Дали видеонадзорот во градинките е уште еден луксуз на родителите или реална потреба на современото живеење, е прашањето кое последниов период се наметнува во јавноста.

Неодмна беа актуелни темите за работата на воспитувачите и на негувателите, па од тука и се наметна прашањето, дали е потребен видеонадзор во градинките.

Откако во јавноста излегоа неколку немили настани од страна на наставничките и негувателките, родителите се побунија и дел од нив побараа на камера да си го гледаат своето дете додека е во градинка.

Родителите се со поделени мислења во врска со оваа тема. Некои сметаат дека е добро да има камери во градинките, бидејќи на тој начин ќе има поголема контрола врз вработените и нивниот однос кон децата. Други, пак, ја осудуваат оваа иницијатива, велејќи дека ова отвара можност за злоупотреба на снимките. Родителите и вработените во градинките потенцираат и на фактот дека вината за однесувањето на децата мора да се побара и кај самите родители.

-Јас сум за.Нека има камери во градинките. Ама да се нема пристап до нив освен ако има потреба. Мислам дека многу родители ќе го злоупотребуваат тоа. Никој не сака детето да му трпи насилство ама па сега и за една гребнатинка модрица не оди да се малтретираат негувателките. А се си мислам дека кај нас на тој начин ќе се злоупотребуваат тие снимки и родителите ќе станат напорни. На пример да има одредени правила во кој случај може да се бараат да се видат(како што беше случајот со едногодишното девојче,изгризаното)или приметуваш одредени промени во однесувањето на своето дете.

-Против. Родителите од пуста желба за контрола не може да ги согледаат штетните последици кои би произлегле од ваквиот потег. Интимата на детето изложена на тацна. Дури и да не се стримува видеото, туку да се снима и да се чуваат снимките, повоторно некој би бил задолжен за одржување, чување, бришење итн. на снимките. А јас не сакам било кој да може да го гледа моето дете како јаде, оди во тоалет, спие... Не сакам неговото секојдневие да го споделувам со било кој. Јас би ги прашала родителите кои се за снимање дали би дозволиле камери во нивната спална соба? Оти исто му се фаќа. И не, воопшто не е исто снимање возрасни луѓе на работа и снимање на деца.

Прво сум да има повеќе градинки, и повеќе негователки/воспитувачки. Да не мора врски да се фаќаат уште дури не ти е родено детето, и да не бидат една на 30 деца. Е, кога тоа ќе го средат, може да се разговара за камери. Ставија луѓе во администрација, по двајца на едно работно место, а ваму недостиг на персонал во градинките. 
Секогаш кај нас обратно се решаваат проблемите, затоа никогаш не е ништо решено. 
А за камери ко камери, не сум против, ама џабе додека не се реши другиот проблем.

Доколку општините не почнат да даваат дозволи за градба, граѓаните веќе од следната година ќе го почувствуваат покачувањето на цените на становите во Карпош, Центар и Аеродром, предупредуваат консултантите за комерцијални недвижности.

Велат дека граѓаните сакаат да инвестираат во недвижности, па поради тоа треба да се забрза градежната активност. Градежниот сектор веќе подолго време се жали дека поради укинувањето на Деталните урбанистички планови не можат да добијат дозвола за градба. Поради ова имаат штети од неколку милиони евра

Доколку продолжи намалувањето на градежната активност, остане истата побарувачка или се зголеми, ќе се створи дисторзија на среден рок. И тоа ќе се одрази на качување на цените, вели извршниот директор на Фортон, Влатко Богоевски.

Граѓаните сакаат да купуваат поголеми и поквалитетни станови. Консултантите сметаат и дека компаниите во земјава знаат и можат да направат квалитетни станови. Но, граѓаните не се финансиски подготвени да платат за такви станови.

Број еден одлучувачки фактор за стан е цената, број два е локацијата, број три функционалноста на станот и број четири е квалитетот. Тоа значи дека не е проблем да се произведат многу поквалитетни станови од постоечките. Проблем е дали има пазар, односно купци за таков вид на станови, вели Богоевски.

Во минатата година во Скопје биле издадени дозволи за над 4.000 станови. Лидери по издавање на дозволи се Аеродром и Центар.

Најскапи се становите во Центар и Карпош, а потоа следат Аеродром и Кисела Вода.

Газдите на приватните компании во Македонија постојано бараат работници, но тешко го одврзуваат ќесето за да ги платат.

Прегледот на активните огласи за вработување објавен на веб-странциата на Агенцијата за вработување на Република Македонија открива дека најчесто како основна се нуди месечна плата од 12.000 денари, колку што е и законски минимално утврдената во државата.

Некои дури даваат и помалку, односно по 10.080 денари, колку што претходно изнесуваше минималецот. Објавените огласи покажуваат дека платата од 12.000 денари е стандард за пица-мајсторите, продавачите, готвачите, таксистите, магационерите, градежните работници, фризерите, но неретко им се нуди им се нуди и на дипломирани медицински сестри, фармацевти, инженери од разни струки, книговодители, сметководители, правници, економисти.

