Во објавената програма од Законот за возила за субвенционирање на дел од трошоците за купување и вградување на уред за погон на плин или метан Владата предвидува до 18 илјади денари по автомобил, но истиот не смее да биде постар од 2005 година, односно произведен пред оваа година.

Вкупните средства, како што беше најавено, остануваат во истиот износ од 15 милиони денари. Со истите ќе може да се надополнат само половина од трошоците за купен и вграден уред за погон на ТНГ, метан или друг вид на алтернативно гориво во возилото.

Надоместок ќе се врши за само едно возило во семејство, а истиот сопственикот на автомобилот ќе го добие само ако го вгради уредот по денот на објавувањето на јавниот повик. За таа цел, Министерството за економија во текот на месец ноември ќе го објави јавниот повик и истиот ќе трае 30 дена. 

По завршувањето на јавниот повик, во декември министерството ќе отпочне со разгледување и избор на физички лица кои ќе бидат субвенционирани и ќе започне со уплата на износот на сметката на сопственикот на возилото а за доказите ќе одлучува комисија од три члена и нивни заменици. Изборот за тоа кој ќе ги добие парите на својата сметка ќе се прави по принципот „прв дојден прв услужен“ односно по редослед на поднесување и пристигнување на барањата до целосно исцрпување на средствата. 

За да дојдат до парите, купувачите ќе треба два пати да одат на нотар - еднаш за изјава за веродостојноста на податоцитена приложената документација и еднаш за заверена копија од сообраќајната дозвола за возилото во која е евидентирана промената во автомобилот. За вториот документ замена може да биде потврда за вграден уред за погон на течен нафтен гас или компримиран земјен гас во возилото издадена од регистрираниот сервис.

Покрај тоа, треба да се приложи и фискална сметка со сметкопотврда или уплатница со извод од деловна банка за извршено плаќање за купување и вградување на уред, покрај фотокопија од лична карта и број на трансакциска сметка. 

Министерот Крешник Бектеши претходно изјави дека очекува со оваа мерка да бидат опфатени околу 1.200 возила на годишно и дека програмата се должи на барањата на граѓаните со главна цел да се намали загадувањето на воздухот.

Пари за овие субвенции беа обезбедени со неодамнешниот ребаланс на буџетот и со изгласувањето на Законот за возила во Собранието. Со овие законски измени предвидени се и субвенционирање на купување на нови возила со исклучување на старото како и воведување налепници, но деталите се уште се непознати.

26-годишниот програмер Милутин Соколов од Белград поставил прашање на “LinkedIn” дали да ја одбере компанијата која има пинг-понг или компанијата во која вработените играат пикадо и предизвикал лавина од реакции и коментари.

Соколов го поставил прашањето бидејќи не можел да одлучи што е подобро за неговиот личен и професионален развој – пинг-понг или пикадо, па одлучил да го чуе мислењето на другите колеги. 

“Сите останати услови кои ги добив во двете компании се речиси исти, така што остана само да ја решам дилемата помеѓу пикадото и пинг-понгот. Подеднакво ги сакам и двете активности и затоа ми е тешко да одлучам”, навел програмерот.

Повеќе прочитајте на Точка.мк

Сузан Хоби неодамна на „Инстаграм“ дознала дека една од нејзините вработени се наоѓа во Париз. Но, тоа не ја изненадило и воопшто не ја загрижило бидејќи таа не се грижи каде и кога нејзините вработени работат, сè додека тие доставуваат резултати во предвидениот рок.

Нејзината компанија „Џеј-Ел Бјуканан“ користи сосема нова стратегија на работење што ги мери само резултатите (ROWE - Results only work environment). Оваа стратегија се фокусира на перформансите на вработените, а не на местото и времето кога тие работат.

- Тоа е силата на довербата. Таа е во Париз, но знам дека работи. Можеби ќе ѝ биде потребна помош од колегата од канцеларијата, но за тоа воопшто не се грижам. Верувам дека го организирала патувањето земајќи предвид сè - вели Хоби.

