Нето плата од 14 710 денари во октомври земале вработените во секторот производство на кожа и слични производи од кожа. 

Тие се најслабо платени во земјава. Слични примања имаат и оние кои работат во секторот услуги поврзани со одржување на згради и дејности на уредување и одржување на животната средина и природата. Тие имале нето плата од 14 676 денари. 

Просечната месечна исплатена нето-плата по вработен, во октомври 2018 година, изнесува 24 817 денари.

Според податоците на Државниот завод за статистика, индексот на просечната месечна исплатена нето-плата по вработен, во октомври 2018 година, во однос на октомври 2017 година, изнесува 106.3. 

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Рударство и вадење на камен (22.2 %), Информации и комуникации (18.7 %) и Преработувачка индустрија (11.0 %).

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (5.1 %), Административни и помошни услужни дејности (3.9 %) и Други услужни дејности (3.8 %)

HAPPY WEEK акција во Нептун со големи празнични попусти и до 48 рати БЕЗ камата на СИТЕ производи на happy цени! Од 24-31 декември, до 48 рати без камата со haPPy кредитот или до 24 рати без камата со кредитните картички, потрошувачите ќе можат да си ги купат потребните производи по промотивни – haPPу цени со големи попусти. Нептун со оваа акција им овозможи шопинг до 24 рати без камата и на синдикалните организации со кои има склучено договор за соработка.

Оваа празнична сезона, изненадете ги вашите најблиски и подарете им нов уред по супер ниски цени и уживајте заедно во најубавиот дел од годината! Разгледајте ги понудите во 25-те продажни салони на Нептун ширум Македонија и изберете од големиoт избор на: телевизори, лаптопи, таблети, мобилни телефони, бела техника, мали апарати за домаќинство, прочистувачи на воздух и апарати за нега и убавина.

Со акцијата “Happy Week”, покрај големите попусти и можноста за шопинг на рати без камата потрошувачите во Нептун добиваат и:

– Кешбек од 5% при купување со кобрендираната НЛБ haPPy MasterCARD картичка

– За секоја кумулативна купопродажба во вкупна вредност од 30.000 денари, се добива ваучер од 900 денари за идни купувања.

Дознајте повеќе на https://www.neptun.mk/.

Добар дел од македонските граѓани ќе работат за новогодишните и божиќните празници. Искуството од досега покажува дека работниот ангажман за време на празници и викенди не им е дополнително платено од страна на работодавачите.

Според законската регулатива доколку одговорните лица во приватниот и државниот сектор одлучат да ги ангажираат своите вработени за време на државни празници кои што се прогласени за неработни денови согласно закон, тие тоа треба да го пријават во Трудовата инспекција, а на вработените да им исплатат празнична дневница.

Законот предвидува дека за работа во денови на празници и неработни денови, работникот има право на дополнителен надомест на плата, но зголемена за 50% токму за деновите кога биле неработни.

Доколку работодавецот не го испочитува законот, а при контрола од страна на трудовиот инспекторат е утврдено дека ваквата дневница не била исплатена, тогаш следи казна за работодавецот од 3.000 до 4.000 евра во денарска противвредност.

Горан Сугаревски, министерот за транспорт и врски, денеска изјави дека комисијата за евалуација ги прифатила критериумите под кои „Виз ер“ аплицирал на повикот за субвенции на нискобуџетните летови од Македонија.

Претходниот договор за субвенционирање на нискобуџетните летови на „Виз ер“ истече во јуни и од тогаш авиопревозникот аплиццираше дури три пати како единствен кандидат на повикот, кој претходните два пати беше поништуван.

Сугарески потврди дека компанијата е подготвена да ги задоволи новите услови кои се бараат од неа за аеродоромот „Св,Апостол Павле“ во Охрид.

Исполнети се сите критериуми и според нив Wizz Air има голема обврска да започне со 4 нови дестинации наредната 2019 година, изјави актуелниот министер ѕа транспорт и врски Горан Сугаревски. 

Согласно критериумите авиокомпанијата ‘Визер‘ има обврска да започне со оперирање на најмалку четири нови дестинации од аеродромот ‘Свети Апостол Павле‘ во Охрид и тоа првите две до 26 март 2019 година, а останатите две во рок од една година од денот на склучување на договорот. Исто така има обврска да воспостави и две нови линии од Меѓународниот аеродром Скопје до 26 март 2019 година и истите да ги опслужува најмалку две години. Сакам да ѝ честитам на компанијата „Визер“. Тие и понатаму остануваат сериозен партнер на Владата во развој на авиосообраќајот во земјава, рече министерот Сугарески. 

„Виз ер“ кај нискобуџетните летови практично е монопол во Македонија и контролира повеќе од 95 отсто на тој пазар.

Од буџетот на Република Македонија за субвенционирање на нискобуџетната компанија од 2019 до 2022 година, предвидени се 5 милиони евра. „Визер“ ќе добие еднократна финансиска поддршка во износ од 40.000 евра за секоја нова дестинација воведена од Меѓународен аеродром Скопје и аеродром „Свети Апостол Павле“ .