Дигитализацијата на услугите е една од примарните процеси во Нептун Македонија, компанијата која континуирано на иновативен начин им го олеснува на потрошувачите купувањето на апарати за домаќинство. Нептун Македонија, во партнерство со ИутеКредит Македонија, лансираа ново иновативно решение за онлајн шопинг со кое потрошувачите ќе може на лесен, брз и безбеден начин да купуваат онлајн на рати преку веб страната www.neptun.mk. Освен оваа новост изминатиов период Нептун Македонија промовираше неколку иновативни дигитални алатки: мобилна апликација за онлајн шопинг и дигитализација на happy лојалната програма и happy картичката.

Покрај опцијата потрошувачите да може да купуваат онлајн со кредитни или дебитни картички, отсега ќе имаат можност по изборот на саканите производи многу едноставно и брзо да аплицираат за купување на производ од Нептун преку исплаќање со наменскиот кредит од ИутеКредит и истиот да го исплаќаат од 3 до 24 рати со суми од 3.000 до 120.000 денари. Целиот процес е дигитализиран и потрошувачите нема да имаат потреба да достават физички документи со што се олеснува целиот купопродажен процес.

Процесот на апликација и одобрување е лесен и брз, што овозможува одличен бенефит за секој потрошувач. Во само 3 чекори потрошувачите ќе можат да ги купат своите омилени производи во Нептун:

1. Го избирате вашиот омилен производ на www.neptun.mk
2. Избирате опција за плаќање на рати преку ИутеКредит
3. Доколку апликацијата за кредит е одобрена, Нептун ви ја доставува нарачката во предвидениот рок

Овој начин на кредитирање при онлајн купување на производи е прв и единствен на пазарот во Македонија. Соработката помеѓу овие две иновативни компании придонесе за напредок на Е-трговијата во нашата држава. Само со вакви проекти и иновации можеме да го унапредуваме купувачкиот процес и да ги направиме услугите и производите подостапни за македонските купувачи.

Нептун Македонија најголемата малопродажна и дистрибутивна мрежа во Македонија на апарати за домаќинство, уреди за ладење и греење, телевизори, гејминг опрема, смартфони и ИТ уреди, е присутна 22 год. на македонскиот пазар преку 25 продажни салони во 21 град во Македонија и преку 80 големопродажни партнери. Со брендови во своето портфолио како Беко, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, „Нептун” е позициониран како апсолутен лидер на пазарот во државава.

Комисијата за заразни болести и министерството за образование денеска ќе прецизираат како ќе изгледа новата учебна година и во какви услови ќе има настава. Според информации на Сител епидемиолозите се со став децата да се вратат во клупите, но во секое училиште да биде различно. Лекари кои се членови на  комисијата се категорични, онаму каде има помал број на ученици да има редовна настава, а во класовите со повеќе деца да има сменско работење со скратени часови или комбинирана настава, прво една група да оди на училиште, а другите да учат онлајн и обратно. Последниот збор треба да го каже министерството за образование од каде рекоа дека ќе се изјаснат до 10 август. Во меѓувреме родителите кои ги анкетираше Сител се со поделени мислења, но сите се во очекување на конечната одлука.

– Имам внука трето одделение и едвај чека да се врати во училиште, вели скопјанец. Наставничка по математика пак смета дека децата и наставниците треба да се вратат на училиште. Основец изјави дека подобро му е да учи од дома, додека татко на прваче вели дека за безбедноста на децата подобро е да има онлајн настава.

Додека се чека одлуката на образование, се поизвесно е дека доколу се вратат на училиште децата ќе седат сами во клупа, а маските ќе бидат составен дел од наставата. Според епидемиологот Александар Стојанов статистички децата до 10 годишна возраст помалку заболуваат, но се преносители на вирусот и затоа треба да бидат заштитени.

Статистички многу малку околу 2-3 проценти од децата на таа возраст заболуваат, а повеќе пренесуваат и ризикот е вирусот да го донесат дома на нивните родители или други членови на семејството и затоа не е на одмет да носат маски, но колку може ад издржат со маските на лицето, затоа можеби ќе се скратат часовите или пак ќе се обезбедат поголеми количини на маски, изјави за Сител епидемиологот прим. д-р Александар Стојанов, директор на ЦЈЗ Скопје и член на Комисијата за заразни болести.

Покрај за отворање на училиштата, се чека зелено светло и за отпочнување со  работа и на градинките. За нив во вторник ќе се прецизирааат деталите на состанокот на Комисијата за заразни болести. Иако протоколи за воспитно образовните установи  има уште од крајот на мај, а пред 10 дена согласност дадоа и лекарите од Комисијата најверојатно и градинките ќе старуваат заедно со училиштата од септември.