Со оваа стратегија на работа вработените не треба да бараат да си заминат од работа порано или да работат од дома или, пак, да работат од друга земја.

- Секоја личност е 100 отсто одговорна и 100 отсто автономна, што значи дека самите се организираат и се независни - вели Џоди Томпсон, која помогнала во создавањето на концептот на ROWE.

Генерално, ROWE и понатаму има физички канцеларии за вработените, но Томпсон објаснува дека потребата за работни простории има тенденција да се намалува.

- Трошоците за недвижности може значително да се намалат во ваква работна средина бидејќи луѓето се навикнуваат на тоа дека работата не е нешто каде што треба да одиш, туку нешто што треба да го правиш - вели таа.

Хоби ја трансформирала нејзината компанија во ROWE во 2009 година и вели дека ангажманот на вработените, нивната продуктивност и ефикасност се зголемени, заедно со профитот и продажбата.

Идејата на ROWE изгледа едноставно, но може да биде тешка за имплементирање. Тоа значи дека работодавците треба да се откажат од длабоко вкоренетата идеја дека најдобрите вработени се оние што секогаш се на нивните работни бироа. Исто така, тоа значи ослободување од каква било вина што доаѓа со одењето во сала за вежбање во попладневните часови или присуството на приредбата на детето во училиште. Исто така, бара ослободување од какво било судење или прашување на работниците кога заминуваат од канцеларијата. Во ROWE вработените имаат неограничен одмор без потреба тие денови да бидат одобрени од работодавецот.

Целосна автономија на работниците

„ВАТ глобал медија“, компанија за содржини и маркетинг-услуги во агробизнис-индустријата, ја применил ROWE во 2012 година.

Главниот извршен директор, Грег Ват, бил прилично загрижен. Но, се покажало дека нема потреба да се грижи.  - Задниците на столчињата не создаваат добра работа. Даваат перцепција, но не значи дека носат одлични перформанси - вели Ват.

ROWE им дава целосна автономија на работниците, но за да бидат успешни, треба да имаат јасни цели и метрика - вели Томпсон.  - Морам да знам точно за што ме плаќаат во однос на мерливи резултати - додава тој. Резултатите се единственото нешто со кое се мерат работниците, така што мора да бидат јасни.  Вработените во ВАТ повеќе се вклучиле во поставувањето на целите за да утврдат што може да се постигне.

Но, додека повеќето вработени уживаат во слободата што им ја дава ROWE, менаџерите имаат тешкотии со приспособувањето на овој нов стил на работа.

- Тие се навикнати да имаат контрола. Обично менаџерите ги контролираат луѓето, а сега мораат да бидат навистина добри во работата и да достават мерливи резултати - вели Томпсон.

Сега менаџерите мора да станат „тренери за резултати“ во овие работни средини бидејќи редовната проверка на напредокот на вработените е голем дел од ROWE. Тие се таму за да им помогнат на работниците да бидат најпродуктивни и да им помогнат во решавањето на какви било проблеми што се појавуваат. Во ROWE хиерархијата повеќе е хоризонтална отколку вертикална.

- Во ваквата работна средина постојано се прашувате: Дали ова е вистинската цел? Дали ја имаме вистинската мерка? Мора да има постојана корекција на правецот за да бидете сигурни дека го губите времето - вели Томпсон.

- Ова е најдоброто решение за рамнотежата меѓу работата и животот - вели Лана Џонс, потпретседател за талент и култура во „Џеј-Ел Бјуканан“.

Но, само затоа што работниците имаат поголема слобода, не значи дека работат помалку.

- Работам понапорно со оваа работа отколку што претходно сум работела во мојата 25-годишна кариера. Станува збор за попаметно работење, а не помалку работење - вели Џонс.

