Користењето на автопатиштата низ Србија од 1 јули ќе биде поскапо за 12 проценти.

Според новиот ценовник на јавното претпријатие „Патишта на Србија“,  патарината од Белград до Ниш за возила од прва категорија ќе се зголеми од 800 динари или 7 евра на 896 динари, а од Белград до Прешево ќе скокне од 1.090 на 1.220 динари.

Од Белград до Шид наместо за 370 динари од следниот месец ќе се вози за 414 динари, од Белград до Нови Сад од сегашните 210 динари ќе се вози за 235, а од главниот град на Србија до Суботица од 560 динари цената се зголемува на 627.

Србија е една од 13 земји во Европа во кои патарината се пресметува според поминати километри, покрај Македонија, Хрватска, Босна и Херцеговина, Грција, Турција, Италија, Шпанија, Португалија, Франција, Норвешка, Ирска и Полска.

И покрај посакупувањето, од „Патишта на Србија“ тврдат дека возењето низ Србија е најевтино во Европа и чини 0,036 евра по поминат километар. Во Турција цената е 0,039 евра, во Грција и во Италија по 0,05 евра, во Хрватска и во Португалија по 0,06 евра итн.

Со комплетирањето на автопатот од границата со Македонија до Белград низ Грделичка клисура, Србија во моментов има 826 км автопатишта, а во план е проширување на автопатната мрежа на 1.154 км.

Комуналните редари на Градот Скопје изминатиов период ги засилија контролите на терен што резултираше со зголемување на казните и опомените и видливи резултати, значително подобрени во однос на претходните години.

Така, во периодот јануари – мај 2019 година се изречени вкупно 649 мандатни казни, што претставува четирикратно зголемување на бројот на изречени казни во споредба со истиот период во 2018 година, кога биле изречени 149 мандатни казни.

Изречените мандатни казни се однесуваат на сторени прекршоци според Законот за јавна чистота, член 14, според кој се забранува фрлање и оставање градежен шут на јавните површини; фрлање и оставање различни видови отпадоци; оставање стари предмети од домаќинство; палење, закопување и уништување  смет; продажба и излагање земјоделски и индустриски производи, освен на местата определени за таа намена; превоз на песок, земја, цемент, глина, земјоделско ѓубре, сено, отпад или слични материјали без претходна подготовка и поклопување на материјалите со поклопец; вклучување во сообраќај на моторни, влечни и запрежни возила од стоваришта или градилишта со валкани тркала; палење и уништување на садовите за собирање смет; уништување на урбаната и друга опрема (клупи, фонтани, билборди, опрема на детски игралишта) и друго.

Градот Скопје апелира до граѓаните да ја чуваат и да не ја загадуваат животната средина, ѓубрето да го фрлаат исклучиво во контејнерите и корпите за отпадоци, да го чуваат зеленилото, прописно да паркираат и да ги почитуваат одредбите од Законот за јавна чистота.

Хотел Аурoра Ресoрт & СПА Берово, Хотел Скардус Попова Шапка Тетово, Лаки хотел & Спа - Охрид, Хотел-Гранит - Охрид, Хотел Романтик Дојран, Хотел Бистра - С.Маврово  и други се најдоа на листата категоризирани хотели за избор на оние кои ќе решат да конкурираат за мерката на Владата за организиран одмор.

Сите работници со ниски приходи може да аплицираат за мерката одмор а тоа значи дека сите семејства кои имаат месечни примања кои не надминуваат нето износ од 22.000 денари може да конкурираат.

Пријавувајќи се на Јавниот повик работниците добиваат можност за стекнување на ваучер во вредност од 15 000 денари.

Од Владата посочуваат дека на овој начин се стимулира и развојот на домашниот туризам.

Целосната листа на хотели кои спаѓаат во мерката за одмор може да ја погледнете тука.

Важно е да се подготвите за вашето идно интервју. Запомнете дека едно интервју е еден настан за собирање информации и споделување искуство.

Инвестирајте во поголема самосвест за да ги знаете вашите сили, интереси и вредности.

Интервјуто е вашата шанса да споделите кој сте. Ова бара големо самоспознание, затоа одвојте време навистина да го разберете и артикулирате тоа што го правите најдобро, вашите интереси и што ги активира вашите најдобри перформанси.

Вие не можете мудро да процените дали имате што е потребно за да успеете во улогата ако не сте свесни за вашите способности.

Направете листа на она што сакате организацијата да знае за вас.

Не очекувајте да ве прашаат за тоа што е многу важно да се знае за вас. Со тоа ризикувате да го напуштите интервјуто без да ги споделите критичните и важните информации.

Направете листа на она што сакате да знаете за организацијата, улогата или менаџерот и прашајте слободно!

Прашајте за компанијата и нејзиниот фокус, визија и мисија.