Самсунг (Samsung) вчера на Светскиот Конгрес за Мобилна Технологија во Барселона го претстави Samsung Galaxy Tab S3, новиот таблет со елегантен дизајн и напредна технологија, кој овозможува врвно искуство во работата во движење. За обожавателите на дигиталните содржини, Galaxy Tab S3 нуди врвно уживање во видео снимките и игрите како и многу други функционалности кои ги обезбедува Galaxy технологијата. Новиот Tab S3 пристигнува со:

Видео содржина во HDR (High Dynamic Range) квалитет: Супер AMOLED екранот поддржува видео снимки во HDR квалитет (10битни бои), за реалистични бои и живописна дигитална содржина.

Samsung Flow: Оваа технологија овозможува непречена работа во движење. За безбедно и сигурно пријавување на системот, Samsung Flow користи биометриска идентификација за пријавување на корисникот и обезбедува пристап на мрежата со сите компитабилни уреди, како и пренос на документи од мобилни уреди на таблет. Исто така, врши и синхронизација на пораките и известувањата што е гаранција дека корисниците никогаш нема да пропуштат важна порака, без разлика дали моментално користат “паметен” телефин или таблет.

Напредно S Пенкало: За природно чувство на пишување, S Пенкалото има0,7 mm потенок врв и напредна чувствителност на притисок. Ова пенкало ги опфаќа практичните функции, како што се Screen Off Memo за брзо запишување на кратки белешки кога е исклучен екранот,PDF Annotationфункција за едноставна измена на PDF документи и цртање на професионално ниво, со помош на напредната алатка за цртање - Advanced Drawing Tools.

 Овој таблет уред ја наследил иновативната Galaxy технологија на Самсунг, вклучувајќи ја и задната камера од 13 мегапиксели со авто-фокус и предна камера од 5 мегапиксели за висококвалитетни фотографии. Tab S3 овозможува и проширување на капацитетот за сочувување на податоците, поддржува брзо полнење, а овозможува и до 12 часовна репродукција на видео материјали.

Посветени сме на поместување на постоечките граници на искуството во користењето на компјутерите, така што обезбедуваме производи кои се најдобри во својата класа и кои ги задоволуваат различните потреби и барања на нашите корисници. Без оглед на тоа дали потрошувачот е во потрага по одлична забава или уживање во дигитални содржини, или пак бара повеќенаменски уред кој ја помага и зголемува продуктивноста за работа и учење, нашата палета на таблет уреди е изработена на база на врвна технологија и е дизајнирана за да можат корисниците да ја носат секаде со себе. – изјави ДЈ Кох, Претседател на Дивизијата за Мобилна Комуникација, Самсунг Електроникс.

Samsung Galaxy Tab S3 носи едно потполно ново ниво на забава во движење, обезбедувајќи уживање во видео содржините, наликувајќи на оние во кината – со репродукција на содржините во 4К квалитет. Покрај тоа, Galaxy Tab S3 е првиот таблет на Самсунг кој се одликува квад-стерео звучници, кои донесуваат супериорен квалитет на звукот. Со партнерствата со компании од индустријата за видео содржини, како што е Амазон, корисниците може да уживаат во моменталниот пристап до оригинални HDR видео содржини.

Оптимизиран за играње игри, Galaxy Tab S3 вклучува Vulkan API, кој овозможува супериорна графика, како и функција за покренување на играта, Game Launcher, која носи напреден кориснички интерфејс и уживање во видео игрите – целосно прилагодено индивидуално на секој корисник. Таблетот овозможува и различни програми на работа – на пример:Do Not Disturb ("Не Вознемирувај") – за уживање во игрите без прекинување. Без оглед на тоа дали корисникот ужива во филмски маратон или во својата омилена игра, Galaxy Tab S3 може да ги замени системите за играње игри, телевизорите и десктоп компјутерите – се спакувано на префинет и потполно пренослив дизајн.

Во Македонија органската храна се означува со сонце околу кое има фиданка, само производите со ваква ознака се органски производ. ЕУ пак, има сопствена ознака за органски производи која има облик на лист составен од ѕвезди. Оваа ознака потрошувачите можат да ја сретнат на производи кои се увезени. За разлика од ЕУ каде веќе не се употребува ознаката "органски во преод" во Македонија поради малото органско производство се користи и оваа ознака.

Македонските потрошувачи се генерално запознаени со органското производство, но се уште не знаат точно како да препознаат дали некој производ е органски или не, во кои региони може да се одгледува органски зеленчук или да се пчелари на органски начин.

Еден од начините потрошувачите можат да се информираат за тоа каде може да се купи сертифицирана органска храна, како да се препознае националната ознака за органска храна, како и други информациите кои се поврзани со производството и обележувањето на оваа храна е преку веб-страница за органска храна www.органскисвет.мк.

