Електронскиот систем за повратот на ДДВ на граѓаните е подготвен и ќе стартува во јули, а за да го остварат ова право граѓаните само ќе треба да ја сликаат фискалната сметка и да ја прикачат на посебна апликација.

Оваа информација ја соопшти премиерот Зоран Заев на синоќешната трибина во Куманово и рече дека на овој начин ќе се борат против даночната евазија, која се проценува на 300 милиони евра годишно.

Ќе се намали данокот на додадена вредност за парното греење и користењето природен гас од 18 на 5 отсто, соопшти денеска премиерот Зоран Заев.

Како што изјави денеска по состанокот на Интерресорската работна група за животна средина, оваа мерка е дел од владиниот план за чист воздух и намалување на загадувањето, а ќе профункционира од следната грејна сезона.
Според Заев, намалувањето на данокот ќе биде дополнителен поттик за граѓаните кои се греат на парно, да не се исклучат од системот, но и стимул на него да се приклучат нови 10.000 корисници.

Ќе се намали данокот на додадена вредност од 18 на 5 проценти за испорака на топлинска енергија и за користење природен гас, ако на тоа се додаде и евтината тарифа што беше воведена, мерките за намалување на загадување и тоа како ќе дадат резултат, нагласи Заев.

Намалувањето на данокот, потенцира премиерот, ќе значи и пониски сметки за парно греење за околу 11 отсто или за 220 денари месечно, односно 2.600 денари годишно.

Директорот на Регулаторната комисја за енергетика Марко Бислимоски најави поедноставени сметки за парното во кои, како што рече, трошокот за ангажирана моќност нема да постои.

За време на апостолската посетата на Папата Франциск на Република Северна Македонија движењето во централното градско подрачје, за сите граѓани ќе биде непречено, но забавено, бидејќи овој појас ќе биде строго обезбедена зона.

Сите граѓани кои ќе пристапат во оваа зона во периодот од 6:00ч до 19:00ч на 07.05.2019, ќе мора да се идентификуваат со важечки документ за идентификација и да поминат низ безбедносна проверка.

Поради тоа, апелираме сите граѓани кои работат во оваа зона, да ги напуштат своите домови 30 минути порано од вообичаено, со цел да стигнат на време на работа.

Во зоната ќе се пристапува преку 9 влезови на кои МВР ќе врши безбедносна проверка на сите граѓани, како и проверка на лична карти или пасош. Ова се единствените влезови во кои ќе се пропуштаат граѓаните кои ќе се упатуваат кон Плоштадот „Македонија“:

• Влез 1 кај Управен суд на ул. „Орце Николов”
• Влез 2 кај хотел Мериот на ул. „Максим Горки“
• Влез 3 кај кафе Тренд на ул. „Никола Вапцаров“
• Влез 4 кај Министерство за правда на ул. „Димитрие Чуповски“
• Влез 5 кај Министерство за финансии на ул. „Даме Груев“
• Влез 6 кај Завод за статистика на ул. „Даме Груев”
• Влез 7 кај Пелагонија на ул. „Димитрие Чуповски”
• Влез 8 кај Порта Македонија на ул. „11 Октомври”
• Влез 9 кај излезот од ГТЦ кон Плоштад

Пешачките мостови на реката Вардар (Камениот мост, Мостот Око и Мостот на уметноста) ќе бидат целосно затворени за движење, како и Кејот ,,13 Ноември” од двете страни на реката.

Следниот вторник, денот на доаѓањето на Папата во Скопје сепак ќе биде неработен ден, дознава Скопје Инфо од добро упатени владини извори. Информацијата официјално ќе биде соопштена во понеделник.

Од Владата на Република Северна Македонија сеуште официјално не ја потврдуваат веста. Информацијата дека вторник ќе биде прогласен за неработен ден е одложена поради вториот круг од изборите и стравувањето дека голем дел од граѓаните неработниот ден ќе го спојат со викендот што директно ќе влијае на излезеноста и цензусот во вториот изборен круг.

За време на Апостолската посета на Папата Франциск, на територијата на град Скопје ќе важат посебни правила за движење на автомобили и на пешаците низ Скопје.