Заврши првиот од трите циклуси на извлекувања за седум електрични велосипеди, односно сите кои ја користат услугата Е-сметка на А1 Македонија автоматски стануваат учесници во извлекувањата за електричен велосипед. Во три месечни циклуси на извлекување ќе биде доделен 21 електричен велосипед, односно седум во секое извлекување по случаен избор.

Следното извлекување е закажано за 4 септември, а право за учество во извлекувањето имаат сите А1 резидентни корисници (физички лица) со активна електронска сметка до денот на доделување на подароците, како и сите А1 бизнис корисници (правни лица) со дадена согласност за електронска сметка. Дополнително, сите корисници на А1 Македонија кои ги исполнуваат условите и кои извршиле и онлајн плаќање на електронската сметка преку официјалната веб страница на А1 Македонија или преку апликацијата Мојот А1, учествуваат уште по еднаш во листата за извлекување, односно имаат двојно поголема шанса за добивање на подарок.

Купување преку интернет, плаќање на сметките, но и целиот процес на дигитализација стана составен дел од нашето секојдневие. Промена на нашите навики, но и отворање на нови можности е поттик А1 Македонија да им помогне на своите корисници кон дигиталната трансформација. Нудејќи услуги преку повеќе дигитални канали, иновативни канали за комуникација и достапност на услугите, А1 Македонија нуди бенефити за своите корисници и го подобрува нивното корисничко искуство.

Користење на услугата Е-сметка носи бенефити за корисниците, па покрај заштеда на време и плаќање на сметката од удобноста на домот, истата придонесува кон заштита на животната средина, односно го елиминира нивото на отпад од хартија. Услугата Е-сметка на корисниците им овозможува месечните сметки да ги добиваат електронски, на е-мејл адреса, брзо безбедно и секогаш на време, наместо во хартиена форма, а сметката да ја платат преку апликацијата Мојот А1 или преку официјалната веб страница, соопшти компанијата.

Нискобуџетната авиокомпанија „Визер“, која има голем број бази на Балканот, очекува ограничувањата за патувања и забраните за влез во голем број држави да влијаат на нејзината работа во наредните пет месеци.

Како што пренесува порталот „exyuaviation.com“, поради ограничувањата за патување наметнати на балканските државјани од други европски држави, „Визер ќе биде принуден привремено да суспендира летови до неколку дестинации од Скопје, Белград, Тузла, Охрид, Приштина и Подгорица.

„Во претстојниот период од пет месеци ќе има многу неизвесности и индустријата ќе мора да научи како да биде флексибилна во прилагодувањето кон новите мрежни рути и прилагодувањето на капацитетот“, вели извршниот директор на „Визер“, Јозеф Варади.

Тој истакнува дека неговата авиокомпанија веќе почнала со стратегија за ублажување на ефектите од пандемијата. Варади ги наведува проширувањето на флотата „Ербас А321“ во Белград, воспоставувањето на прва руска база во Санкт Петербург заедно со рестартирање на базата во Киев, лансирањето на 14 нови рути меѓу Украина и Италија, продолжувањето на летовите од пазарите како што се Унгарија и Македонија, како и потфатот кон Блискиот Исток.

Во наредниот период, „Визер“ планира да лансира девет нови рути од Белград, да ја воведе својата прва услуга за Хрватска и да почне со нови летови за Црна Гора.

„Имаме кастрење на капацитетите на постојните пазари, но истовремено создадовме и нова мрежа на рути и оперативни бази, така што отвораме шест или седум нови бази исто како што рековме“, вели Варади.

Авиокомпанијата сега лета со 77 отсто во однос на нивото во 2019 година. Превозникот истакна дека дури и со коона вирусот, се очекува да го зголеми својот капацитет за приближно девет проценти оваа година.

„Најлошата состојба за нас е кога не работиме. Во моментот кога работиме, работиме само врз основа на паричен придонес. Треба да ги водите вашите деловни активности на долг рок и ликвидноста и готовината се клучни компоненти на вашиот деловен модел. Сите знаеме дека кај летањето на кратки дестинации преовладува најниска цена, а сега ние сме со најниска цена, така што мислам дека нашата конкурентна позиција штотуку се подобри“, вели Варди коментирајќи ја стратегијата на „Визер“, која многу се разликува од нејзините конкуренти за време на актуелната криза.

Варди додава дека пред десет години кога последната економска криза го погоди светот, едноставно не биле доволно силни и не биле доволно големи за да ја искористат ситуацијата. Сега вели дека имаат финансиски капацитет да обезбедат корист и да бидат еден од победниците во оваа ситуација.