Регулаторната комисија за енергетика донесе одлука цените на бензините, дизелот и екстралесното масло да останат исти, а се зголемува само малопродажнaта цена на Мазутот М-1 НС.

Малопродажните цени на бензините Еуросупер БС-95 и Еуроспуер БС-98, на Еуродизел (Д-Е V) и на Екстра лесното масло за домаќинство (ЕЛ-1), не се менуваат и со тоа, малопродажната цена на Еуросупер БС-95 изнесува 60.00 ден/лит, малопродажната цена на Еуросупер БС-98 изнесува 62.00 ден/лит, малопродажната цена на Еуродизел (Д-Е V) изнесува 52.50 ден/лит и малопродажната цена на Екстра лесното масло за домаќинство (ЕЛ-1) изнесува 52,00 ден/лит.

Малопродажната цена на Мазутот М-1 НС се зголемува за 0,412 ден/кг и од полноќ ќе изнесува  26,121 ден/кг.

Никој од надлежните институции и организации во моментов не осмелува да каже точно кога ќе заврши пандемијата на коронавирусот, иако во моментов тоа е една од најбараните информации во светот.

Сепак, Бил Гејтс, основач на „Мајкрософт“ и технолошки могул, има свое предвидување. Тој смета дека луѓето низ светот ќе го дочекаат крајот на пандемијата во различни периоди, во зависност од тоа дали живеат во земји во развој или побогати земји како САД.

„Иновациите за подобрување на дијагностиката, новите терапии и вакцините се навистина импресивни“, рече Гејтс за списанието „Вајрд“ во интервју објавено во петокот.

„Поради тоа, мислам дека пандемијата во голема мерка, особено кај богатите земји, би можела да заврши уште кон крајот на 2021 година. Во светот во целина, тој рок би бил продолжен до крајот на 2022 година“, рече Гејтс.

Основачот на „Мајкорсофт“, кој финансира медицински истражувања и активности за пронаоѓање на вакцина против вирусот, не е претеран оптимист во однос на неговото искоренување. Тој е свесен дека, дури и ако се оствари неговото предвидување, пандемијата ќе уназади многу земји во светот, економски и инфраструктурно.

Во своето интервју, Гејтс остро го критикуваше и американскиот систем за тестирање за коронавирус и изрази фрустрација за тоа како претседателот Доналд Трамп и неговата администрација постапуваат по однос на пандемијата.

Технолошкиот могул верува во пронаоѓањето на вакцина против Ковид-19, но посочува дека некои вакцини ќе им помогнат само на богатите и развиените земји, кои ќе можат да дојдат до големи количини од истата.

„Оваа болест, според првичните податоци од тестирањата на вакцини врз животни и податоците од тестирањата во прва фаза, се чини дека е многу излечива по пат на вакцинација“, истакнува Гејтс.

АД МЕПСО по реагциите на јавноста за одлуката за поскапување на струјата излезе со соопштение во кое вели дека претпријатието побарало зголемување на цената заради тоа што се планира инвестициски циклус од, како што велат од таму, 100 милиони евра.

Од таму велат дека во РСМ не постои произведител на потребната опрема за трафостаници и далекуводи, и поради тоа целата опрема се набавува од странски производители. поради што, според нив, „голото“ споредување на цената на мегаватчас електрична енергија со просечна плата во нашата земја е некоректно. 

По новото утврдување на тарифите на енергетските компании од кои произлегува цената на електричната енергија, АД МЕПСО меѓудругото се огласи со следното соопштение:

„АД МЕПСО е оператор на националниот електроенергетски систем чија дејност е непрекинато и доверливо снабдување на сите потрошувачи со квалитетна електрична енергија. Тарифата за пренос на електрична енергија, како и секаде во земјите на ЕУ и земјите од нашето соседство, на годишно ниво ја утврдува надлежното регулаторно тело согласно усвоена методологија, а врз основа на барање на енергетските компаниии. Методологијата го дефинира барањето со форма и содржина и, во снова, се презентираат и образложуваат трошоците за одржување, реконструкција и надградба на  електроенергетската мрежа.

Со цел доверливо и непрекинато снабдување со квалитетна електрична енергија за сите потрошувачи АД МЕПСО секоја година подготвува инвестициона и програма за одржување, каде што најдомаќински се планираат потребните инвестиции. 

АД МЕПСО е во голем инвестициски циклус од околу 100 милиони евра, составен од проекти за реконструкција на постоечката инфраструктура и изградба на нови електроенергетски објекти“, информираат од таму.

Стручните служби на операторот врз основа на анализите од дефектите, оценка на состојбата на витални делови од постројките, како и недостапноста на резервни делови за опремата стара и 40 години, ја утврдуваат потребата и итноста за  инвестирање во реконструкција на постоечката инфраструктура, постројки и далекуводи, додаваат од друштвото.

„Последните резултати се видливи во постројките во ТЕЦ Осломеј и во Валандово, а во наредните месеци ќе бидат завршени работите и во Дуброво и Прилеп и во четирите најголеми ХЕЦ (во делот на преносната мрежа). Во тек се и реконструкции во постројки во Битола и Скопје, со рок за изведба 12 месеци. Завршен е и 110 kV далекувод Штип – Пробиштип, со приклучок за зоната Неокази. Во тек се подготовки за реконструкција на 4 далекуводи 110 kV, постари од 50 години.

