Жените да можат да се пензионираат на 59 години, а мажите на 61 година, би предвидувале новите измени на Законот за пензиско и инвалидско осигурување, кои сè уште се во фаза на разгледување. Според нив, трошокот за надоместокот што ќе го добиваат три години додека да добијат статус на пензионери би паднал на товар на работодавците. Вакви измени се планираат и се чекаат конечните пресметки од Фондот за пензиско и за инвалидско осигурување, во врска со тоа колку би изнесувал надоместокот што ќе треба да го плаќаат работодавците.

Главниот  носител на идеите за вакви законски измени е бизнис–заедницата и синдикатот, а се чека на официјалните предлог – измени во законот кои ќе ги понудат социјалните партнери до Министерството за труд. Самата иницијатива потекнува од бизнисмените, кои одреден период бараат решение како да го подмладат работничкиот кадар. Со ваквите измени, кои нема да имаат финансиски неизбежни последици врз државата, ќе се даде можност на работодавците да го подобрат работниот процес и да се загрижат работниците на кои веќе годините, а и здравствената состојба не им дозволуваат до крај да ги исполнат задачите поврзани со работата. Организацијата на работодавци веќе испратила барање до ПИОМ да пресмета околу триесет „пробни надоместоци“ за работници на оваа возраст. Во исчекување се пресметките од ПИОМ по што се очекуваат информации, за да се стави на хартија предлогот до министерството.

Од Организацијата на работодавци информираат дека првите предмети се дадени до ПИОМ, кој треба да ја пресмета вистината на надоместокот која би требало да ја земаат лицата што би заминале три години порано во пензија, а идејата е за тие три години да земаат надоместок преку Агенцијата за вработување, која ќе го плаќа работодавецот и да се водат како технолошки вишок.

По четири децении во етерот – култната „Хихириху“ заминува во историјата. Најавната шпица на емисијата остави траен белег за бројни генерации . Во студиото на ТВ 24 беше дел од актектерската екипа – актерите Ѓокица Лукаревски и Благоја Чоревски – Чоре.

Пред катастрофалниот земјотрес, Скопје беше мирно и мало место каде владееше прекрасна хармонија и скромен живот. Сепак земјотресот промени се за само неколку секунди - така велат нашите баби и дедовци кои живееле и биле млади во тој период.

Погледнете ги сликите од неколку локации во центарот на градот во тоа време.

Камениот мост

Улица Македонија

Плоштад Пела

Панорама на центарот на Скопје

Во селото Хопеман кое се наоѓа во Шкотска, локалните жители ги “заплашуваат“ возачите на свој начин поради тоа што не возат со онаа брзина која е пропишана. Во ова село дозволената брзина е 40 километри на час но  повеќето возачи не ја почитувале оваа брзина.

Поради тоа локалните жители се обиделе на друг начин да ги вразумат несовесните возачи.

Тие облекуваат зелено елече и земаат фен за коса и го насочуваат кон возилата.Кога возачите поминуваат во ова село претпоставуваат има сообраќајна контрола па поради тоа ја намалуваат брзината.

Откако оваа информација се проширила низ социјалните мрежи и други граѓани започнале да го применуваат овој метод.

Но информацијата стигнала и до сообраќајната полиција па излегле во пресрет на граѓаните и сега поставиле повеќе контроли на патиштата.

„Тоа беше нашата цел. Ги облековме нашите деца и им дадовме фен и стоевме на улица и правевме “контрола“ заедно со децата бидејќи сакаме да покажеме дека најважно за нас е сигурноста на нашите деца“, изјавила Кармен Гилес, која е мајка на три малолетни деца.