жени на различни позиции во компанијата полошо ќе соработуваат отколку двајца мажи.

Сепак, кога се на иста позиција жените немаат таков проблем и можат да остварат подобра соработка. Покрај тоа, ова истражување ја потврди и претходната теорија дека жените од понизок хиерархиски ранг потешко соработуваат со оние од повисок ранг.

Од друга страна, мажите полесно ќе кажат што мислат, а жените ќе остават да се развие љубомора.

Истражувачите дојдоа до заклучок дека проблемот настанува кога една жена е помоќна од друга, а тоа укажува на недостаток на доверба на двете страни.

Тоа значи дека талентираната и образована жена при доаѓањето во нов колектив ќе има помала поддршка отколку мажот, изјави Бренсон. Во овој случај, како што стои во заклучокот, нема воопшто да и биде полесно дури и ако нејзиниот надреден е маж.

Од почетокот на декември, годинава речиси и да нема ден во кој не е објавен оглас за вработување во државните институции и јавните претпријатија. Се вработуваат државни службеници преку огласи што ги објавува Агенцијата за администрација, но и различни профили работници и раководители во огласи кои ги објавуваат самите претпријатија и институции.

Меѓу другите, Агенцијата за администрација објави оглас за вработување на 15 државни службеници во Владата на Република Македонија – Генерален секретаријат. Се бараат кандидати за следните работни места: виш соработник за поддршка од областа на правото, помлад соработник за оперативна поддршка, советник за поддршка на генералниот секретар на Владата, помлад соработник за логистичка поддршка за имплементирање на препораките на Државниот завод за ревизија, виш соработник за организациона поддршка.

Агенцијата за администрација исто така објави оглас за вработување на 10 државни службеници во Министерството за труд и социјална политика. Во огласот се бараат заинтересирани за вработување како помлад соработник за буџетска анализа, советник за имплементација на демографски политики, помлад соработник за административно-техничка поддршка и обработка на податоци и документи за судски постапки и за одговори на жалби од работен однос, раководител на одделение за задолжително и доброволно капитално финансирано пензиско осигурување. Платите во зависност од работното место се движат од 20.900 до 28.303 денари.

Агенцијата за администрација објави и оглас за вработување на 14 раководители во Агенцијата за вработување. Се бараат кандидати за раководители во центрите за вработување во Свети Николе, Охрид, Крушево, Неготино, Македонски Брод и Струга… Платата за сите работни места изнесува 28.277 денари.

Јавното претпријатие за железничка инфраструктура Македонски железници – Скопје овој месец распиша оглас за вработување на 18 лица.

Во огласот се бараат повеќе профили работници меѓу кои помлад инженер соработник за пруги, помлад градежен техничар, помлад ракувач на машина, помлад инженер соработник за енергетска ефикасност, помлад. инженер соработник за електротехнички постројки, помлад одржувач на сигнално сигурносни постројки…

Платите во зависност од работното место се од 18.158 денари до 23.746 денари.

Бранот вработувања доаѓа по најавата дека деполитизација на администрацијата ќе биде приоритет на Министерството за информатичка технологија и администрација.

„Наши императиви во следниот период ќе бидат деполитизација на администрацијата, реорганизација и оптимизација на институциите, зголемување на капацитетите за скрининг и за преговори и ефикасни и поевтини услуги за граѓаните“, рече неодамна ресорниот министер Дамјан Манчевски и додаде дека ниту еден од вработените нема да остане без работа, туку во случај на потреба ќе има доброволно распределување во приватниот сектор./Meta

Недостатокот на кадар го затвори единствениот детски ургентен центар во државата. Во  Клиниката за детски болести фалат педијатри и медицински сестри за да може повторно да функционира Центарот каде до пред две години примаа пациенти во тешка состојба.

Само годинава од Детска заминале тројца специјалисти, а поради дефицитот на лекари болни деца со леукемија и дијабет ќе се мешаат со заболени од грип. Амбуланата каде третираат ургентни пациенти е во ист ходник со специјалистичките ординации. Но за менаџментот на установата тоа не било проблем во лекувањето. 

Може да видите дека нема голема фрекфенција, тоа не е проблем, мој термин си функционира. Немаме медицински сестри а нема и педијатри, не може да вработиме бидејќи нема, вели Катерина Ставриќ, директор на Клиника за детски болести.

Одговор за тоа кога ќе проработи детскиот ургентен центар нема и министерот за здравство.  Според Филипче овој проблем е последица од политиките што ги наследиле од минатото.

Нема компромитирање на тријажата за пациентите. Но знаете, овој недостиг на кадар е заради политиките кои биле спроведувани сите години резултира со тоа сега да имаме сериозен дефицит. Веќе почнавме да го надополнуваме бројот на вработени. Имаме проблем со бројот на специјализации заради недостиг на ментори, вели Венко Филипче, министер за здравство.

Ургентниот Центар на Клиниката за детски болести беше отворен во 2013 година со подршка на турската организација ТИКА. Во периодот кога беше во функција лекарите примале и по десетина дечиња дневно во критична состојба. Потоа во него беше преместена Интензивна нега додека траеше реновирањето на тој оддел. Но наместо повторно да проработи, во неговите протстории надлежните планираат времено да ја преместат лабораторијата.