Кога решавате да заминете во странство на подолг рок едно од прашањата е дали можете да ја користите вашата возачка дозвола, односно дали истата може да ви биде признанена од тамошната земја. Во спротивно ќе морате повторно да полагате што ќе ве чини и пари и време.

Според информациите објавени на Министерството за внатрешни работи, Македонија има потпишано билатерални договори за реципрочно признавање на возачките дозволи со седум европски земји и тоа: Италија, Шпанија, Албанија, Србија, Црна Гора, Босна и Херцеговина и Германија.

Тоа значи дека доколку патувате или работите во некоја од погореспоменатите земји, вашите возачки дозволи ќе имаат иста важност како и на жител од овие земји.

Врз основа на Виенската конвенција за патен сообраќај, признавање на македонската национална возачка дозвола и замена на истата е овозможено во Чешка, Бугарија, Хрватска, Словенија, Романија, Унгарија и Белгија како и Австрија каде е признаена возачката дозвола само за “Б” категорија.

Во моментов, МВР е во преговори за потпишување на билатерални договори уште и со Косово, Турција и Велика Британија.

Извор: 24ауто.мк

Работодавачите од приватниот сектор мора да исплатат регрес за годишен одмор, во спротивно ќе се соочат со високи казни. Од Сојузот на синдикати на Македонија (ССМ) соопштуваат дека за неодговорните работодавачи кои нема да исплатат регрес за годишен одмор или ќе бараат од работниците да им ги вратат исплатените средства по овој основ, Кривичниот закон предвидува затворската казна до 1 година.

Работодавачите кои ќе побараат од работниците да им ги вратат парите, да примат само одреден износ од платата или други надоместоци ќе бидат казнети. За неодговорните работодавачи кои нема да исплатат регрес за годишен одмор или ќе бараат од работниците да им ги вратат исплатените средства по овој основ, Кривичниот закон предвидува затворската казна до 1 година. Од Сојузот на синдикати сметаат дека како резултат на зајакнатата санкциона политика и измените на Кривичниот закон ќе се елиминираат појавите на формална исплата.

Работниците на кои нема да им биде исплатен регресот за годишен одмор ќе можат да побараат интервенција од Државниот инспекторат за труд, или пак да покренат судска постапка за заштита на своите права.

Исплатата на регресот за годишен одмор е воспоставена со Општиот колективен договор (ОКД) за приватниот сектор од областа на стопанството е задолжителна за работниците и треба работодавачите да ја реализираат до крајот на годината. ССМ заедно со Организацијата на работодавачите, со потпишување на Спогодбата за измени и дополнување на ОКД за приватниот сектор од областа на стопанството во 2013 година го уредија правото на регрес за годишен одмор за вработените во приватниот сектор.

Регресот за годишен одмор се исплатува во висина од најмалку 40 проценти од основицата, под услов работникот да работел најмалку шест месеци во календарската година кај ист работодавач. Основицата за пресметување на надоместоците на работниците преставува просечната месечна нето плата по работник во Република Македонија исплатена во последните три месеци.

Од ССМ соопштуваат дека кај работодавачите кај кои настанале потешкотии во работењето по задолжителна претходна консултација со синдикатот на ниво на гранка односно оддел, со спогодба потпишана од работодавачот и репрезентативната синдикална организација може да се утврди регрес за годишен одмор во помал износ од износот утврден со овој колективен договор.

Бензинот Еуросупер БС-95 поскапе за еден денар, а Еуросупер БС-98, дизелот и екстра лесното масло за домаќинства за половина денар.

Новата цена на литар ЕУРОСУПЕР БС-95 изнесува 68,50 денари, а 70,50 денари на Еуросупер БС-98. Литар ЕУРОДИЗЕЛ (Д-Е V) сега се продава за 62 денари, екстра лесното масло за домаќинство (ЕЛ-1) за 50,50 денари. Малопродажната цена на мазутот М-1 НС се зголеми за 0,206 денари за килограм и изнесува 33,340 денари.

Зголемувањето на малопродажните цени на нафтените деривати во просек изнесува 0,93 проценти.

РКЕ ја донесе одлуката за цената на горивата врз основа на цените на нафтените деривати на светскиот пазар и курсот на денарот во однос на доларот во изминатите седум дена.

Водевме сметка за секој денар на граѓаните да биде продуктивно искористен, затоа и буџетот се гледаше на две седници. Вложуваме во човечки капитал, во нашиот народ, рече премиерот Заев на презентација на Буџетот за идната година.

Раст на економијата 3,8 отсто, овој раст најмногу од домашната потрошувачка. Буџетот е проектиран на реални параметри. 

Капитални инвестиции над 23 милијарди денари.

Платата ќе порасне за 6,3 отсто, од минималната плата и од субвенционирањето на придонесите. Должни сме пред граѓаните на земјава, рече премиерот Заев.

За идната година пониска невработеност, можно до 16 отсто, а вработеност до 48,2 отсто. 

Раст на Бруто инвестициите. Ниска инфлација, стабилни цени.

Се зголемува платата за 25 отсто на специјалистите, 15 отсто општа пракса и 10 отсто медицинските сестри. Специјалистите на повисоки нивоа ќе достигнат 100.000 денари плата, а на пониски нивоа до 90 илјади денари. 

Издвоивме 1,5 милијарди денари за капитални инвестиции во здравството, 2020 ќе почне изградбата Клинички центар, и предвидени се првите пари во овој буџет. А и болниците низ градовите.

Платите во образованието од јануари ќе се зголемат за 10 отсто. Одвоивме 1,5 милијарди денари за капитални инвестиции во образованието.

И за пензионерите, 2020 зголемување на трошоците дополнително од редовната индексација на трошоците на живот. Пензионерите заслужија, тие се значајни. Од 700 до 730 денари се зголемуваат пензиите, конечно ќе се утврди на крајот на годината. Со индексацијата ќе има дополнителни 120 до 130 денари. Или вкупно меѓу 850 и 900 денари - поради растот на минималната и просечните плати. Минималната пензија е уште 8.940 денари, а просечната 14 илјади денари, за жал уште се ниски, рече премиерот Заев.

Околу 7,3 милијарди денари се за субвенции во земјоделство и 1,1 милијарди денари за рамномерен развој.

Одбрана буџет ќе биде 1,39 отсто од БДП согласно НАТО агендата.