Регулаторната комисија за енергетика донесе одлука со што ги намали тарифите што корисниците ги плаќаат за стандарден и повторен приклучок на струја.

Стандардниот што до сега чинеше 500 евра во подрачјата каде што општините имаат донесено детален урбанистички план, сега ќе чини 370 евра. Но, од првиот човек на Регулаторната комисија, Марко Бислимовски, вели дека од сега нема да постои нестандарден приклучок за струја. Овој нестандарден приклучок се наплаќаше по повеќе од 2.000 евра, а причина за тоа беше дека општините немаа усвоено ДУП.
 
Од Регулаторна сметаат дека граѓаните не се виновни затоа што општините не донеле ДУП и затоа се укинува нестандардниот приклучок, односно сите ќе плаќаат по 370 евра без разлика на која локација се наоѓаат. Се намалува и цената за одвојување на броилата. Оваа услуга сега ќе чини 200 евра, од претходните 500 евра.
 
Регулаторната комисија за енергетика ја намали и цената што корисниците ќе ја плаќаат за повторен приклучок доколку биле исклучени поради неплатени сметки. Сега оваа услуга ќе чини 440 денари, а повторниот приклучок ќе се врши во најбрз можен рок. Претходно се плаќаше околу 1.700 денари за повторно приклучување да се изврши наредниот работен ден, а доколку сакаме тоа да се случи истиот работен ден, услугата надминуваше 2.000 денари.
 
Новите цени почнуваат да важат веднаш.

Вработените во неколку сектори имаат плати кои се далеку повисоки од просечните. 

Во секторот компјутерско програмирање во август нето платата во просек била 63.870 денари. 

41.337 денари нето плата земале вработените во воздухопловен транспорт во август, покажуваат податоците од Државниот завод за статистика. 

46.384 денари била просечната нето плата во секторот комуникации и информации. 

Просечна плата од 41.223 денари нето земале вработените во секторот финансиски дејности и дејности за осигурување. 

Различни сектори носат различни просечни примања. 

Ако сте во потрага по вработување а не сакате најниска плата тогаш би требало да ги избегнувате секторите кои носат најмали примања.

Па така според ДЗС најниските платени работни позиции согласно последните статистики се во областа на Заштита и истражување. Тој сектор во август земал најниска просечна плата која изнесувала 13 703 денари.

На втората позиција најниско платен сектор е производството на кожа каде што платата во август била 15 178 денари.

Рибарство и аквакултура е трето рангиран сектор каде платите се исто така меѓу најниските. Вработените таму за месец август добиле 15.430 денари просечна плата.

Четвртата и петата позиција на најниско платени сектори отпадна на сектори каде спаѓаат Услуги поврзани со одржување на згради, животна средина и природа и Производство на облека каде платите во август биле 15.614 денари односно 15.991 денари.

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 23 октомври 2019 година (среда), Денот на Македонската револуционерна борба, е неработен ден за сите граѓани на Република Северна Македонија.

Истовремено, Министерството за труд и социјална политика на граѓаните им го честита Денот на Македонската револуционерна борба.

За сите граѓани на РМ

23 октомври (среда), Ден на Македонската револуционерна борба,

8 декември (недела), „Св. Климент Охридски”, односно 9 декември (понеделник) е неработен ден.

За граѓаните од католичка вероисповед

1 ноември (петок), Празникот на сите светци,

25 декември (среда), првиот ден на Божик.

За граѓаните припадници на албанската заедница во РМ

22 ноември (петок), Ден на албанската азбука,

За граѓаните припадници на турската заедница во РМ

21 декември (сабота), Ден на настава на турски јазик.