Најголемата социјална мрежа Фејсбук основа подружница во Женева наречена Libra Networks. Едно е јасно: градот во Швајцарија ќе игра важна улога во плановите на главниот извршен директор на Facebook, Марк Зукерберг за изградба на сопствен платен систем и сопствена валута.

Сега информациите што беше распространета од швајцарскиот весник Handelszeitung покажува колку далеку стигнале веќе плановите: Facebook размислува Женева да остане во седиштето на асоцијацијата наречена Libra Association. Клубот ќе биде во основата на целиот проект на валутата, појаснуваат швајцарските медиуми, повикувајќи се на неколку луѓе запознаени со прашањето.
Причините за изборот на ова место се стратешки: Швајцарија се смета за неутрална, домаќин е на бројни меѓународни организации и е симбол на правната сигурност. Сето ова се карактеристики кои можат да помогнат многу на амбициозниот проект на Facebook: да создаде светска валута, наречена Libra.
Најпрво, луѓето ќе можат да ги користат криптовалутите во производите на Facebook – WhatsApp, Messenger и, се разбира, самиот Фејсбук, но целта е да се создаде нов систем за плаќање за секого. Се верува дека ќе може да им служи на “милијарди луѓе ширум светот”, опишувајќи ги плановите за внатрешните ресурси, создавајќи комплетен екосистем за производство на нови финансиски услуги.
Политичките и социјалните последици би биле огромни ако проектот успее. Регулаторите и даночните власти ќе бидат подложени на истиот оној притисок како финансиските институции. Во одреден момент, по многу години, дури и влијанието на централните банки може да се предизвика, прво во земјите во развој.
Но, постои сериозен проблем: Дали светот има доволно доверба во Фејсбук за да ги довери финансиските услуги на него? Компанијата веднаш реагира на сомнежите: Фејсбук не сака да ја надгледува валутата и платниот систем. Ова е фундаментално решение. Тука се вклучени Швајцарија и сеуште нерегистрираната Женевска Libra Association. Таа мора да стане централен дел на новата валута.
Фејсбук не коментира за оваа тема, но извори запознаени со предметот истакнуваат дека тоа е “независна и непрофитна организација”. Тоа треба да вклучи универзитети, компании, финансиски актери и невладини организации. Сите тие ќе бидат институциите кои ќе го контролираат новиот платен систем и ќе ги одобруваат трансакциите во мрежата – накратко, ќе управуваат со таканаречениот валидаторски јазол и ток. Фејсбук ќе биде само еден од многуте играчи.
Ова ја ограничува моќта на Фејсбук. Покрај тоа, асоцијацијата ќе може да одлучува за промените во новиот систем на плаќање и валутата со двотретинско мнозинство.

Домовите во Швајцарија се за 73,9 отсто повисоки од просекот на Европската Унија во 2018 година. Во Ирска тие се за 56,7 отсто повисоки од просекот во ЕУ, а во Велика Британија за 56,5 отсто. Романија, Полска и Бугарија имаат најевтини цени за домови.

Истражувањето на „Евростат“ опфатило 440 производи во повеќе од 30 европски земји. Статистичкото биро на ЕУ ги споредило актуелните цени со просекот на 28. земји-членки на ЕУ и ги рангирало земјите со алатка за визуализација на податоци.
Цените на алкохолот и на тутунот имале широк спектар. Во Норвешка тие се за 126,1 отсто повисоки од просекот на ЕУ, додека во Бугарија тие се за 41,8 отсто пониски од просекот на ЕУ.

Цените за кошницата за храна во Данска се двојно повисоки од оние во Романија. Храната во трите земји што не се дел од ЕУ (Швајцарија, Норвешка и Исланд) е поскапа во споредба со земјите-членки на ЕУ.

Цените на храната во Швајцарија се за 63,6 отсто повисоки од просекот на ЕУ.

Обединетото Кралство има повисоки цени од просекот на ЕУ за домување, алкохол и тутун, ресторани и хотели, рекреација, транспорт, телекомуникации и мебел. Но, облеката, храната и личниот превоз, како автомобили, мотоцикли или велосипеди, се поевтини од просекот на ЕУ.

