Бројот на милионери се зголеми за 1,1 милион оваа година, при што богатите Кинези првпат се побројни од богатите Американци, покажуваат податоците од најновата студија на швајцарската банка Кредит Свис.

Годишното истражување за богатството на Кредит Свис покажува дека во средината на оваа година, меѓу првите 10 проценти од најбогатите во светот – 100 милиони се Кинези во споредба со 99 милиони во САД.

И покрај трговските судири меѓу САД и Кина во текот на изминатите 12 месеци, обете држави постигнаа силен напредок во создавање богатство, придонесувајќи со 3,8 милијарди долари, односно со 1,9 милијарда долари, рече директорката за светска економија и истражување во Кредит Свис, Нанет Хеклер-Фејдхерб.

Бројот на милионери низ светот се зголеми за 1,1 милион на 46,8 милиони, со вкупна нето-вредност од 158,3 милијарди американски долари, што претставува 44 отсто од вкупниот износ во светот.

Во САД се создадени половина од вкупно 675.000 нови милионери.

Падот на просечното богатство во Австралија, во најголем дел поради курсните разлики, се намали за 124.000 милионери. Велика Британија изгуби 27.000 милионери, додека во Турција тој број е помал за 24.000.

Според истражувањето, проценето е дека 55.920 луѓе имаат најмалку 100 милиони долари, додека 4.830 поседуваат нето-средства над 500 милиони долари.

Глобалното богатство, кое се зголеми за 2,6 проценти минатата година, ќе се зголеми за 27 проценти во текот на следните пет години на 459.000 милијарди американски долари до 2024 година, прогнозира Кредит Свис. Бројот на милионери, исто така, ќе се зголеми во текот на овој период на близу 63 милиони.

Во светот, 56,6 проценти од луѓето поседуваат помалку од 10.000 американски долари, 32,6 проценти од лицата поседуваат помеѓу 10.000 и 100.000 долари, 9,8 проценти од луѓето поседуваат меѓу 100.000 и 1 милион долари, додека 0,9 проценти од светското население поседува речиси половина од светското богатство.

Како одговорна партија продолжуваме со реализација на мерките што обезбедуваат намалување на невработеноста и повеќе пари кај граѓаните. Со ребалансот на Буџетот за 2019 година дополнителни 421 лице добиваат неповратни средства од Програмата за самовработување.

Овие лица по успешно изработениот бизнис план набрзо ќе може да ги регистрираат своите фирми и ќе почнат со работа.
Самостојните корисници добиваат грант предвиден со Оперативниот план за 2019 година до 5.000 евра, односно до 10.000 евра ако се двајца содружници. Оперативниот план за вработување дава реални и видливи резултати. Тоа е една од клучните мерки за намалување на стапката на невработеност, која денес изнесува рекордно најниски 17,5 отсто. Владата предводена од СДСМ е посветена на заложбите за поголема поддршка на отворање нови бизнси. Доказ за тоа е фактот што во последните 3 години, средствата за Програмата за самовработување се зголемени повеќе од два пати во споредба со периодот од 2007 до 2016 година. Остануваме посветени на отвоање нови и добро платени работни места, повисоки плати и намалување на стапката на невработеност.
Продолжуваме со креирање и реализација на мерки што во интерес на сите граѓани.

Денеска е првиот работен ден по промената од летно на зимско сметање на времето. Стрлеките на часовниците се вратија за еден час наназад. ЕУ најви дека во 2021 година ќе биде направено последното поместување на стрелките на часовниците, но во меѓувреме треба да падне договор дали тие ќе останат на зимското или летното сметање на времето.

Денеска во светото дури 110 од 192 држави го користат летното сметање на времето. Системот на промена на времето не се користи во Кина, Јапонија, Јужна Кореја и ширум африканскиот континент, каде оваа промена на временската зона никогаш не се здоби со широка полуларност.  Што се однесува до Европа, иако долго во ЕУ се зборува за укинување на оваа пракса, со вакви поместувања на стрелките од часовникот, како и адаптација на биолошкиот часовник кај граѓаните нема најголемата држава Русија. Во почетокот на 2011 година тогашниот претседател на Русија Дмитри Медведев  донесе одлука во оваа земја да се прекине со поместувањето на стрелките од часовниците. Така Русија на 27 март 2011 година последен пат го смени сметањето на времето останувајќи на летното мерење. Со тоа Русија му се придружи на Исланд кој до сега беше единствената европска земја кој не ги менува стрелките на часовниците. Оваа година ќе им се придружи и Турција.

Меѓутоа одлуката Русија засекогаш да остане земја во која ќе има летно сметање на времето не помина кај населението на таа земја. Ѓраѓаните во Русија не сакаа да стануваат еден час порано во текот на зимските месеци. Затоа сегашниот руски претседател Владимир Путин во 2014 година потпиша декрет со кој во октомври земјата ја врати на зимското сметање на времето кое останува да важи во текот на целата година.

Скопје, 28 октомври 2019 (МИА) – Цените на ЕУРОСУПЕР 95 и ЕУРОСУПЕР 98 се зголемуваат за половина денар, а дизелот и Екстра лесното масло за домаќинство остануваат со непроменети цени, објави денеска Регулаторната комисија за енергетика.

Со тоа, од полноќ ЕУРОСУПЕР 95 ќе се продава по цена од 67 денари за литар, а ЕУРОСУПЕР БС-98 по цена од 69 ден/лит.

Според одлуката на Регулаторната комисија, дизелот и понатаму ќе се продава по цена од 62 ден/лит, а малопродажната цена на Екстра лесното масло за домаќинство ќе изнесува 50,50 ден/лит.

Цената на мазутот се намалува за 0,122 ден/кг и во следните седум дена тој ќе се продава по цена од 32,832 ден/кг.

Зголемувањето на бензините, како што се наведува во одлуката на Регулаторната комисија, се должи на покачувањето на цената на нафтнените деривати на светските пазари во изминатиот седумдневен период.