Властите во неколку градови во САД предложија закон со кој ќе се забрани продажбата на електронски цигари, сѐ додека нивниот ефект врз здравјето на луѓето не биде испитан од страна на американската Влада.

Ова е прв ваков случај во САД. Сан Франциско, Чикаго и Њујорк испратиле заедничко писмо во кое бараат Државната агенција за храна и лекови да го утврди влијанието на електронските цигари врз човековото здравје.

Главниот обвинител на Сан Франциско, Денис Херера, еден од авторите на предлог-законот, изјави дека електронските цигари мора прво да се испитаат.

Тие компании може да се кријат зад маската на помала штета, но јасно е дека и нивните производи предизвикуваат зависност, изјави тој.

Според критичарите на предлог-законот, тоа повторно ќе значи потешко откажување од цигарите кај луѓето што го сакаат тоа.

Платиле солидни пари за три дена да уживаат во Истанбул за 8 март, но наместо тоа добиле само нервози и огромен шок – на аеродромот за назад разбрале дека агенцијата не обезбедила и повратен билет за назад. Вакви измами се уште доживуваат граѓаните со туристичките оператори – ветени луксузни хотели а најдени очајни сместувања каде буквално нема ни тоалети, лаги дека задоцниле и автобусите заминале, се само дел од стресовите. Пазарниот инспекторат предупредува граѓаните да внимаваат кога уплаќаат аранжмани преку интернет, признаваат дека немаат ни пари ни кадар за да ги проверуваат.

„Имаме едно известување каде што ги предупредуваме граѓаните дека моментално ниту имаме средства, ниту ниту начин, ниту обучени инспектори кои можат да ги гледаат сите тие онлајн продажби. Затоа веќе шест месеци стои известувањето на веб сајтот на Пазарнниот инспекторат, токму за да ги предупредиме што ги очекува ако земаат услуги од онлајн нудители. На онлајн некој може да биде нашминкан и дотеран, па кога ќе го видите во живо не е тоа тоа. Друго е кога ќе отидете во туристичката агенција, ќе потпишете договор, ќе зе,мете програма каква што ви нудат за парите, тогаш и нас како институција ни е полесно да постапуваме“, вели Стојко Пауновски, директор на Државен пазарен инспекторат.

Граѓаните задолжително да проверат на веб страната на Министерството за економија дали Агенцијата има лиценца, ги упати министерот Бектеши. Пред патувањето, задолжително да се бара програмата и да се потпишат договори. Сепак, треба да се свесни дека има разлика меѓу аранжам од 100 и илјада евра.

Државата сака да стави ред во туристичкиот бизнис. Агенциите кои организаираат патувања надвор од земјва и ја имаат А дозволата, ќе мора да обезбедат банкарски гаранции, се размислува за суми од 50 до 100 илјади евра. Штом агенцијата направи измама, гаранцијата директно ќе се активира и така граѓаните директно ќе бидат обесштетени.

„Оваа проблематика е во новото законско решение, каде нема да им дозволиме на компаниите кои ќе добијат казни потоа да се регистрираат, или само со менување на името, или додавање на некое плусче или точка во името, да можат пак да се лиценцираат“, вели Крешник Бектеши, министер за економија.

Ова од причина што не ретко се случува агенција која веќе добила една казана, за да избегне и втора и одземање на лиценцата, да направи промена на правниот субјект и одново да побара дозвола. Кога ова ќе се открие, ќе и се забрани вршење на дејноста.

Лани пазарните инспектори направиле 421 контрола, од кои 90 отсто по претставки од граѓани. Освен неколку незавршени постапки, во сите други случаи агенциите им ги вратиле парите.

Инспекторатот ги обучувал и директорите на училиштата каде ќе има екскурзии, а на првата неодамна, инспектори дошле директно на граница и ги направиле сите проверки за потоа да не се случуваат пропусти.

Банките да не им наплатуваат на граѓаните од ранливите категории, надоместоци за отворање, водење на сметка, за уплатите и за исплатите. Ваква новина е предвидена во новиот Закон за платежни услуги и платни системи што го подготвува Министерството за финансии во соработка со Народна банка, најави денеска министерот за финансии Драган Тевдовски.

Работната верзија предвидува сметката со основни функции да биде бесплатна за ранливите категории, односно по закон ќе добијат бесплатни услуги за отворање, водење сметка, уплати и исплати. За останатите потрошувачи, платежната сметка со основни функции ќе биде со разумен надоместок. Ќе напоменам, дека за да се отвори сметката, граѓаните не треба да поседуваат друга сметка со основни функции на свое име, како и дека на оваа сметка нема да можат да одат во минус, рече министерот за финансии Тевдовски.

Исто така, се воведуваат решенија во Законот за платежни услуги и платни системи, што ќе доведат до либерализација на пазарот на платежни услуги. Ова ќе придонесе за засилена конкуренција и нови, иновативни начини на плаќање, лесно достапни и со помали трошоци.

До 31 декември годинава продолжува рокот за бесплатно чипирање на домашните миленици, сопшти денеска директорот на Агенцијата за храна и ветеринарство (АХВ) Зоран Атанасов.

Атанасов на прес-конференција во Владата потсети дека за кампањата за идентификација и регистрација на милениците која требаше да трае до 31 март, се набавени вкупно 100.000 микро чипови,  но досега во системот се регистрирани само 49.000 миленици.

-Од 1 април аплицирањето на чипот ќе се наплаќа 200 денари, а издавањето на пасошите 120 денари. Чипот е донација од АХВ, истакна директорот.

Атанасов дополни и дека од 1 април инспекциските служби ќе почнат со изрекување казни ако затекнат нечипирани миленици, 100 до 150 евра за физички и 1000 евра за правни лица.