Америка можеби има се, но дефинитивно досега немаше вкусно македонско сирење на кое секако највеќе се радуваат нашите иселеници.

Фамилијата Генадиеви од Тетово го проширија нивниот бизнис во Детроит и решија да ги промовираат најубавите македонски млечни производи во Америка. Сопственици се на некогаш популарната македонска млекара „Насто“, а сега во САД го продаваат „Оро“ сирењето. Велат дека името го добило според улицата каде што се наоѓа фабриката, а оро на италијански значи злато. Во превод нивниот производ е златно сирење.

Балканците се најрадосни што во Америка може да јадат вкусно сирење од Македонија, но исто така и Арапите кои се најголеми купувачи на македонското сирење. Американците ненавикнати на вакви производи буквално побудалеја по биеното сирење кое за нив е новост.

Генадиеви се изненадени од големата побарувачка на македонските млечни производи која не ја очекувале, па моментално се во процес на зголемување на капацитетите на производство бидејќи неделно им бараат и по неколку шлепери сирење.

„Оро“ сирењето е уште еден доказ за нашата гастрономска умешност и квалитетот на македонските прехранбени производи кои добиваат признанија насекаде низ светот.

Денеска истекува рокот за поднесување на Годишната даночна пријава за поднесување на персонален данок на доход (образец ПДД-ГДП) за приходите остварени во изминатата 2016-та година, соопштуваат од УЈП.

Со цел граѓаните да можат да ја поднесат даночната пријава во законскиот рок, сите даночни канцеларии на УЈП за прием на годишните даночни пријави денеска ќе работат со продолжено работно време до 20 часот. Според последните податоци, поднесени се вкупно 403.316 Годишни даночни пријави, додаваат од УЈП.

Пријавите можат да се поднесат и преку пошта, преку е-Даноци за регистрираните корисници на електронските даночни услуги, како и во дополнителни шалтери во Скопје, лоцирани на приземјето на Дирекцијата за големи даночни обврзници (зграда на ССМ).

За сите дополнителни информации и помош при пополнувањето на Годишната даночна пријава, граѓаните можат да се обратат во Инфо центарот 0800 33 000 или да побараат помош од даночните агенти во даночните канцеларии, додаваат од УЈП.

Претседателот на Конфедерацијата на финските индустрии (ЕК) Вели Мати Матила, соопшти дека просечните плати на вработените во таа земја се 10 до 15 отсто превисоки.

Како што јавува финскиот весник Хелсингин саномат, Матила, кој воедно е и шеф на одборот на една голема компанија за телекомуникации, повика на намалување на платите и воведување нови мерки со кои би се намалиле трошоците на трудот, а сѐ за Финска да може на пазарот да се носи со Германија и Шведска.

Минатото лето работничките организации и синдикати се согласија на продолжено работно време, замрзнување на платите и помали годишни одмори, а во исто време пораснаа износите кои мора да ги плаќаат за разните социјални услуги што ги пружа државата.

На неговата изјава бурно реагираа опозициските политичари, па така лидерот на финската Зелена партија Виле Нинисто изјави дека Матила заработува 70 отсто повеќе од просечниот фински работник и го нарече алчен.

Грозницата за матурската вечер почна да „ги тресе” учениците во четврта година во средните училишта. За родителите, секако горди што нивните деца завршиле еден важен период од животот, матурската вечер претставува и удар на семјниот буџет, за кој со месеци се подготвуваат, пишува Вечерњи лист на БиХ.

Притоа, парите кои треба да ги издвојат е релативна работа, зависи од можностите, желбите, навиките и многу други фактори. Иако многу родители се свесни од преголемата галама која се крева околу прославата за овој ден, никој од нив не сака детето да им биде исклучок и да се двои од генерацијата на која припаѓа. Сепак се поголем број од нив не се во можност на своите ќерки да им купат прв свечен фустан во животот, први салонски чевли, чанта, накит и шминка.
За матурските прослави родителите на матурантите треба да издвојат најмалку 300 КМ, а износот може да биде и до 1000 КМ, што за многу семејства е износ кој покрај сите одрекувања не можат да го издвојат, посебно ако земеме предвид дека просечната плата во БиХ е нешто поголема од 800 КМ, а најголем број семејства преживуваат со само 600 до 700 КМ.

Свесни за состојбата во која живееме и фактите дека на девојките матурската вечер им е еден од најважните настани во животот, неколку жени од Мостар лани основале група на социјалната мрежа Фејсбук под името „Матура за 5”.

Целта им била да соберат фустани, одела, чевли, накит и се што е потребно да им помогнат на средношколците кои не се во можност да ги сносат сами наведените трошоци, да заблескаат на матурската вечер.

Својата мисија лани ја исполнија! Им помогнаа на над 100 матуранти лошата финансиска состојба да не ја почувствуваат на свечената матурска вечер, на крајот на средното образовение и влезот во светот на возрасните.

Минатата година се потпревме само на ХН жупанијата, но нашата акција се прошири на целата БиХ – рече за Вечерњи Матеја Ловриќ, една од покренувачите на оваа акција.