По улиците низ земјава се вози кршот од  Европската унија, па така за 10 години се увезени дури  304.183 половни автомобили од странство.

Ова го покажува статистиката на Царинската управа за увозот на возила, според која од 2010-та година кога беа воведени поволностите од претходната Влада за слободен увоз на странски половни возила во земјава рапидно расте бројот на увезените половни на сметка на увозот на новите возила. И додека граѓаните се гушат во загадениот воздух, статистиката покажува дека добар дел од овие автомобили се дизел и со ЕУРО 3 или 4 стандард, односно испуштаат многу повеќе издувни штетни гасови за животната средина. Власта пак сеуште калкулира и со еколошките налепници, со кои требаше да се обележат возилата според тоа колку загадуваат.

Пет пати поголем увозот на половни наспрема нови автомобили

Податоците на Царинската управа покажуваат дека само до септември  годинава во земјава се увезение 25.562 половни возила од странство. По годините бројките варираат и просекот се движи од околу 23.000 до 35.000 увезени половни возила. Најголемиот бум на пазарот се случил токму во 2010-та година кога биле увезени дури 51.399 половни возила.

Статистиката покажуава дека во 2009 година заедно со товарните биле увезени вкупно 16.151 возила, од кои само 2.944 биле половни, а дури 10.574 биле нови. Од таа година па наваму, увозот на нови автомобили паднал за повеќе од половина.

Дури 270.000 автомобили се постари од 15 години

Податоците на државниот завод за статистика покажуваат дека повеќе од половината од возниот парк во земјава е постае од 15 години. Така од регистрирани  415.051 патнички автомоболи лани, дури 270.075 се со година на производство пред  2004 година. Додека пак во 2018 година се регистрирани само 4.138 нови автомобили.

Лани биле регистрирани  415.000 автомобили, половината возат на дизел

Податоците покажуваат дека лани во земјава биле регистрирани 415.062 автомобили од кои 208.805 возеле на дизел. Додека 194.384 биле на бензин, а 11.706 возеле и на бензин и на гас.Статистиката покажува дека од година во година се регистрираат се повеќе автомобили

Бензинот Еуросупер БС-95 минатата недела поскапе за денар, а Еуросупер БС-98, дизелот  и екстра лесното масло за домаќинства за половина денар.

Новата цела на литар ЕУРОСУПЕР БС-95 изнесува 68,50 денари, а 70,50 денари на Еуросупер БС-98. Литар  ЕУРОДИЗЕЛ (Д-Е V) ќе се продава за 62 денара, екстра лесното масло за домаќинство (ЕЛ-1) за 50,50 денари.  Малопродажната цена на мазутот М-1 НС се зголемува за 0,206 денари за килограм и изнесува 33,340 денари.

Зголемувањето на малопродажните цени на нафтените деривати во просек изнесува 0,93 проценти.лв.

РКЕ ја донесе одлуката за цената на горивата врз основа на цените на нафтените деривати на светскиот пазар и курсот на денарот во однос на доларот во изминатите седум дена.

Денеска не чека нова цена на горивата која ќе важи од полноќ.

Останува да видиме дали ќе има поскапување или поевтинување.

Ко-основачот на Мајкрософт, Бил Гејтс го престигна Џеф Безос во петокот како најбогата личност на светот, за прв пат по повеќе од две години.

На Гејтс можеби делумно му помога соопштениетио на Пентагон, наместо на Амазон тендерот да го додели ма Мајкрософт , во вредност од 10 милијарди американски долари со Мајкрософт. Акциите на Мајкрософт оттогаш пораснаа за 4%, создавајќи богатство од 110 милијарди американски долари во Гејтс, според индексот „Милиони“ на Блумберг.

Акциите на Амазон опаднаа околу 2% од објавувањето, што доведе до тоа нето вредност на Безос да биде 108,7 милијарди долари.

Гејтс (64) кратко го надмина Безос, (55) минатиот месец, откако „Амазон“ го објави својот прв пад на профитот за две години, но акциите на најголемата светска малопродажба во светот опаднаа и понатаму. Индексот, кој го следи богатството на 500 најбогати луѓе, се ажурира секој ден откако ќе се затвори пазарот во Америка. Најбогатиот човек во Европа, Бернард Арно, е на третото место со 102,7 милијарди долари.

Вредноста на Мајкрософт оваа година порасна за 48%, зголемувајќи го уделот на Гејтс за 1%. Остатокот од неговото богатство е акумулирано од продажба на акции и инвестиции направени во текот на годините од неговата семејна компанија Каскада.

Безос ќе беше многу побогат доколку тој и Мекензи Безос не беа разведени. Двојката ја објавија нивната поделба во јануари, а Мекензи (49) во јули доби четвртина од својот удел во Амазон.

Иако луѓето им се воодушевуваат на интелигентните луѓе, сепак и тие имаат многу маки и препреки со кои се соочуваат. И тие исто така водат борби самите со себе и со околината. Прочитајте кои се најголемите маки на интелигентните луѓе.

Интелигенцијата создава притисок да се успее

Поради тоа што имаат леснотија да ги разберат работите со кои другите се мачат, интелигентните луѓе се соочуваат со внатрешен притисок за подобра кариера, поголема плата и подобар општествен притисок. Кога работите нема да им излезат според планираното и кога овие очекувања нема да се исполнат, тогаш тие имаат голем проблем да го прифатат тоа.

Збунети од патиштата на животот и нивната перцепција за неуспех, интелигентните луѓе се изложени на екстремно само-критикување.

Тешко се спријателуваат

Повеќето од нас лесно создаваат социјални и интимни врски знаејќи дека и ние ќе треба да го возвратиме вниманието. Секој од нас си наоѓа човек што му одговара. Но, високо интелигентните луѓе ретко можат да се опуштат и да уживаат во вечер со пријателите и тешко се справуваат со социјални настани каде треба да стекнуваат пријатели. Исто така, често се наклонети да бараат луѓе кои се на исто интелектуално ниво со нив, а тоа не е секогаш толку лесно.

Премногу анализираат

Интелигентните луѓе постојано размислуваат. Нивниот мозок никогаш не е на одмор и не прави паузи. Процесот на донесување одлуки е стресен и тежок. Плус тие најчесто не се многу физички активни, постојано им недостасува здрав сон и оваа комбинација многу често води кон депресија.

Интелектуална изолација

Кога успехот се определува според просекот, стравот од неуспех може да ја уништи вистинската љубов за учењето и страста да се сподели знаењето со други. Интелигентните луѓе некогаш знаат да делуваат арогантно, но тоа е затоа што не секогаш можат да се изразат на разбирлив начин и затоа одлучуваат да молчат.

Среќата е чудна работа

Во 1926 година, психологот Луис Терман, во Калифорнија идентификувал 1500 студенти кои имале коефициент на интелигенција од 140 па нагоре. 80 од овие студенти имале IQ од 170. Тие биле следени и набљудувани во текот на целиот свој живот. Во крајните заклучоци за задоволството од животот, високиот степен на интелигенција е поврзан со незадоволство од животот.

Постојаното анализирање и мислење води кон социјална анксиозност. Неспособноста да се побара помош ја зголемува изолацијата, а обидувањето да се вклопат во околината води кон пад на самодовербата. Сите имаме некои демони со кои се справуваме, а интелигентните луѓе не се исклучок од тоа.