Биткоинот е на двенеделен минимум, под 10.000 долари.

Најпознатата светска дигитална валута, биткоин, продолжи  да ја губи вредноста, откако завчера го регистрираше најлошиот дневен пад во месецот.

Биткоинот ослабе за 5,5 проценти, откако претходниот ден падна за дури 7,7 проценти, спуштајќи се под 10.000 американски долари за прв пат од 1 август.

23,3 милиони евра е сумата која државата ја инкасирала од граѓаните, односно од патарините ширум земјава.

Tие пари на контото на буџетот легнале за седум месеци а процентуално растот на износот е 4 отсто,

Најмногу пари според ЈПДП се остварени од патарината кај Романовце а раст бележат сите патарини.

Пред еден месец во функција беше ставена и електронската наплата на патарините при што скоро седум илјади картички се купени од граѓаните.

Наскоро ќе почне и изградбата на две нови патарини кои ќе никнат на автопатот Миладиновци – Штип и една на автопатот во изградба Кичево-Охрид.

За најскапата патарина пак граѓаните плаќаат 100 денари, првата од двете патарини на автопатот Демир Капија-Смоквица.

На втората патарина на истиот овој автопат која треба да почне со наплата следната година ќе се наплаќа 80 денари. Со оваа давачка, за пат од Табановце до граничниот премин Богородица ќе треба да се издвојат 340 денари за патарина.

„Фајненшл тајмс“ во својот специјализиран сервис го објави индексот за успешност на Гринфилд  инвестициите ФДИ за 2019.

Според ранг листите за странски директни инвестиции Македонија има огромен пад за само 2 години во делот на инвестиции во ТИРЗ зоните, но и надвор од нив.

Србија е прва, а Македонија за две години од 3-то потона на 18-то место според директни странски инвестиции.

Зад Србија следи Црна Гора. БиХ е на 15-то место, на 17-то место е Бугарија, Романија е 24-та. 

Во топ 5 се и Камбоџа, Литванија, и Малта. 

На дното на листата се Португалија, Чешка и Салвадор. 

Следниот неработен ден е во среда. 

На 28 август, среда, се паѓа празникот Успение на Пресвета Богородица (Голема Богородица) и тој ден е неработен за православните верници во земјава.