Вакцината против мали сипаници, заушки и рубеола не предизвикува аутизам, покажа новото истражување кое било спроведено со намера да ги уверат оние кои се сомневаат во вакциниррањето, пишува „Гардијан“.

Европските застапници предупредуваат на здравствените ризици од опаѓање на бројот на вакцинирани деца во ЕУ.

Сомнежите дека вакцината МРП (против заушки, рубеола и паротитис односно сипаници) предизвикува аутизам ги отвори гастроентерологот Ендрју Вокфилд кој во 1998 година ја постави хипотезата дека примањето на оваа вакцина предизвикува аутизам. Симптомите на аутизам почнале да се манифестираат меѓу 12 и 15 месеци.

Оваа теорија не е докажана, а на Вокфилд подоцна му било забрането да практицира медицина. Но, со појавата на социјалните мрежи повторно се појави сомнежот за вакцинирање.

УНИФЕЦ неодамна предупреди дека бројот на случаи на новозаболеми со мали сипаници се екстремно се зголемил, а епидемијата се шири меѓу децата кои не се вакцинирани Светската здравствена организација соопшти дека невакцинирањето е една од десетте најголеми закани на светското здравје.

Дански истражували спровеле едно од клучните истражувања за да покажат дека не постои врска меѓу вакцините и аутизам. Со истражување почнале во 2002 година, а нивното најново истражување вклучува 6.517 случаи на аутизам, најголем број до сега, а спроведено е меѓу 650 илјади деца во Данска кои ги следеле 10 години.

Д-р Андрес Петер Хвид од Институтот Серум во Копенхаген изјави дека студијата од 2002 година е објавена пред 16 години во списанието „Њу Ингланд џрнал оф медисин“, но не ја елиминирала идејата дека вакцината не предизвикува аутизам.

Истажувачите имале намера да се занимаваат со критиките кои ги апосторфираат противниците на вакцинацијата, како што е тврдењето дека некои групи деца се подложни на аутизам откако биле вакцинирани со МРП. Научниците ги анализирале децата кои имале близок сродник кој е аутистичен и оние кои имаат зголемени фактори на ризик за аутизам, како што се постари родители. Исто така зеле во предвид дека имало повеќе аутизам меѓу деца кои примиле други вакцини, пред МРП. Противниците на МРП вакцината исто така утврдиле дека постои еден вид регресивна форма на аутизам која е предизвикана од вакцинирање, а која не се појавува во истражување на комплетната популација. Сите овие теории се тестирани во ова истражување и се покажале како неточни, изјави Хвид.

Не најдовме потврда на хипотезата за зголемен ризик од појава на аутизам по вакцинирање со МРП на неселектираната популација кај данските деца, никаква потврда на хипотезата дека МРП предизвикува аутизам во некои подгрупи кои ги карактеризираат семејни или фактори од околината и никаква потврда за групирање на случаи на аутизам во специфичен временски период по вакцинирање со МРП, пишува во истражувањето.

Околу 200.000 невработени, а повеќе од 6.000 активни огласи за вработување, покажуваат статистичките податоци. Работодавачите се жалат на недостиг од кадар, а невработените не сакаат да работат за минимална плата.

Според познавачите на пазарот на труд, постојат неколку фактори што придонесуваат бројката на огласи за работа постојано да е голема. Речиси половина, односно 45% од слободните работни места се во услужни дејности и продажба, како и елементарни занимања. Експертите велат дека овие работни позиции тешко се пополнуваат бидејќи платите претежно се колку минималниот, или нешто над тој износ. Младите не се решаваат да се запишат во средните стручни училишта од истата причина, платите не се атрактивни за нив. Од друга страна, во одредени сектори, како што е текстилната индустрија, работодавачите велат дека немаат услови да ги зголемат платите.

