Двомесечни бебиња од први јули ќе бидат вакцинирани против рота вируси а на истата возраст треба да примат и пневмокок.  Комитетот за имунизација веќе го направил проширувањето на календарот и двете нови вакцини стануваат задолжителни. Педијатрите велат дека целта е оправдана бидејќи на овој начин ќе спречат тешки заболувања и сериозни компликации по здравјето на најмалите од опасните бактерии и вируси.

- Рота вирусите можат да предизвикаат многу чести столици и дехидрирање кај бебињата а стептококната бактерија тешки пневмонии кои можат да бидат и фатални. На овој начин ќе ги заштитиме децата, ова е во нивни интерес, односно со имунизацијата ќе биде намален болничкиот престој и компликациите, вели др. Ангелчо Андоновски директор на болницата за белодробни заболувања кај деца во Козле.

Според болничките евиденции, речиси секое второ дете во градинка ја има бактеријата стрепоткока која може да предизвика тешки форми на пневмонија. Лекарите велат дека вакцината против ова заболување е воведена во пшоголем број на европски земји уште пред 13 години.

Мора да го следиме трендот за унапредување и заштита на здравјето на децата. Во Америка вакцината пневмокок ја има уште од 2000та година. Кај нас малку доцниме, но добро е што ќе ги заштитиме најмалите. Кај нас во Козле третманот на пациенти со пневмонија е седум дена, вели др. Андоновски.

Со воведувањето на дополнителните боцкања против ротавируси и пневмокок, од наредниот месец за децата во Македонија ќе има десет задолжителни вакцини.

Американскиот економист Нуријел Рубини кој ја најави светската економска криза во 2008 година, сега најавува нова рецесија. 

Вели дека има 10 потенцијални ризици кои ќе тргнат од Америка и ќе доведат до нова светска економска криза. 

На ова тој предупредува уште од лани, а сега има девет ризици. 

Тврди дека идната година ќе имаме глобална рецесија. 

Меѓу ризиците ги спомнува американската трговска војна со Кина, ограничувањето на миграцијата, странски директни вложувања, трансфер на технологијата и слично.

Фондот за мир, невладина организација од САД, редовно рангира 174 земји за тоа колку земјата е стабилна. 

Во 10 најнестабилни држави во светот спаѓаат:

1. Јемен
2. Сомалија
3. Демократска република Конго
4. Централна Африка
5. Чад
6. Јужен Судан
7. Авганистан
8. Зимбабве
9. Гвинеја
10. Хаити

Податоците како што се економските показатели, безбедноста, моќта на фракциите и други показатели се анализираат и споредуваат на годишно ниво. Секоја земја, врз основа на нејзините податоци, добива индексна оценка и се рангира од 1 до 174. Колку е индексот поголем, толку земјата е понестабилна. 

Но, најстабилни се Финска, Норшевка, Швајцарија, Данска, Австралија и други.

фото Википедија

Приближно ист број на дами и мажи полагаат годишно за возачка дозвола. Минатата 2018 година според податоците од Министерството за внатрешни работи вкупно 11.520 мажи се стекнале со возачка довола Б категорија и 9.421 дами.

Според Министерството понежниот пол повеќе се интересира за добивање возачка дозвола после 28 година, додека машките лица во земјава за прв пат полагаат за возачка дозвола до својата 27 година.

Лани 1.993 жени од 28 до 37 години лани се стекнале со дозвола за возење автомобил, наспроти 1.349 мажи од иста возраст.

Бројот на мажи кои минатата година добиле возачка довола за возење автомобил до својата 27 година изнесува скоро десет илјади, односно 9.636 лица, наспроти дамите кои до својата 27 година добиле 6.909  возачки дозволи.

Возат во странство или дома: Се повеќе жени полагаат за Ц категорија

Интересен е и фактот, дека дваесет дами во 2018 година добиле возачки дозволи Ц категорија, односно дозвола за возење на камиони. А 1.641 маж лани добиле дозвола за возење камиони.

Иако според податоците со скоро ист број на возачки дозволи за автомобили се стекнуваат на годипно ниво и мажите и жените сепак, во пракса сме сведоци дека силниот пол е поприсутен зад воланот низ патиштата во земјата.

Министерството за внатрешни работи минатата година евидентирало вкупно 3.740 сообраќајни незгоди со потешки последици. Од нив во 501 сообраќајна незгода учествувале возачи без да се стекнат со право на управување со возило, додека 394 незгоди ги предизвикале возачи без да се стекнат со право да управуваат моторно возило.

Во првиот квартал од тековната година според МВР се евидентирани 560 сообраќајни незгоди со посериозни последици.

Извор - Фактор