Најновите објавени огласи откриваат и зошто во Македонија има дефицитарни струки Минималецот од 12.000 денари им се нуди и на металостругари, дреари, тесари, бравари, машин бравари, фасадери и на лица со слични занимања, кои ги има малку, а се многу барани. Незадоволни од платата што им се нуди тука, мајсторите на овие занаети заминуваат во странство, каде што месечно заработуваат и над 1.000 евра.

На топ-листата на најбарани и најплатени професии во светот во наредните десетина години се оние од областа на заштитата на животната средина. Кај нас баш и не е така. Во моментов еден работодавец бара еколошки ревизор кој сака да го ангажира со полно работно време за основна плата од минимални 12.000 денари. Иста плата се нуди и за забен протетичар, негувателки на деца, осигурителен брокер, машински и градежен инженер, тим лидер, раководител за финансиски работи, како и на менаџер.

Некои од фирмите кои огласиле потреба од работници, сепак, трудот на образованите раб отници го ценат нешто повеќе. Па така, се бара архитект за 15.000 денари, доктор по стоматологија за 14.000 денари, правник за 15.000 денари, инженер технолог за 18.000 денари, доктор по општа медицина за 18.450 денари, архитект за 16.000 денари, медицинска сестра за 15.000 денари. Фирма бара советник за 20.000 денари, но потребен е и референт за 10.800 денари, касиер за 15.000. За туристички аниматор е понудена плата од 17.130 денари, но има и еден оглас за систем администратор со плата од 12.000 денари. За истата плата се бара и забен протетичар. Инструктор за фитнес, според македонските работодавци вреди 10.080 денари, а по аеробик 15.000 денари. 

Во спредба со другите меѓу “топ" огласите се оние за гинеколог и физиотерапевт за плата од 33.000 денари, доктор по спортска медицина за 40.000 денари месечно, судски преведувач за 30.000 денари, програмер за 43.000 денари, информатичар за 27.237 денари, маркетинг агент за 24.000, економист за 30.000 денари, електроинженер за 32,000 и машински инженер за 34.000 денари, систем оператор за 36.000 денари. Добра понуда имаат и два синџира маркети кои бараат менаџер за 37.000, односно за 37.500 денари. Највисока плата во моментов нуди невладина организација, која бара соработник кој месечно ќе го плаќа по 52.000 денари.

Во текот на вчерашниот ден на веб страницата на АВРМ активни беа над 7.4000 огласи за вработување. Најголема потреба од работници имаат скопските комапнии – кои огласиле повеќе од 5.000 слободни работни места. По повеќе од 100 работници бараат фирмите од Струмица, Кавадарци, Битола, Штип, Тетово, Куманово, Гевгелија, Виница, Кочани, Велес, Делчево, Прилеп… Од друга страна, во Свети Николе не е објавен ниту еден оглас за вработување, а само по пет работници бараат фирмите од Демир Хисар и Крушево.

Најмногу раобтници вообичаено побаруваат преработувачката индустрија и трговијата, а десетте најбарани занимања се хигиеничар на производствени, односно работни простории, продавач, работник на лента во фабрика, чувар, општ работник, шивач на текстил, келнер, таксист, магационер и касиер.

Право на шест илјади денари социјална пензија и на уште една илјадарка во грејната сезона и тоа почнувајуќи од 1 јануари годинава, ќе добијат околу 6.000 постари жители на Република Македонија кои не успеале да остварат право на старосна пензија, а немаат никакви други приходи.

Предлог-законот за социјална сигурност за стари лица со кој е предвидено ова право е влезен во Собранието и чека ред кај пратенците за прво читање.

Но, исплатата на средствата може да се оддолжи повеќе месеци, особено затоа што е оставен простор неопходниот правилник да се донесе во рок од три месеци по неговото стапување во сила. Како и да е, во последниот член од Предлог-законот стои дека влегувањето во сила е осмиот ден од денот на објавувањето во “Службен весник#, а примената од 1 јануари 2019 година.

Според предложениот закон, право на популарно наречената социјална пензија имаат државјани на Република Македонија со навршени 65 години возраст, кои во последните 15 години имаат постојано место на живеење во државата, немаат имот и имотни права од кои можат да се издржуваат, не се корисници на пензија од Република Македонија или вид на исплата по основ на старост, инвалидност или доживување од друга држава, не остваруваат приходи и имаат пријавен пензиски стаж во Фондот за пензиско и инвалидско осигурување на Македонија, или стаж на осигурување во траење помалку од 15 години.

Но, во заедниците во кои во брак или вонбрачно живеат две лица кои ги исполнуваат овие услови, социјална пензија ќе може да добие само едно од нив.