Потребна е поголема вклученост на жените во носењето клучни политики, решителност да го рашират својот глас, искористување на потенцијалот на технологиите за нивна поголема инклузија и креирање на локални, регионални и глобални мрежи на жени претприемачи, се поентите од првиот Мастерклас „е-Трговија за жени“ организиран од УНКТАД (Конференција за трговија и развој на Обединетите нации) во Северна Македонија.

Преку 50 жени претприемачи учествуваа на првиот од серија мастеркласи кој се одржа изминатите два дена во Скопје, а потоа продолжува во Кина, Индонезија, Иран, Мексико, Руанда и Брегот на Слоновата Коска. Нивен домаќин во Скопје беше министерката за финансии Нина Ангеловска, како една од седумте жени амбасадори за е-трговија од целиот свет, избрана од УНКТАД да ја пренесе пораката за улогата на дигиталната трговија во развојот на претприемништвото кај жените како и важноста од нивно вклучување како поттик за економскиот раст.

-Задоволство ми е што мастерклас иницијативата „е-Трговија за жени” започнува токму од Република Северна Македонија. Поради пониското учество на жените на пазарот на труд, регионот губи 20 проценти од растот на бруто домашниот производ, додека земјава 16 проценти, покажуваат податоците на Светска банка. Ако ова го имаме предвид, треба да креираме паметни политики за поголема вклученост на жените, еднакви шанси и можности за сите кои ќе придонесат за поголем економски раст. Сакам да ги охрабрам сите жени да целат високо, да веруваат во себе, да го искористат потенцијалот на технологиите и дигитализацијата и постојано да се надоградуваат. Новиот брз дигитален свет бара интердициплинарни барања и носи предизвици, но на крајот на денот секој поминат предизвик не прави посилни и поискусни, рече министерката за финансии Ангеловска, која е прва жена министер за финансии.

Ангеловска во овој дел потенцираше дека жените не смеат да се откажуваат пред проблемите, туку да наоѓаат решенија користејќи ја синергијата меѓу технологиите и својот потенцијал, знаење и грижливост.

-Каде и да одиме ќе се соочуваме со проблеми, од тоа не може да избегаме. Само споделувањето на проблемот не е доволно. Умешноста е во идентификување но и предлагање на решение. Затоа дефинирајте го проблемот и дадете ваша идеја за тоа како може да се реши. Само така заедно ќе доаѓаме побрзо до решенија и до добри резултати за сите, посочи министерката за финансии.

Според Канденс Нкот Бисек, проектен менаџер на иницијативата “еТрговија за жени” на УНКТАД, жените претприемачи се соочуваат со бројни бариери како пристап до финансии, вештини и поддршка за раст на бизнисот, што се случува особено во земјите во развој.

-Целта на иницијативата „е-Трговија за жени“ е да креира силна мрежа на жени и да ги испирира жените да ги искористат можностите и да се вклучат во дигиталната економија, истакна Нкот Бисек.

Претставникот на Канцеларијата на УСАИД во Северна Македонија, Ерик Јановски смета дека поголемата вклученост на жените на пазарот на труд ќе доведе до поголем економски раст. Воедно ќе придонесе и за зголемување на животниот стандард во семејствата.

-УСАИД има многу иницијативи кои ги поддржуваат жените, преку нив им помагаме на жените претприемачи да најдат нови пазари и да го зголемат извозот, рече тој.

Учесниците на Mастеркласот прашаа зошто е неопходно жените да креираат политики.

-Затоа што само тие што на своја кожа ги почувствувале проблемите можат да ги разберат и вистински да придонесат за нивно решавање. Затоа е неопходно да го слушнеме гласот на жените и да ја зголемиме нивната вклученост во носењето политики. За тоа е потребна политичка волја и правила кои ќе се почитуваат, а не да бидат само на хартија, посочи Ангеловска.

Ова, како што соопшти Министерството за финансии, е единствен Мастерклас од серијата „е-Трговија за жени“ на УНКТАД кој се одржува во Европа.