Честопати се прашуваме што ги прави успешните луѓе различни од „другите“, што прават подобро и поинаку. Одговорот на ова прашање, се разбира, не е ниту едноставен, ниту еднаков за сите лица, но една од работите што успешно извршните директори на големите компании често ја истакнуваат е читањето книги.

Тие честопати се обидуваат да читаат барем еден час на ден, и колку е важно читањето за ко-основачот на Мајкрософт и еден од најбогатите луѓе во светот, Бил Гејтс, се учи во документарецот кој неодамна беше достапен на Netflix.

Документарниот филм ја открива и неговата голема љубов кон книгите и читањето, а веќе во првите сцени е прикажана торбата на Гејтс, која содржи десетина книги на различни теми како наука, технологија, вакцинација, енергија и др. што Бил ја носи со себе кога патува.

Функционирањето на општинските веб-страници е важно за да се информираат граѓаните, но и новинарите што постојано ги следат општинските активности. Наједноставен начин да се најдат сите веб-страници на десетте скопски општини на едно место е доколку се отвори веб-страницата на градот Скопје, www.skopje.gov.mk.

Во левиот дел, со кликање на графата „Општини“, се отвора прозорец на кој се појавуваат имињата на десетте скопски општини со нивните грбови, како и знакот на Заедницата на единиците на локална самоуправа (ЗЕЛС). Со кликање на која било општина се отвора нејзината веб-страница, освен на општината Шуто Оризари. Всушност, страницата на оваа скопска општина никогаш и не профункционира, откако официјално е отворена веб-страницата на градот. Зошто е тоа така и зошто досега никој реагирал ниту од градот Скопје ниту од општината останува нејасно. Од Шуто Оризари нема конкретно објаснување зошто е тоа така, иако ни беше речено дека допрва ќе го направат тоа, но истакнуваат дека имаат своја на општината www.sutoorizari.com.mk. Од градот Скопје, пак, одговорија дека станува збор за техничка грешка, за која велат дека ќе биде коригирана во најбрз рок.

– Во актот за систематизација не се предвидени ниту сектор за информирање, ниту пак е предвидено работно место за лице односи со јавност. Причината не е во желбата на општината да не биде транспарентна. Напротив, транспарентноста се постигнува со директните контакти со раководителите на конкретните сектори, одделенија во зависност од предметот на интерес. Граѓаните се информираат и преку нашата постојна веб-страница и преку локалниот медиум ТВ Шутел, како и преку средби со членови од Советот. Зошто не функционира нашата општинска веб-страница преку веб-страницата на градот допрва ќе видиме и ќе направиме што е во наш домен таа да профункционира – вели Дончо Арсов, раководител на сектор за правни и административни работи, јавни дејности и финансии во општината Шуто Оризари. Тој додаде дека општината располага со многу мал буџет, а за сѐ се потребни пари.

Она што исто така може да се забележи на некои од општинските страници е дека некои од нив редовно се освежуваат со нови информации, што е секако добро за да се информираат граѓаните. Но има и такви што се ажурираат само одвреме-навреме и штом ќе се отворат, ќе се прочитаат одамна пласирани вести за одредени активности или настани од многу стар датум. Меѓу другото, покрај информациите што ги нудат овие страници, тие овозможуваат и комуникација на граѓаните со општинските власти, им даваат можност да постават прашања на своите градоначалници или соодветните служби за одредени проблеми што ги мачат. Најактивни се страниците на општините Центар, Карпош, Кисела Вода, Ѓорче Петров и Аеродром.

Повремено своите страници ги ажурираат Гази Баба, Чаир и Бутел. Најнефункционална е веб-страницата на општината Сарај, на која којзнае од кога ништо не е ажурирано. Од друга страна, пак, иако страницата е двојазична, на албански и македонски јазик, на неа на одредени информации само насловите може да се прочитаат на македонски јазик, додека содржината на тие информации е пласирана на албански јазик.