Грција е најскапата земја за комуникации, а тука се вклучени поштенските, телефонските и интернет-услугите. Но, во секоја друга категорија, освен храната, цените на Грција се под просекот на ЕУ.

Романија и Бугарија честопати излегуваат како најевтини земји во Европа. Рестораните и хотелите се поевтини за 53,4 отсто во Бугарија и за 47,6 отсто во Романија од просекот на ЕУ.

Цените во Франција, Германија и во Белгија најчесто се повисоки од просекот на ЕУ.

„Евростат“ ги рангира земјите според нивото на цените – економски индекс што утврдува како стојат земјите во споредба со другите во поглед на тековните цени.

Од август потрошувачите на гас, електрична енергија и гориво во Србија ќе плаќаат повисоки цени на фактурите, а тоа се должи на воведувањето на нови давачки за унапредување на енергетската ефикасност. "Политика" објави дека граѓаните за потрошен кубен метар гас и за еден литар гориво ќе плаќаат дополнителни  0,15 динари, додека за потрошен киловат-час електрична енергија по 0,015 динари.

Парите од овој данок ќе се користат за замена на врати и прозорци во згради и за топлинска изолација, како и за инвестирање во грејни котли.

Јавното претпријатие Србијас објави дека ги информирало своите потрошувачи дека зголемувањето на цените ќе започнат со јулските сметки за гас и дека надоместокот ќе се прилагодува еднаш годишно.

Исто така, ќе се зголемат сметките за електрична енергија во јули, бидејќи Законот за надоместоци за користење на јавни добра предвидува дека оваа нова такса ќе ја плаќаат сите што трошат електрична енергија.

Исто така, возачите ќе мора да плаќаат за секој литар бензин и дизел, односно плин.

"Политика" објави дека сите овие пари нема да одат за Србијагас, ЕПС, ниту на нафтените компании, туку директно во државниот буџет на Република Србија, од каде треба да се користат за подобрување на енергетската ефикасност.

Град Скопје распиша два јавни повици за субвенции за електрични тротинети во 2019 година, како и за купување велосипеди за оваа година.

Електричните тротинети треба да бидат од 1 јануари годинава до 30 ноември, а ќе се исплаќа 30 отсто од сметката, но не повеќе од 7.000 денари по лице со вклучен персонален данок на доход. Јавниот повик ќе биде реализиран по принципот „прв дојден, прв услужен“.

Барателот до Град Скопје треба да достави барање за субвенција за купување на еден електричен тротинет (Барањето може да се подигне во архивата на Град Скопје или да се обезбеди од интернет страницата на Градот: www.skopje.gov.mk), копија на важечка лична карта на барателот, фотокопија од трансакциска сметка на барателот, изјава дека барателот досега нема искористено субвенција за купување на електричен тротинет од Град Скопје и оригинал фискална сметка 

Градот Скопје минатата година за првпат даваше субвенции за електрични тротинети и беа пристигнати 117 барања за субвенции, додека ова е втор јавен повик за субвенции за купување на велосипеди во 2019 година, а во првиот повик пристигнаа 3.472 барања за субвенции. Едно лице може да поднесе само едно барање за добивање надоместок за еден електричен тротинет.

Субвенциите за нови велосипеди важат доколку е купен од 27 мај и ќе трае се до исцрпувањето на буџетот наменет за Јавниот повик, или не подоцна од 30 ноември.  Ќе се исплаќаат 50 отсто од вредноста на велосипедот, но не повеќе од 3.000 денари по лице, а јавниот повик ќе биде реализиран по принципот „прв дојден, прв услужен“.

Барателот треба да поднесе барање за субвенција за купување на еден велосипед (Барањето може да се подигне во архивата на Град Скопје или да се обезбеди од интернет страницата на Градот: www.skopje.gov.mk), копија на важечка лична карта, фотокопија од трансакциска сметка на барателот, изјава дека барателот досега нема искористено субвенција за купување на велосипед од Град Скопје и оригинал фискална сметка.