Во Србија 34.000 пензионери работат, и тоа во занаетчиски дејности, или на други места каде што нивното знаење и искуство може да се искористи, пишува српски Курир. 

За да се чувствуваат корисни, дел од граѓаните иако стекнале пензија, сепак работат.

Но, реално можеби бројката е уште поголема затоа што има пензионери кои работат со договор на дело или на „црно“. 

Од Градската организација на пензионери на Белград велат дека немаат точен податок, затоа што таквите информации често и пензионерите ги кријат.  Но, велат дека 10 отсто од нив ја менуваат професијата. По пензионирањето продолжуваат да работат пензионери, професори, лекари, ѕидари, металостругари и други. 

За помалку од еден месец, на сметките на скенирачите на фискални ќе легнат и парите од првиот поврат.

До средината на декември според најавите на министерката Ангеловска треба да легне сумата за првиот квартал од кога почна мерката „МојДДВ“ во чии рамки ќе почне и наградна игра.

Ако сте редовен скенирач на фискални тогаш може да очекувате и парични награди на дневна, месечна основа, како и две главни премии а фондот за истата е половина милион евра .

Имено, 150 илјади граѓани се активни скенирачи на фискални сметки и помагаат во борба против сивата економија.

Во Германија 67 години се малку за заминување во пензија. Иако граѓаните се противат, предлогот границата да се зголеми за две години најверојатно ќе стане реалност. 

Во Германија од 2012 година се зголемува границата за пензионирање, а до 2031 година таа треба да биде 67 години. Но, тоа е малку за државната каса. Германската централна банка соопшти дека не можат така лесно да се пополнат дупките во пензискиот систем. 

Велика Британија и Финска ќе ја зголемат границата на 68 години. 

Министерката за труд и социјална политика, Мила Царовска синоќа во Топ тема на Телма изјави дека од Светска банка за стабилизација на пензискиот фонд им било укажано дека треба да се зголеми старосната граница на одење во пензија како и замрзнување на пензиите. 

„Јас одлучив дека не е прифатливо ниту едното ниту другото, за мене тоа е нечесна и несоодветна политика. Наместо тоа направив друг систем преку кој се стабилизира пензискиот фонд и се намалува дефицитот во истиот“, изјави Царовска. 

Вели дека успеале да заштедат 3 милијарди и 700 милиони денари, а дупката во фондот ја намалиле од 19 милијарди на 15 милијарди денари.