Блерим Беџети, градоначалникот на Сарај, иако во една пригода ни изјави дека граѓаните му пишуваат за своите проблеми на општинската веб-страница, прашан зошто страницата нема македонски преводи, рече дека за тоа се одговорни техничките служби.

Веб-страницата на пример на општината Чаир функционира на три јазици, македонски, албански и англиски, а последната информација е објавена на 23 септември оваа година. Во општините со мешано население, каде што живеат повеќе ентитети, од особено значење е општинските веб-страници да бидат достапни на јазиците на кои зборуваат граѓаните што живеат во таа општина. Во спротивно, тие што не можат да се информираат за тековните активности на надлежните или не можат да комуницираат со нив по електронски пат, велат дека се чувствуваат дискриминирано.

Во сабота на 5-ти октомври, концерти, изложби, кино, театарски претстави, 3Д видео мапинг и уште многу други културни содржини ќе бидат дел од овогодинешната јубилејна 15-та „Бела ноќ“ во Скопје.

На 15 локации, истовремено, уметници, музичари и сите кои се дел од „Бела ноќ“ на присутните ќе им понудат најразлична културно-уметничка содржина. Веќе 15 години, фестивалот ја доближува уметноста до граѓаните, со концептот кој одговара на урбаната заедница која се поистоветува со својот град.

Како дел од овогодинешната програма, на платото пред Универзалната сала ќе се одржи концертот „50 години Скопски“, кој ќе започне во 20:00 часот. Овој настан ќе ја одбележи важноста на еден вака грандиозен фестивал на кој се родиле голем број музички имиња што оставиле огромни хитови, кои сеуште се актуелни. Во придружба на Биг бендот, скопјани ќе се потсетат на најголемите хитови од Скопскиот фестивал со настапите на Драган Мијалковски, Славе Димитров, Верица Ристовска, Лидија Кочовска, Сашо Гигов, Ѓоко Таневски, Сара Мејс и Ај Кју.

Победниците на натпреварот во видео мапинг на Skopje Light Art District 2019, французите Џереми Ури и Милош Лисински, својата визуелна уметност ќе ја отсликаат на фасадата на катната гаража „26-ти јули“.

Во МКЦ пак, како дел од 9-тото издание на фестивалот „НЕкултура“, посетителите ќе се забавуваат со прочуеното британско електронско дуо Paranoid London, но и со домашните Pluto’s Doubt, Sethstat, Barum Barum и останатите артисти и диџеи кои ќе бидат дел од фестивалот.

Во МНТ од 22 часот ќе има премиера на претствата „КРУГ“, адаптирана според антологиското дело на Артур Шницлер (Reigen), а во режија на Наташа Поплавска. Претставата ја отвара вечната тема – потрагата за љубов, наспроти потребата за секс. Низ десет интимни сцени ќе влеземе во „креветите” на десет карактери кои како во ланец се врзуваат во еден затворен круг. Во главните улоги ќе ги видиме македонската актерка   Дејана Попоска која живее и работи во Париз и италијанскиот актер Јакопо Гaрфањоли. Претставата е забранета за помлади од 18 години, а ќе се одигра на англиски јазик со превод на македонски.

Националната Опера и Балет ќе одбележи свој јубилеј, 70 години постоење со делата „Кармен“ и „Валпургиска ноќ“.

Многу други изложби, настани, претстави, концертни настапи во живо ќе се одржат низ Скопје – КИЦ, Театар Комедија, Музејот на македонската борба, Галерија 8 во Старата Чаршија, во паркот Ибни Пајко, Мала Станица, Градското кино Милениум како и во Музејот на современа уметност.

Би Би Си направи репортажа за охридскиот бисер. 

Во срцето на Северна Македонија, во малиот град Охрид, две семејства со генерации ја чуваат тајната на градот. Дом на најстарото езеро во Европа и реномираниот охридски бисер, што го носат и кралицата Елизабета Втора и покојната принцеза Дајана, традицијата за правење бисери во градот останува добро позната и добро чувана тајна.