Облечени сте за успех, квалификувани сте за позицијата, имате искуство и добра едукација, се претставивте во убаво светло, па зошто не Ве повикуваат? Се консултиравме со експерти за вработување и други професионалци за совет зошто после сето ова не Ве викаат на втор разговор.

1. Не сте доволно ентузијасти за позицијата

Да се биде квалификуван е клучно, но исто толку е важно и покажувањето на вашата харизма за позицијата. Eдна од причините поради која не избираат да одат напред со Вас после првото интервју е тоа што не изгледате доволно возбудени или воопшто не сте возбудени за тоа дека ќе соработувате со нив, пренесува KARIERA.mk.

2. Не го покажувате Вашиот талент доволно 

Една од причините што луѓето не се паметат по интервјуто е тоа што тие не се поврзуваат со потребите на интервјуерот. Важно е да запомните дека на компанијата и е потребна исполнета работна позиција, и кога ќе ги поврзете своите вештини и таленти со потребите на компанијата, имате многу голема шанса да бидете запаметени, пренесува KARIERA.mk.

3. Не ти е денот за интервју

Успешно интервју  е уметност како и повеќето форми на уметност, колку повеќе пракса, толку подобри ќе бидете. Вежбајте, вежбајте и повторно вежбајте велат експертите.

4. Делувате премногу самоуверено

Фалење на своите достигнувања и претерана самодоверба може да има контраефект. Ќе бидете запаметени, но на погрешен начин. Подобар пристап е да го слушате интервјуерот, да ги разберете нивните проблематики и да објасните како ги користевте своите вештини во минатото за да решите слични проблеми, пренесува KARIERA.mk.

5. Изгледате очајно

Наспроти она што мислат некои кандидати, покажувајќи колку сакате да ја напуштите сегашната работа за да се приклучите во оваа нова компанија, нема да Ви донесе дополнителни поени. Дури и ако ова е навистина она што го сакате, никој не сака да ангажира некој на кој само му е потребна работа заради своја корист. На прашањето зошто ја сакате работата, обидете се да објаснете како Вие и компанијата ќе имате успех заедно.

Министерството за финансии изготви прирачник за проектот “Купи куќа, купи стан“, кој е поставен на веб страницата на Mинистерството за финансии.

За неполни три месеци откако стапија на сила новите услови, интересот кај граѓаните е голем.

Намалените каматни стапки, новиот модел Купи стан за млади,како и дополнителната едногодишна субвенција на месечната рата за секое новородено или посвоено дете е причината за големиот интерес.

Согласно новите услови каматната стапка за моделот „субвенција на рата“ за првите три години ќе изнесува 2,9 проценти, а за третата и четвртата година 3,9 проценти.

Намалена е и каматната стапка за моделот „субвенција на учество“. Истата сега ќе изнесува 4 проценти за цело времетраење од исплатата на кредитот зголемена за 6-месечен еурибор.

За младите до и со наполнети 35 години се воведе нов модел „Купи стан за млади“. Притоа, корисниците кои ќе го одберат моделот „субвенција на ратата“, од државата ќе добијат субвенции во висина од 70 проценти од ратата. Така на пример, за кредит од 50.000 евра вкупниот износ на субвенцијата  изнесува 11.900 евра.

Оние, пак, што ќе го одберат моделот за помош при отплата на учеството, од државата ќе добијат субвенција во висина од 70 проценти од учеството за станот. За кредит од 50 илјади евра, државата ќе субвенционира 8.750 евра.

Дополнително корисниците на субвенциониран станбен кредит, за секое новородено или посвоено дете, ќе добијат дополнителна едногодишна субвенција на месечната рата во висина од 30 проценти.

Новина има и кај моделот “Купи куќа за возраст над 35 години“. Сега оние кои ќе аплицираат за овој модел ќе добијат поголема субвенција.

За лицата над 35 години за изградба или купување на нова куќа, ќе се субвенционира 80% од месечната рата во период од пет години, или 80 проценти од учеството за куќата.

Прирачникот може да го превземете со клик тука.

Од Асоцијацијата на слободни и независни синдикати во Србија, бараат оние работници кои ќе работат во недела, да бидат дополнително платени. 

Одговор за ова прашање ќе има до крајот на годината. 

Во српското Министерство за трговија, туризам и телекомуникации, веќе е оформена група која ќе изготви забелешки „за и против“ работа во недела. 

Се вели дека работата во недела има социолошки, социјален и здравствен аспект. 

На граѓаните што се надеваа дека идната година ќе добиваат субвенции за купување половни автомобили, но кои задоволуваат повисоки еколошки стандарди, нема да им се исполнат очекувањата. 

Согласно Програмата на Министерството за економија за субвенционирање, субвенции ќе има само за набавка на ново возило, но само ако претходно се расходова старото возило.  
Од Економија велат дека во новиот Буџет за 2020 година не се предвидени средства за субвенцвионирање.
„Програма за субвенционирање на дел од трошоците за купување на ново возило со одјавување на старото возило согласно член 5-в („Службен весник на Република Северна Македонија“), каде начинот на субвенционирање и постапката за надомест на дел од трошоците за купување на ново возило е предвидено да започне во 2020 година, но во новиот буџет за 2020 година на  Владата не се предвидени финансиски средства за субвенционитање согласно Програмата за субвенционирање на дел од трошоците за купување на ново возило со одјавување на старото возило“, објаснуваат од Економија.
Од таму нагласуваат дека согласно Програмата за субвенционирање на дел од трошоците за купување на ново возило, со одјавување на старото возило, субвенции се предвидува само за купено ново возило, а сопственикот кој поседува старо возило ќе треба да го расходова, односно да го предаде во во специјализиран отпад за возила.

„Во ниту една одредба од Законот за возила, не е предвидено да се субвенционира дел од трошоците за купување на половно возло“, велат од Економија.

А првично, некаде летово, Владата најави дека разгледува опција за субвенции за замена на старо со ново или со користено возило со еколошки стандарди, односно со Еуро 5 и Еуро 6 нормативите. Од плацевите за употребуванио возила тогаш изјавија дека таа мерка била добра и дека ќе ја намали емисијата на издувни гасови. 

Сега најмногу од плацевите се купуваат возила со Еуро 4 стандардите, кои се актуелни заради цената, па можат да си го дозволат и оние со понизок стандард. Но кога државата би давала субвенции, тие би загризале и за поновите возила. Дел од нив можат да се најдат по достапна цена, иако има и такви што се доста поскапи.

Летната идеја на Владата предвидуваше граѓаните што ќе купат ново или половно еколошко возило, а старото ќе го исклучат, да добијат субвенции од 20 до 30 отсто од вредноста, најмногу до три илјади евра, но тоа не смее да е поскапо од 10 до 12 илјади евра.

Во земјава, од 466 илјади регистрирани возила, дури 269 илјади се постари од 18 години. Со оваа мерка се очекува постарите да се заменат со понови автомобили, да се намали загадувањето и да се подобри безбедноста во сообраќајот.