Прекршочни судови во Црна Гора, минатата и оваа година казниле 168 родители кои одбиле да ги вакцинираат своите деца, што е речиси трипати повеќе од периодот од 2013 до 2017 година.

Според податоци од судовите доставени до подгоричкиот весник „Вијести“, 140 родители се казнети парично, а 27 добиле опомена.

Поради одбивање имунизација, родителите биле санкционирани со вкупно 14.560 евра, што значи дека воглавно добивале минимална законска казна.

Според законот во Црна Гора, минималната казна за невакцинирање деца е 100 евра, а максималната две илјади евра.

Џули Жуо имала само 22 години кога се вработила во Фејсбук како приправничка. Денес, десет години подоцна, се наоѓа на местото на потпретседател во одделот за дизајн на производи и води тим кој е заслужен за дизајнот на социјалната мрежа.

аа моментално им е претпоставена на 250 вработени, а бројката постојано се зголемува. Свесна е дека вработувањето на квалитетни и способни луѓе е клучно, па смислила прашање, за кое тврди дека ги открива сите кандидати кои бараат работа.

Наместо да го наведе кандидатот да го рецитира својот живот со прашањето: „Кажи ми нешто повеќе за себе“, таа им поставува малку поинакво прашање.

„Замисли се себеси за три години. Што мислиш дека би се променило дотогаш поврзано со тебе?“, е прашањето кое Жуо им го поставува на сите кандидати.

Од одговорот дознава три работи - колку е амбициозен кандидатот, колку е насочен кон остварување на целите и колку е свесен за себе и за своите карактеристики.

Главната карактеристика која ја бара кај луѓето е желбата за развој и напредување. Дури и ако кандидатот не ги исполнува условите, она што е клучно е желбата за надградба и раст. Токму одговорот на горенаведеното прашање ѝ помага да воочи дали кандидатот има квалитети, пренесува „Business Insider“.

Кандидатите за време на интервјуто за работа воглавно зборуваат за своите претходни постигнувања. А, иако е важно тоа што го постигнале во кариерата, тоа не значи дека знаат што ќе прават во иднина. Затоа Жуо бара визија за иднината, односно луѓе кои размислуваат што ќе прават понатака, а не само за тоа каде биле. 

Дигитално решение на европскиот извештај што се пополнува при сообраќајки е еден од предлозите на осигурителната индустрија и регулаторот во оваа област за натамошна дигитализација на процесите.

Потенцијалот со дигитализацијата, како што информираа денеска на прес-конференција, е огромен за развој на осигурителната индустрија во којашто ќе опстојат само тие што ќе ги прифатат промените. Од 11 компании на домашниот пазар само седум нудат онлајн продажба на патничко осигурување.

Прототипот на мобилната апликација за европскиот извештај го изработија студенти изминатиот викенд на хакатонот што се одржа во Скопје, а ќе биде претставен на настанот ИншурТек, што ќе се одржи на 2 и 3 следниот месец во Скопје, во организација на Агенцијата за супервизија на осигурување и Здружението на финансиски организации при Стопанската комора на Македонија.

Старт ап компании на настанот ќе презентираат дигитални решенија за подобрување на процесите на осигурителната индустрија.

Со оваа мобилна апликација ќе нема потреба од изработка на хартиена  форма на Европскиот извештај и рачно пополнување ан податоците,  преку Гугл локација ќе се утврди местото на несреќата и ќе има можност и да се изврши сликање и да се испратат електронски до друштвата за осигурување без да има потреба да се оди кај нив. На тој начин ќе се скрати процесот на решавање и утврдување на штети. Хартиената форма нема да биде исклучена и ќе функционира паралелно, информира Климе Поповски, претседател на советот на експерти на Агенцијата за супервизија на осигурување.

Како што потенцираше Ѓорѓе Војновиќ од Здружението на финансиски организации, дигитализацијата се одвива малку поспоро во нашата индустрија, но е неминовен процес за модернизација на целокупните процеси во осигурувањето, од продажба до решавање на штетите.

Пазарот на осигурување и компаниите во Македонија се уште функционираат на еден традиционален начин со директна продажба, а нашите системи се уште се во фаза на доработеа за почеток на дигитализација. Почетоците на дигитализација во делот на продажба и проценка на штети се на пониско ниво, но сепак радува освртот на компаниите кон тоа. Имаме пораст во обновата на автоодговорноста, кај онлајн продажбата на патничкото здравствено осигурување, некои компании воведуваат обнова и продажба на осигурување на домот преку интернет, а имаме и компанија којашто воведува дигитална проценка на штетите, наведе Војновиќ.

Осигурителниот пазар во државава во првата половина од годинава бележи пораст од 6,87 проценти, при што кај неживотното осигурување има зголемување од 5,5 проценти, а кај осигурувањето на живот од 15,5 проценти.

Од утре се укинуваат квотите за земање лекови од аптека. Директорот на Фондот за здравствено осигурување Ден Дончев вели дека од оваа мерка бенефит ќе имаат сите граѓани, лекари и медицински работници, нема да се создаваат гужви, а граѓаните ќе немаат потреба да трупаат залихи на лекови дома. Дополнително при секое подигање на лек, граѓаните ќе треба да се легитимираат со лична карта.

„Граѓаните ќе може да добијат лек од која било аптека во кое било време без разлика дали е почеток или крај на месец. Се елиминираат редовни турканици во првите денови од месецот заради препишување на рецепти. Легитимирањето сепак не значи дека постарите лица кои не моат да дојдат до апетка и помладите до 18 години ќе останат без лековите. Во нивно име ќе ги подигнат нивни блиски, рече Дончев.

Премиерот Зоран Заев рече дека државата е ликвидна и може да го дозволи ова, но и дека се вади психолошката бариера да се трупаат лекови дома.

„Ќе има и поголема контрола, сепак. Сепак се вади некоја тешкотија граѓаните да земаат лекови. Достапноста на лековите до граѓаните е многу значајана работа. Тоа е приоритет за нас и за граѓаните, рече Заев.

Вели дека ефектот за буџетот ќе биде од 200 до 300 милиони денари, но тврди дека буџетот е во одлична состојба.

Заев вели дека се фокусираат на капитални проеки во здравството и на зголемување на платите на медицинските работници, а нето платата на специјалистите да стаса до 100.000 денари нето приход.