Просечната плата во Хрватска сега е 880 евра. 

Во декември лани таа била 6.559 куни или околу 880 евра, што е раст за 3,3 проценти на годишно ниво. Податоците ги објави Државниот завод за статистика.

Највисока просечна нето-плата за декември 2019 година е исплатена во воздушниот сообраќај, во износ од скоро 1.583 евра, додека најниската од 565 евра е исплатена во секторот производство на кожа и сродни производи.

Неодамна скокаа и платите на словенските работници. 

Панама, Сејшели, Кајмански острови и Палау се земјите кои е додадени на „црната листа“ даночни раеви.

Тие се најдоа на оваа листа „благодарение“ на министрите за финансии на Европската унија а како што се наведува во еден документ на Европската унија објавен деновиве, на Турција, и покрај недостатоците, и е дадено повеќе време за да ја прилагоди регулативата и да избегне да биде зацврстена на листата.

Листата, направена во 2017 година, по откривањето на широко распространетиот систем за затајување и избегнување данок кој го користат странски фирми и богати поединци за да ги намалат своите даночни обврски, сега опфаќа 12 јурисдикции, пренесе Ројтерс.

Фиџи, Оман, Самоа, Тринидад и Тобаго, Република Вануато и три американски територии - Американска Самоа, Гуам и Девствените острови се исто така на оваа црна листа.

Владата да најде начин за продолжување на рокот на патните исправи додека се реши пасошката криза во земјава, бара министерот Чулев. Вели дека за надминување на проблемот неопходна е политичка волја, пренесува Сител. 

-Ставање на апостилски печати со информација до сите други држави по дипломатски пат е една од опциите која што ја има Владата на располагање. За законитоста, во краен случај треба да реши Владата. Меѓутоа, сме имале случаи во меѓународни рамки каде важноста на патните исправи е продолжена со удирање на печат и испраќање на ноти до државите, вели Чулев.

Од Владата велат дека на вчерашната седница не се разговарало за пасошката криза. Доколку информацијата за ваква постапка пристигне до Влада, јавноста дополнително ќе биде известена.

Во моментот останати се уште 3.400 пасоши. 9-члена комисија составена од лекар, правник, економист и вработени во Министерството ќе одлучува за лицата кои имаат ургентни потреби за вадење пасош. Чулев вели дека приоритет ќе имаат лицата кои мора да заминат на лекување во странство, а потоа оние кои треба да учествуваат на меѓународни натпревари.

Освен пасоши, станиците за технички прегледи не издаваат и сообраќајни дозволи.

-Во текот на утрешниот ден пристигнуваат доволен број на сообраќајни дозволи, 1.500. Требало посебни материјали, а до идната недела ќе стигнат 100.000, рече Чулев.

Министерот уверува дека откако ќе пристигне пратката на пасоши граѓаните во најкус можен рок ќе ги добијат патните исправи и состојбата ќе се нормализира со работење на службите и втора смена и за викендите.

Инаку, Чулев го обвини премиерот Спасовски дека со фалсификат ги поништил во Службен весник распоредувањата во МВР, бидејќи немало одлука на Влада. Побара од Јавното обвинителство да отвори истрага.

Нема веќе едноставно исклучување од системот на парно греење. 

Ова следува откако властите го укинаа паушалот кој претходно го плаќаа исклучените граѓани од парно, но и откако беше намален данокот на додадена вредност за сметките за топлинска енергија, од 18 отсто, на повластената стапка од 5 проценти. 

Граѓаните за да се исклучат од парно, веќе од вчера, мора да докажуваат дека ќе се топлат на подобар енергенс, предвидува Законот за енергетска ефикасност кој стапи на сила.

„Граѓаните приклучен на системот на топлинска енергија ќе има можност да се исклучат од системот за греење само во случај кога новиот систем на кој планираат да се приклучат обезбедува подобри енергетски перформанси“, велат од Министерството за економија кое го подготви ова законско решение.

Исто така, овие граѓани ќе треба да обезбедат писмена согласност за исклучување од системот за централно греење од мнозинството од вкупниот број сопственици на зградата.

Оние граѓани, пак, кои ќе сакаат да се приклучат на парното, односно да се вратат во системот, доколку претходно биле исклучени, тоа ќе можат тоа да го сторат веднаш, со поднесување барање за враќање во системот.