Зоолошката има трошоци, слоновите јадат многу, исто како и шимпанзото, објасни директорот на зоолошката градина Ѓорги Галетановски по однос на точката со која се предвидува поскап билет за влез во зоолошката градина.

Советниците на ВМРО-ДПМНЕ беа против покачувањето кое го изгласа мнозинството на градот Скопје.

-Ваквата цена значи ограбување на граѓаните и тоа удирајќи по најболната точка, децата истакна Светлана Колариќ од ВМРО-ДПМНЕ.

Градоначалникот Петре Шилегов најави дека зоолошката градина ќе има нови содржини, побогати и дека тоа мора да се одржува со цел институцијата да не биде доведена до егзистенцијалните минимални граници.

Советникот од ГРОМ Александар Трајановски запраша дали во новиот концепт на зоолошката се предвидуваат нови угостителски објекти кои можеби им се ветени на некои структури?

Европската централна банка во Франкфурт го претстави новиот изглед на банкнотите од 100 и 200 евра, кои ќе бидат во оптек од 28 мај. Станува збор за серија банкноти наречени „европа“. На банкнотите доминираат карактеристиките на Европа, прекрасната феникиска принцеза и божица по која Стариот континент го добил името.

Како безбедносна мерка на банкнотите ќе биде мал симбол на еврото (€) со цел да се намали или целосно да се спречи фалсификувањето на единствената европска валута.

Со новиот систем на заштита банкарите и трговците треба релативно лесно да ги препознаат фалсификуваните примероци, а покрај новиот дизајн, банкнотите се многу поквалитетно изработени од оние од првата серија.

Се наплаќа влез во некои од верските објекти во Скопје, се жалат туристите.

Последниве неколку денови, низ социјалните мрежи се прошири една слика, каде јасно се гледа, дека за влегување во црквата Св.Андреј на Матка, се наплаќа влез од 60 денари.

Верниците револтирани велат дека разбирливо е по музеите и културно историските знаменитости да се наплаќа, но несфатливо е како може да се наплаќа по цркви каде луѓето самоволно доаѓаат.

Со овој начин луѓето наместо да се привлекуваат да одат по верските објекти се прави истите да се оддалечуваат од нив.

Ова не е пример само во оваа црква, бидејќи во поголемиот дел од црквите во Охрди се наплаќа влез, а особено за странците, каде картата е дупло поголема. Пример ако за домашни гости карта е 30 денари, за странците картата чини едно евро.

Исклучените од системот на парно греење што добиле сметки за април да не ги плаќаат, бидејќи тие ќе бидат сторнирани, потврдија од Регулаторната комисија. Исклучените од парно граѓани кои доставуваат барања до БЕГ за ослободување од обврската за плаќање, во случаите кога компанијата нема да ги прими, да поднесат претставка до Регулаторната комисија за енергетика.

Цените коишто ќе бидат одобрувани од Регулаторната комисија за енергетика ќе бидат пониски од цените коишто биле определени со претходната метеодологија. Реално, трошокот за транспорт низ државата кој што бил утврден низ 90-те години сега е далеку повисок. Ние добивме барање од компаниите да изнесува 0,8 или 0,85 денари. Ова е бизнис кој ние не го регулираме, но во изминатиот период правевме сериозни анализи и нема да биде прифатено ниту едното, ниту другото барање. Во однос на маржата добивме барање од 6,2, 6,5 итн. Ова се однесува на малопродажната маржа, која ќе биде под 5 денари - кажа Марко Бислимовски.