Промовирани огласи »

Црна Гора се наоѓа меѓу европските држави кои се соочуваат со ризик за зголемување на јавниот долг, наведе Светска банка во новите Глобални економски прогнози.

Јавниот долг на оваа земја изнесува 2,3 милијарди долари, односно 58,84 проценти од бруто домашниот производ.

Ризик од зголемување на јавниот долг имаат и Албанија, Белорусија, Хрватска, Унгарија, Полска и Украина.

Состојбата со вкупниот долг на ентитетите на Босна и Херцеговина се влошува. Самиот долг е зголемен во текот на изминатите десет години, па на ниво на ентитетите се менуваа дури и закони кои го одредуваа горниот праг на задолженост, за да се подигнуваат нови кредити. БиХ е должна шест милијарди евра, односно 41,5 отсто од БДП.

Министерството за финансии на Србија соопшти дека сосотјбата со јавниот долг во декември минатата година изнесува 25,1 милијарда евра, односно 72,9 проценти од БДП.

Македонија има јавен долг од 3,4 милијарди евра, односно 38 отсто од БДП, а од регионот најмалку е задолжено Косово со 852 милиони евра или 14,47 проценти од Бруто домашниот производ.

Јавен или државен долг го сочинуваат средствата кои државата ги позајмувака за да го финансира дефицит.

Се работи за финансиски инструмент кој опфаќа елементи на јавни приходи и расходи, бидејќи во моментот на склучување на договорот за кредит тоа е приход, а во моментот на доспевање е расход за државата.

Промовирани огласи »

Списанието Fortune и консултантската компанија Korn Ferry Hay Group ја подготвија престижната листа „најпочитуваните компании во светот“. За последователна година првите десет места се окупирани од американски компании. Втора година по ред лидерот е ист.

За да биде изготвена листата, авторите земаат примерок од најголемите 1000 американски компании според големината на приходите, како и претставници на бизнисот надвор од САД од базата на податоци Global 500 со обрт најмалку 10 милијарди долари.

Во првата фаза се анализирани 680 компании од 51 сектори на економијата базирани во 28 држави. Вториот чекор е да се анкетирани менаџери на овие 680 компании, како и разни аналитичари. Тие ги рангираат компаниите на база на девет критериуми - од инвестициска вредност и квалитет на корпоративното управување на производи, социјална одговорност и способност за привлекување на таленти.

Крајниот пласман на 50-те реномирани компании се оформува по анкети со 3800 менаџери и аналитичари кои учествувале во секторските студии кои гласале за 10-те компании, на кои им се восхитуваат најмногу

10. Microsoft

Сектор: Компјутерски софтвер

Пазарна капитализација: 499.35 милијарди долари

9. Facebook

Сектор: Интернет услуги и трговија на мало

Пазарна капитализација: 318.98 милијарди долари

8. Southwest Airlines

Сектор: Авиокомпанија

Пазарна капитализација: 36.02 милијарди долари

7. General Electric

Сектор: Индустриски машини

Пазарна капитализација: 263.4 милијарди долари

6. Google

Сектор: Интернет услуги и трговија на мало

Пазарна капитализација: 251.9 милијарди долари

5. Disney

Сектор: Забава

Пазарна капитализација: 174.44 милијарди долари

4. Berkshire Hathaway

Сектор: инвестиции холдинг

Пазарна капитализација: 200.12 милијарди долари

3. Starbucks

Сектор: Food Services

Пазарна капитализација: 83.77 милијарди долари

2. Amazon.com

Сектор: Интернет услуги и трговијата на мало

Пазарна капитализација: 403.32 милијарди долари

1. Apple

Сектор: Технологија

Пазарна капитализација: 716.99 милијарди долари

Промовирани огласи »

По 86 години легендарниот њујоршки хотел „Waldorf Astoria“, еден од најреномираните во светот со прекрасно антре во стилот на арт-деко, и славни личности коишто можеа да се сретнат во лифтот од неговата „кула“, престанува да работи.

Од актерките Мерилин Монро до Грејс Клеи, од американските претседатели Херберт Хувер 1929/1933) до Барак Обама (2009/2017), преку сите челници минати и сегашни на планетата, коишто таму отседнуваа во текот на годишното Генерално собрание на Обединетите нации, ова здание коешто е отворено на 1-ви октомври 1931 година на Парк Авенија во срцето на Менхетен, има видено како во неговите луксузни апартмани и особено фалени тоалети во арт-деко стил до кваките на вратите, минува плејадата најславни и најмоќни личности на светот.

По 86 години, хотелот со повеќе од 1.400 соби и апартмани, во кој е и измислена 24-часовната услуга во соба, бил најголемиот на светот во времето кога е пуштен во употреба, всушност, хотелот се подготвува за огромно реновирање.

Кинеската осигурителна компанија „Anbang“, којашто го откупи од синџирот хотели „Hilton“ во 2014 година за 1,95 милијарди долари, започнува со големи работи на реновирањето од 1-ви март, коишто би требало според првичните процени да траат најмалку две години.

Засега за јавноста не е познат официјалниот план, но е познато дека голем дел од хотелот треба да биде преправен во супер луксузни апартмани, да биде поисплатлив, со низа продавници во приземјето, препуштајќи му на хотелскиот дел само мал простор од вкупната површина.

Хотелот „Waldorf Astoria“ од 1993 година е впишан на листата знаменитости на Њујорк, како што се „Empire State Building“ или мостот „Brooklyn“, така што фасадата не е доведена во опасност од нарушување. Меѓутоа, внатрешноста на зданието не е заштитено, па некои њујорчани се загрижени дека големата сала за танцување или влезниот мозаик засекогаш ќе исчезнат и покрај ветувањата на челниците на „Abnang“ дека ќе работат на реновирањето заедно со службите одговорни за зачувување на културното наследство.

Промовирани огласи »

Во одредени земји во светот, работниците постојано работат прекувремено, а во најлоша позиција се Мексиканците. 

Најискористените работници се наоѓаат во Мексико. Просечниот граѓанин на оваа земја работи 2246 часа годишно, или 43.2 часа неделно. 

На второ место е Костарика, често рангирана како најсреќната држава во светот со 2230 часа годишно. Топ пет листата ја дополнуваат Јужна Кореја со 2113 часа, Грција со 2042 часа и Чиле со 1988 часа во годината. Ова се гледа од податоците на Организацијата за економска соработка и развој (ОЕЦД) за 2015-та година.

На дното на листата е Германија, која вообичаено се смета за исклучително ефикаснa. Просечниот Германец работи само 1371 часа годишно, или 26,4 часа неделно. Граѓаните на Холандија се во релативно добра позиција (1419 часови), Норвешка (1424 часови), Данска (1457 часови) и Франција (1482 часови). 

Во Велика Британија пет милиони луѓе редовно работат прекувремено без да добиваат плата. На овој начин газдите добиваат 31.5 милијарди фунти секоја година, пишува „Daily Telegraph“. Но, Британците се дури релативно привилегирани, затоа што работат просечно 1674 часа годишно, или 32,2 часа неделно.

Просечните работни часови се намалени во секоја држава, за која ОЕЦД располага со податоци. Во Велика Британија, на пример, вообичаен вработен работел во просек 1700 часа годишно во 2000-тa година во однос на 1674 часа во 2015-та година.

Работните часови се намалени значително и во други земји. Во Унгарија луѓето  работеле 2033 часа годишно во 2000-та година, а во 2015-та година веќе работеле 1749 часа.

Повеќе вести...
барај огласи за вработување » барај останати огласи »