Висината од 14.500 денари не само што е понижувачка, туку и самото отворање на тоа прашање е понижувачко, смета првиот човек на Стопанската комора на Македонија Бранко Азески.

Тој во утринското интервју за агенцијата МИА посочува дека регулацијата на односите од страна на државата кон приватниот сектор е лоша работа и дека приватниот сектор треба да има полна слобода во својата интенција. Потенцира дека Македонија се движи кој пазарна економија и треба да бидеме свесни дека ништо не менува дали минималната плата ќе биде 14.200 или 14.800 денари .

Годинава што изминува Азески ја оценува како нормална година, во која земјава решаваше крупни и тешки надворешно-политички прашања. 

„Моментно нашата оценка е дека нема загрозен сектор, а решавањето на крупните прашања се надеваме дека ќе остават простор за економијата“, вели Азески.

Првиот човек меѓудругото во интервјуто предупредува на ризикот бизнисот да го префрли капиталот надвор, доколку земјава не се позанимава сериозно со состојбите во правосудството.

Азески како можни дестинации каде капиталот би можел да биде изнесен ги набројува Прешево, Солун, Сандаски...

Во однос на НАТО алијансата и Европската унија, размислувањата на првиот човек на најстарото коморско здружување во земјава се дека тие и требаат на државата, но ни требаат и нови пазари, без разлика дали тоа ќе бидат Русија, Блискиот Исток, Северна Африка.

Целото интервју читајте го тука.

Избрани се 10-те најлоши градови за живот во светот. 

Најновото истражување кое го реализирале од „InterNations“ покажува каде е најлошо за живеење. Во топ 10 се наоѓа и градот на светлината, факт кој можеби ќе зачуди многумина. 

1. Кувајт; 
2. Рим; 
3. Милано; 
4. Лагос; 
5. Париз; 
6. Сан Франциско; 
7. Лос Анџелес; 
8. Лима; 
9. Њујорк; 
10. Јангон. 

Но, составена е и листа на најдобри градови за живот. Нив можете да ги видите на листата овде. 

фото Википедија

Се зголемиле нето платите во Македонија. 

Просечната месечна исплатена нето-плата по вработен, во октомври 2019 година, била  25.726 денари.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Транспорт и складирање (8.7 отсто), Дејности на здравствена и социјална заштита (7.4 отсто) и Уметност, забава и рекреација (6.7 отсто).

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (5.7 отсто), Финансиски дејности и дејности на осигурување (4.4 отсто) и Трговија на големо и трговија на мало; поправка на моторни возила и мотоцикли (2.9 отсто).

45.549 денари нето земале вработените во информации и комуникации, 44.345 нето добивале вработените во секторот финансиско-услужни дејности, освен осигурување и пензиски фондови, 60.899 во компјутерско програмирање, 45.683 денари во воздухопловен транспорт. 

Скопје ќе се обиде да го урне рекордот на Гинис и да постави нов а така и да стане град во кој е направена најголемата елка од луѓе.

Моментно Гинисовиот рекорд го држи Индија направен во 2015 година со 4030 учесници.

Надлежните ги повикуваат сите заинтересирани за овој интерен потфат, да дојдат утре во 13ч на плоштадот „Македонија“ каде во рамки од програмата на „Винтерленд“ Скопјани ќе пробаат да ја направат најголемата елка од луѓе.