Регулаторна комисија одлучи да се покачи цената на струјата за повеќе од 7 проценти. Ова покачување се однесува на домаќинствата односно обичните граѓани а не и за големите компании.

За поскапувањето на струјата, претседателот на Регулаторната комисија го истакна следното:

Одлуката за зголемување на цената на струјата е донесена врз основа на детални анализи и дополнителни податоци добиени од енергетските компании.

Според него, граѓаните треба да имаат разбирање за ова поскапување бидејќи барањата на енергетските компании детално биле анализирани и побарани биле дополнителни податоци, бидејќи доколку ги прифателе нивните барања, тогаш цената ќе се зголемела за 25 проценти.

Неколку стотици граѓани излегоа да го искажат својот револт од последната одлука на РКЕ да ја покачи цената на електричната енергија за 7,4 %. Организаторите велат дека нема да запрат. Најавуваат дека следната недела ќе се одржи протестен марш со блокирање на дел од главните сообраќајници низ градовите.

Извлечени се 15-те најсреќни добитници на месечните награди од по 20.000 илјади денари преку наградната игра МојДДВ#МојаНаграда, на јавно извлекување кое се одржа вчера на Канал5, соопшти Министерството за финансии.

Станува збор за Филип Петрески од Прилеп, Игор Кацар од Куманово, Марија Бојкикева - Скопје, Бобан Спасовски – Велес, Лидија Падован-Скопје, Дарко Ралповски-Берово, Муамет Ибраими-Скопје, Никола Гошев-Скопје, Емилија Петкоска – Скопје , Александра Падикова Спировски – Кавадарци, Катерина Данчева – Струмица, Гордана Митревска – Битола, Ивана Лазаровска – Скопје, Благојчо Стевановски – Крива Паланка и Дејан Димоски-Прилеп.

Имињата на среќните добитници се објавени и на веб-страната на Државна Лотарија на следниот линк: https://www.loto.mk/MojaNagradaRezultati

Во останатитекола на #МојаНаграда до крајот на годината, односно до декември, месечните награди ќе изнесуваат 20.000 денари и секој месец ќе се доделуваат по 15 награди.

Извлекувањето на втората главна премија, ќе се одржи во декември, а истата ќе изнесува 1.000.000 денари.

Инаку граѓаните, преку МојДДВ #МојаНаграда, од први јули, скенираат сметки за три пати повеќе дневни награди од порано, односно до крај на годинава секој ден ќе се доделуваат 30 награди од по 1.000 денари. Доделувањето на повеќе дневни наградни, но во помал износ во овој период, ќе претставува мотив за граѓаните да скенираат фискални сметки и да влијаат на намалувањето на сивата економија.

Граѓаните кои скенираат сметки и понатаму ќе имаат трикратна корист - ќе придонесат во борбата против сивата економија, ќе добијат поврат на ДДВ, како и можност за вредна награда. 

Во последно време паѓа вредноста на доларот. 

  За слабеењето на валутата влијаеше и најавата на претседателот на САД, Доналд Трамп дека претседателските избори би можеле да бидат одложени поради здравствената состојба. Поради сето ова, немаше побарувачка за доларот.

Економските експерти проценуваат дека нема да има поголема побарувачка за доларот во текот на месец август, па дури и ако има некои позитивни промени во вредноста на доларот, тие ќе дојдат порано затоа што ќе потоне некоја друга валута, така што повеќе луѓе ќе се свртат кон доларот, нешто како малку побезбедна варијанта.

Неизвесно е дали повторно ќе се зголеми бројот на нововработени.  Доколку дојде до тој скок, тогаш сигурно ќе скокне доларот, но ако овој скок не се случи, тоа ќе биде уште еден силен удар за американската валута.

Наставниците сакаат да се вратат во училиниците. Од СОНК велат дека нема подобро решение од настава со физичко присуство, но останува отворено прашањето како да се изведе тоа во услови на пандемија, а да се заштитат и децата и наставниците. Синдикатот од неодамна е вклучен во подготовките за старт на школската година. Заедно со МОН и со Комисијата за заразни болести се на став дека во училиштата каде што има малку деца, школската година ќе почне со децата во училниците. Таму каде што има повеќе деца, наставата ќе се организира во смени. Но, најголем проблем се училиштата каде и сега заради големиот број ученици имаше сменско работење.

Најкритични, според СОНК, се најмалите ученици за кои всушност е и најважно да се вратат во училиште. Нивните наставниците ќе имаат дополнителна обврска за спроведување на протоколите.

На три недели пред 01 септември, земјава се уште нема решение за следната школска година. Според најавите, идната недела ќе се знае кои деца и на кој начин ќе се вратат во училишните клупи, а кои ќе седат дома и ќе учат преку компјутер.