Актуелните приходи од преносната тарифа овозможуваат финансирање на проектите за реконструкција, кои обезбедуваат доверливост на преносната мрежа, но, едновремено, со примената на современа опрема и решенија значително се намалуваат трошоците на АД МЕПСО за одржување за наредниот период. 

Со цел заокружување на  поврзувањето со сите соседни преносни систем оператори, започнат е проектот за поврзување со соседна Република Албанија, со 400kV далекувод од Битола преку Охрид до Елбасан. Кај Охрид ќе се изгради нова 400/110 kV трафостаница со која ќе се обезбеди доверливо снабдување со електрична енергија во југозападниот дел за идните триесет години.Ова е најголемиот актуелен проект со вредност 40 милиони евра“, се дополнува во известувањето.

АД МЕПСО тврди дека голем дел од јавноста е подготвена да плати високи сметки за мобилна телефонија и интернет, а се дразни на поскапување на струјата со која функционираат сите апарати во едно домаќинство.

„За жал, во одредени сегменти на нашето општество сеуште постојат предрасуди и за најмала промена на цената на електричната енергија; дел од критичарите на цената на електричната енергија, во исто време, за мобилен телефон со интернет забава се подготвени да издвојат и значајни износи,  често и далеку повисоки од сметката за електрична енергија. Понатаму, како висока сметка за електрична енергија се третира и сметка кога, оваа најскапа енергија, се користи за загревање на цела куќа или голем стан“, велат од АД МЕПСО.

Тарифата на АД МЕПСО 6 (шест) години во континутитет е намалувана, со што е доведена во прашање ликвидноста на компанијата и нејзиното  функционирање. Тарифата е најголемиот извор од каде се покриваат сите инвестиции за преносниот систем нормално да функционира. АД МЕПСО нема можност да се откаже од своето учество во цената на струјата, затоа што нé чека економски развој на државата кој без стабилен преносен систем е невозможен, истакнува операторот.

„Во исто време напоменуваме дека АД МЕПСО е општествено-одговорна компанија која во контиунитет осум години наназад издвојува значајни средства (до 2 отсто од своите приходи) за проекти од јавен интерес од областите на: здравството, образованието, културата и спортот. Воедно во истиот период дава стипендии на студенти од електроенергетските насоки на државните факултети во Скопје и во Битола, во соработка со ЕВН и АД ЕСМ, вложувајќи на тој начин уште повеќе во иднината на електроенергетскиот систем“, се додава во соопштението.

Дигитализацијата на услугите е една од примарните процеси во Нептун Македонија, компанијата која континуирано на иновативен начин им го олеснува на потрошувачите купувањето на апарати за домаќинство. Нептун Македонија, во партнерство со ИутеКредит Македонија, лансираа ново иновативно решение за онлајн шопинг со кое потрошувачите ќе може на лесен, брз и безбеден начин да купуваат онлајн на рати преку веб страната www.neptun.mk. Освен оваа новост изминатиов период Нептун Македонија промовираше неколку иновативни дигитални алатки: мобилна апликација за онлајн шопинг и дигитализација на happy лојалната програма и happy картичката.

Покрај опцијата потрошувачите да може да купуваат онлајн со кредитни или дебитни картички, отсега ќе имаат можност по изборот на саканите производи многу едноставно и брзо да аплицираат за купување на производ од Нептун преку исплаќање со наменскиот кредит од ИутеКредит и истиот да го исплаќаат од 3 до 24 рати со суми од 3.000 до 120.000 денари. Целиот процес е дигитализиран и потрошувачите нема да имаат потреба да достават физички документи со што се олеснува целиот купопродажен процес.

Процесот на апликација и одобрување е лесен и брз, што овозможува одличен бенефит за секој потрошувач. Во само 3 чекори потрошувачите ќе можат да ги купат своите омилени производи во Нептун:

1. Го избирате вашиот омилен производ на www.neptun.mk
2. Избирате опција за плаќање на рати преку ИутеКредит
3. Доколку апликацијата за кредит е одобрена, Нептун ви ја доставува нарачката во предвидениот рок

Овој начин на кредитирање при онлајн купување на производи е прв и единствен на пазарот во Македонија. Соработката помеѓу овие две иновативни компании придонесе за напредок на Е-трговијата во нашата држава. Само со вакви проекти и иновации можеме да го унапредуваме купувачкиот процес и да ги направиме услугите и производите подостапни за македонските купувачи.

Нептун Македонија најголемата малопродажна и дистрибутивна мрежа во Македонија на апарати за домаќинство, уреди за ладење и греење, телевизори, гејминг опрема, смартфони и ИТ уреди, е присутна 22 год. на македонскиот пазар преку 25 продажни салони во 21 град во Македонија и преку 80 големопродажни партнери. Со брендови во своето портфолио како Беко, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, „Нептун” е позициониран како апсолутен лидер на пазарот во државава.