Секој органски производ, без разлика дали е во свежа состојба или е преработен, треба да е јасно означен со ознаката за "органски производ", кој гарантира дека ги задоволува стандардите за органско производство. Доколку на производот ја нема оваа ознака, тој не е органски произведен производ.

Во Македонија органската храна се означува со сонце околу кое има фиданка, а потрошувачите треба да го препознаваат овој знак. Потрошувачите кога ќе наидат на производ со ваква ознака треба да бидат сигурни дека се работи за органски производ. ЕУ пак, има сопствена ознака за органски производи која има облик на лист составен од ѕвезди кои се преземени од знамето на ЕУ. Оваа ознака потрошувачите можат да ја сретнат на производи кои се увезени на нашиот пазар од Унијата.

За разлика од ЕУ каде веќе не се употребува ознаката "органски во преод" во Македонија поради малото органско производство се користи и оваа ознака.

Во ЕУ зборовите органско, еко и био се дозволени за употреба од причина што во различни земји се користи различни зборови за да се означи органското производство. Во Македонија официјално се употребува зборот "органско", додека употребата на зборовите "био" и "еко" на етикетите е дозволено само ако органски производи се увезуваат и се продаваат во оригинални пакувања.

Правилата за органско производство одредуваат преоден период од најмалку една година, но понекогаш неколку години, пред производството да добие статус на "органско производство". Причина е тоа што, можат да бидат потребни и неколку години за резидуите од употребуваните хемикалии потполно да исчезнат од почвата. За време на периодот на преод производителите се наоѓаат во неповолна позиција. Не им е дозволено да користат пестициди или хемиски ѓубрива а истовремено, тие се уште немаат предност на продажба на нивните производи како органски.

Голем дел од земјите а до скоро и ЕУ за да им помогнат на производителите да остварат доволни приходи за време на тешкиот преоден период, овозможуваат производителите да ги обележат и продаваат своите производи, како "органски во преод". Потрошувачите притоа имаат можност да купат "органски производи во преод" и да платат малку повисока цена за производи кои не се произведени со употреба на пестициди и вештачки ѓубрива.

Со оглед дека Македонија е во рана фаза на развојот на органското производството и домашниот пазар за органски производи, "органските производи во преод" може да се продаваат и како такви да бидат означени.

Побарувачката на органски производи на светско ниво постојано расте. Се повеќе потрошувачи ги препознаваат придобивките од органската храна. Како резултата на ова, пазарот на органски производи е пораснат од 15 милијарди долари во 1999 година, на 72 милијарди долари во 2013 година. 

Универзитетите во прекрасната Канада се преполни со интернационални студенти од целиот свет.

Истите веќе планираат да останат во земјата откако ќе дипломираат и ако имаат можност да добијат канадско државјанство.

Стотици илјади странски студенти денес живеаат во Канада како дел од владината стратегија за преобликување на структурата на населението со интеграција на високо образовани млади луѓе од целиот свет. Тоа би било одговор на забрзаното стареење на канадското население.

Владата во ноември донесе низа измени во имиграционата политика се со цел на странските студенти да им се овозможи полесно останување во земјата и добивање на државјанство.

На Канада и се потребни талентирани имигранти за да заменат старото население. Имигрантите веќе сочинуваат 75 проценти од растот на работната сила.

Во текот на академската 2015/16 година популацијата од странски студенти во Канада порасна за осум проценти, односно  на над 350 илјади луѓе што е околу еден процент од канадското население.

Удрени се темелите на нашиот образовен систем кој што е познат по квалитетот, нашата земја има репутација на толерантна и безбедна а образованието е релативно евтино, вели Кален Мекбрајд  претседателка на канадското биро за меѓународно образование

Во тек се подготовките за пуштање на првите пластични пари на македонскиот пазар. Се работи за банкнотите од 10 и 50 денари, кои ќе бидат пластични и кои доколку се се одвива според предвидената динамика, во оптек се планира да бидат пуштени кон крајот на годинава, пишува Вечер.

Лабораториските тестови покажале дека полимерните банкноти се деформираат и топат на температура од 120 степени Целзиусови, што значи дека тие без оштетување можат да преживеат во машините за перење, почисти се и потешки за фалсификување.

Банкнотите од десет и педесет денари или во народот по популарно наречени книжни пари, требаше сукцесивно да се повлекуваат од оптек и да се заменат со кованите или т.н. железни пари во апоени од 10 и 50 денари. Од тие причини од 2013 година веќе не се ни печатат книжните банкноти во овие апоени.

Замената на книжни со ковани пари беше од една единствена причина: бидејќи тие се најупотребувани во платниот промет, најбрзо и се изабуваат, па со цел да се намалат трошоците за нивно често печатење, се отиде на замена на банкотите со ковани десетки и педесетки.