Одлуката ќе ја зајакне позицијата на компанијата во намерата за промоција на производите со "намален ризик", бидејќи цигарите полека излегуваат од мода.

Регулаторите му дадоа на Philip Morris International зелено светло за продажба во САД на нивните уреди кои го загреваат тутунот, отворајќи го патот за тутунскиот гигант да се натпреварува со старт – ап компанијата за електронски цигари Juul за дел од брзорастечкиот пазар за алтернативи на тутун.

Во долгоочекуваната пресуда, американската Управа за храна и лекови (ФДА) во вторникот објави дека дала зелено светло на IQOS уредите откако компанијата ги уверила службениците дека нивоата на токсини навистина се пониски отколку кај традиционалните цигари.

Одобрението ќе помогне да се изгради доверба кај инвеститорите дека тутунскиот гигант може да изгради профитабилен нов бизнис, бидејќи потрошувачите кои се свесни за здравјето, сѐ повеќе ги отфрлаат традиционалните цигари. Индустријата вложува големи средства во електронските цигари и други уреди за да ги замени цигарите.

IQOS се уреди кои наликуваат на цигари и кои го затоплуваат тутунот, а не го горат. Уредите беа лансирани пред три години во Јапонија и тие го сочинуваат главниот столб на движењето на PMI кон т.н. производи со „намален ризик“.

Андре Каланцопулос, главен извршен директор на PMI, рече дека одлуката е "важен чекор напред за околу 40 милиони американски мажи и жени кои пушат".

Тој рече: "Некои ќе се откажат. Повеќето нема, а за нив IQOS нуди алтернатива „без чад“  за продолжување на пушењето. "

Управата за храна и лекови допрва треба да дозволи IQOS да биде обележан како побезбеден од традиционалните цигари, меѓутоа тие се оптимисти кога е во прашање пресудата на Вол Стрит. Засега, производот мора да се придржува до истите строги регулаторни стандарди како и цигарите.

"Одобрувањето на нови производи од тутун не значи дека тие се безбедни", рече Мич Зелер, директор на Центарот за тутунски производи на Управата за храна и лекови. Тој додаде дека агенцијата внимателно ќе ги следи IQOS уредите, вклучувајќи го и интензитетот на користење кај младите луѓе.

IQOS ќе бидат продавани и дистрибуирани во САД од страна на Altria, американскиот производител на цигари, од кој PMI се одвои пред повеќе од една деценија.

Продажбата ќе започне првично во Атланта, Џорџија, бидејќи компаниите сакаат да "научат колку што е можно повеќе, што е можно побрзо", рече Хауард Вилард, главен извршен директор на Altria. Производите ќе бидат дистрибуирани на околу 500 трговци во градот, вклучувајќи и посебна IQOS продавница во трговскиот центар Lenox.

Одобрувањето дојде порано од очекуваното, изјави Крис Грау, аналитичар во Stifel. Тој очекува уредот да се продава за околу 70 долари, што би требало да се покаже како превисока цена за тинејџерите.

Под раководството на поранешниот шеф Скот Готлиб, Управата за храна и лекови воведе ограничувања за е-цигари во борба против порастот на нивната популарност меѓу младите. Претходно овој месец, Управата соопшти дека испитува дали употребата на е-цигари го зголемува ризикот од напади.

Сепак, г-динот Зелер во вторникот го призна потенцијалот на новата технологија за "целосно да ги оддалечи возрасните пушачи од употребата на согорливите цигари".

Акциите на PMI на американската берзата во вторникот се зголемија за 2 отсто, а оние на Altria се зголемиja за 1,5 отсто.

Во Хрватска долгот по глава на жител порасна на 3.800 евра, во БиХ е 3.000 евра, во Македонија 1.500 евра. 

Во Србија ако се пресмета испаѓа дека секој жител должи по 1.000 евра. 

Во регионот најмногу долѓат Црногорците. 

Ако се земе в предвид дека долгот е 3.09 милијарди долари, а земјата има 620.029 жители, тогаш секој должи по 5.000 евра. 

Србија враќа долг од 7 милијарди долари. 

Граѓаните на Србија во кеш кредити должат 3.5 милијарди евра, што е еднакво на задолжувањето за станбени кредити. 

Истражувачите утврдиле дека когнитивната способност на средовечните луѓе се подобрува ако работат по 25 часа неделно. 

Тешко е човек да биде концентриран 5 часа дневно, и остатокот од времето го поминува без да има фокус, пишува Quartz.

Се покажало дека луѓето постари од 40 години најдобри резултати даваат ако работат по три дена неделно. 

Повеќе од 25 часа неделно, води кон стрес и замор. 

Основачот на Мајкрософт Бил Гејтс врз основа на бројни податоци кои ги собирал тврди дека во иднина најмногу ќе се бараат луѓе во областа на науката, инженерството и економијата!

Работниците кои поседуваат знаење од овие области ќе бидат носители на промените за сите институции, изјавил Гејтс во едно интервју.

Притоа не мислам врз основа на познавање на науката, математиката и економијата. Многу кариери во иднината ќе бидат многу барани, изјавил тој.

Не морате да бидете експерт во кодирање, но способноста да размислувате на сличен начин како експертите кои тоа го можат, ќе ви помогне во голема мера.

Не е нужно да знаете да пишувате кодови, но мора да разберете што работат инженерите и шето се можат и не можат, објаснил Гејтс.

Според неговите зборови, луѓето со овие вештини, најверојатно, ќе донесат револуција во секоја област на работење.