Џек Ма, основачот на „Алибаба“, продал дел од акциите во таа кинеска компанија за електронска трговија за неколку милијарди долари, откако нивната вредност скокна за скоро 50 проценти, објави „Си-Ен-Ен Бизнис“.

Ма, кој е еден од најбогатите Кинези, со тоа го намали сопствениот удел во „Алибаба“ од 6,2 на 4,8 проценти, според годишниот извештај на компанијата за 2019 година, но не е прецизирано кога го сторил тоа или за колку пари.

Американската телевизиска мрежа Си-Ен-Ен, сепак, пресметува дека според сегашната пазарна цена, тој удел на акции е околу 8,2 милијарди долари, пренесува Блиц.

Џек Ма минатата година се повлече од позицијата претседател на Извршниот одбор на компанијата на возраст од 55 години, велејќи дека ќе го посвети своето време на филантропија.

Алибаба во мај објави дека нејзините дигитални платформи сега претставуваат една шестина од вкупната продажба на мало во Кина и дека очекува уште поголем раст затоа што пандемијата со КОВИД-19 донесе уште повеќе клиенти и промет преку Интернет.

„Веруваме дека онлајн начинот на купување ќе остане составен дел од нашето секојдневие дури и по пандемијата “, рече извршниот директор на „Алибаба “, Даниел Џанг, во годишниот извештај.

Во моментов „Алибаба“ вреди околу 705 милијарди долари, што ја прави повредна компанија од Фејсбук, објави Си-Ен-Ен.

Американските амбасади и конзуларни претставништва ќе го обноват издавањето визи во најскоро време, соопшти денеска Стејт департментот, но не прецизира точна дата.

Издавањето визи беше прекинато поради пандемијата со Ковид-19. Кога ќе се обнови издавањето визи ќе се одредува индивидуално од секоја Амбасада и Конзулат.

Секоја мисија ќе ги обнови нормалните конзуларни услуги во индивидуален поредок и согласно рамковната програма „Силна демократија“ за безбедно враќање на нашиот персонал во објектите на Департментот, изјави денеска за Еј-би-си претставник на Стејт департментот.

Тој додаде дека државниот орган „не може да укаже на конкретна дата кога секоја од мисиите може да ги обнови конзуларните услуги“ и посочи дека најдобро е оваа информација да се бара на веб-сајтот на конкретната Амбасада или Конзулат.

Поради здравствената криза во која се наоѓаме Австрија одлучи да го прошири списокот на земји за кои што ќе важи забраната за слетување  на австриските аеродроми на сите земји од Западен Блакна, вклучувајќи ја и Македонија.

Со новата уредба на Министерството за здравство листата била проширена од 8 на 18 држави. Од четвртокот на австриските аеродроми нема повеќе да може да следуваат авиони од сите земји од Западен Балкан, Бугарија, Романија, Модлавија и Египет.

Претходно забраната веќе важела за летови од Белорусија, Кина, Велика Британија, Иран, Португалија, Русија, Шведска и Украина.

До крајот на јули ќе бидат укинати летови од кон Скопје, Белград, Букурешт, Каиро, Подгорица, Сараево, Скопје, Тирана и Варна. Според уредбата постојат исклучоци, но во тоа влегуваат само “летови во интерес на Австрија”, како и слетување на товарни авиони, авиони кои префрлаат болни, или враќаат австриски државјани, односно пренесуваат медицински персонал или работници за помош во земјоделството.

Повеќе од половината компании во Германија, 54 проценти, сакаат работата од дома да остане постојана, според истражувањето на институтот ИФО и анкетата на професионалната мрежна мрежа „ЛинкдИн“ (LinkedIn), спроведена меѓу нејзините членови.

– Кризата со коронавирусот може да биде поттик за постојан работен ангажман од дома – изјави Оливер Валк, директор на Центарот за индустриска организација и нови технологии и коавтор на оваа заедничка студија.

Податоците од истражувањето на ИФО покажуваат дека три четвртини од компаниите во Германија се согласиле со дел од нивната работна сила да работат од дома, како начин да се справат со кризата, се вели во соопштението на минхенскиот институт.

Во исто време, истражувањето спроведено меѓу членовите на професионалната мрежа LinkedIn во Германија, покажува дека речиси половина од испитаниците рекле дека сега работат од дома поради пандемијата.

– За многу компании, овие нови работни аранжмани вклучуваат значителни инвестиции во дигитална инфраструктура и нова комуникациска технологија. Целосно враќање на стариот начин на работа е малку веројатно – објаснува Валк.

Според студијата, за 56 проценти од вработените во Германија денес е можна привремена работа од дома, додека пред пандемијата, се користеше само половина од тој потенцијал.

Покрај тоа, една анализа на огласени работни места и лица кои бараат работа на LinkedIn покажува дека бројот на прегледи на огласи за работа од дома се зголемил за повеќе од двапати.

– Сепак, во иднина, работни места за кои се смета дека се целосно остварливи од дома, веројатно ќе продолжат да бидат исклучок – рече Жан -Виктор Алипур, коавтор на студијата за ИФО.

– Знаеме дека недостигот на социјален контакт, кој го вклучува работата од дома, на долг рок може да биде товар и дека дигиталниот свет сам по себе не ги овозможува сите аспекти на креативна размена или трансфер на знаење и идеи. Затоа, поверојатно е дека ќе преовладува комбиниран модел, кој вклучува работа во компанијата и работа од дома. На тој начин се здружуваат предностите од автономијата и флексибилноста на работа од дома со придобивките од социјалниот контакт на работното место – објаснува Алипур.