Спротивно на оваа, на пример, е ситуацијата во ИТ секторот. И таму има недостиг од кадар и покрај тоа што таа индустрија е меѓу најбрзорастечките, а платите се атрактивни и постојано растат. Статистиката покажува дека просечната нето плата за компјутерско програмирање, на пример, лани во споредба со претходната година пораснала за 12,4% и во декември изнесувала 75.546 денари. И покрај тоа, во секторот има повеќе од 300 слободни работни места. Познавачите сметаат дека една од причините за ваквата состојба на пазарот на труд е тоа што образовниот систем не произведува доволно стручен кадар, односно теоријата не е поткрепена со практична настава за да креира квалитетни кадри.

Податоците покажуваат дека на крајот од минатата година активни биле дури 674 огласи за вработување на стручњаци и научници, а единствено кај воените занимања нема слободно работно место.

Македонците не веруваат дека преку оглас може да се најде работа, иако постојано се објавуваат различни огласи кои бараат работници. 

Тие сметаат дека во Македонија работа најчесто се добијва по пријателска, роднинска или пак партиска врска. 

Јас сум дипломиран економист од пред 5 години. Нема број на колку огласи досега имам аплицирано. Работев на две места. Првиот пат работев во една приватна фирма, по препорака на пријателка, а сега работам исто во приватна градежна фирма, во која работеше татко ми пред да влезе во пензија, па со многу врски, успеав да се вработам таму. Не верувам дека кај нас може така лесно да се најде работа преку оглас. Сите огласи се пуштени само заради некој ред. А често се случува и некој веќе да работи на тоа место, раскажува Наташа од Влае. 

Јас се вработив, со помош на роднини. Односно, братучед на татко ми е сопсвеникот на фирмата каде што работам, па така успеав да добијам работно место. Инаку воопшто не е лесно да работиш кај свој човек. Колку пати сум сакала да се спротиставам, но не можев. Аплицирам и на други места кои ги гледам на огласите, но тешко. Никој досега ми се нема јавено, вели Маја од Ѓорче. 

Јас сум вработен преку оглас. Ама искрено не верувам дека толку лесно може да најде работа преку огласите. Јас најдов работа, бидејќи е за 200 евра. Така е во нашата татковина за жал, вели Никола. 

Многу вакви примери, некои ги доживеале на своја кожа кои и покрај активното барање на работа, следење огласи, не успеале да се вработат.

Телекомуникациската компанија Vip успешно воведе електронска фактура со дигитален потпис, уште еден проект со кој ја засилува дигиталната трансформација во општеството. Имплементацијата на проектот е во соработка со македонската компанија Некстсенс.  Со употреба на Nextsense Signing Server се овозможи дигитално потпишување на електронските фактури. Освен за оваа намена, решението за дигитално потпишување на Некстсенс, преку интеграција со други компаниски системи, ќе овозможи и аплицирање на дигитален организациски печат и/или временски жиг и во други апликации кои користат дигитални документи.

Решението за  дигитален електронски потпис на месечната сметка за комуникациски услуги им  овозможува на бизнис корисниците на Vip да добиваат фактури со гарантирана автентичност, интегритет на содржината и еднаква легитимност како и печатените фактури кои ги добиваа досега. Ова решение е целосно во согласност со Законот за ДДВ член 53-б и овозможува ефикасно книжење и евиденција на сметките и на документацијата за компаниите.

“Како компанија сме постојано насочени кон обезбедување на подобро корисничко искуство, што во овој случај резултира со заштеда на време за компаниите со што истите можат да ја подобрат својата ефикасност. Дополнителна придобивка од електронската сметка е можноста за лесна навигација низ различните сегменти на фактурата и до прегледот на услуги за секој мобилен или фиксен претплатнички број”, изјави Димитар Димитров, Директор на одделот за грижа за корисници во Вип.

Како членка на Телеком Австрија Групацијата, која опслужува над 25 милиони задоволни корисници во осум земји во Европа, Vip e меѓу првите компании со целосно дигитализиран процес кој ги инкорпорира сите неопходни стандарди и закони релевантни за дигитални документи.