Додека светот, но и регионот се подготвува за старт на учебната година, кај нас се уште не се знае дали и кога ќе биде стартот и кои ученици ќе одат со физичко присуство, а кои ќе работат он лајн. Сепак имаше најави дел од помалите ученици да се вратат во клупите. Тие најверојатно и ќе треба да носат заштитни маски. Познатиот српски епидимиолог Предраг Кон денеска тврди дека тие може да бидат и трислојни но и еднослојни, но може да се користат маски и од платно или каква било ткаенина. 

Инаку тој вчера тврдеше дека маските мора да бидат специјални, но денеска го промени мислењето.

„Тоа може да бидат и хируршки и платнени и сошиени маски. Ако забележиме дека почнува зголемен пренос на коронавирусот ќе забраниме децата д аодат во училиште, изјави денеска Кон. 

Останува да се види какви ќе бидат препораките за кај нас. Засег анема протоколи и нема најави за заштитата на децата кои ќе одат на училиште.

Регулаторната комисија за енергетика денеска ќе соопшти дали ќе има промена во цените на горивата.

Изминатите две недели горивата ја задржаа својата цена, па така ЕУРОСУПЕР БС-95 изнесуваше 60,00 ден/лит, ЕУРОСУПЕР БС-98 изнесуваше 62,00 ден/лит, ЕУРОДИЗЕЛ (Д-Е V) изнесуваше 52,50 ден/лит, додека малопродажната цена Екстра лесното масло за домаќинство (ЕЛ-1) изнесува 52,00 ден/лит.

Новите цени на горивата ќе важат од денес на полноќ.

Руската трговска компанија МЕРЕ влегува во Србија и планира да стане еден од најголемите трговски ланци во српската малопродажба. MEРE е подружница на руската групација Torgservis, основана во 2009 година, која во моментов работи на повеќе од 800 локации низ цела Русија под брендот Светофор и е трет по големина синџир зад трговските компании X5 и Magnit.

"Досега отворивме 1.500 дисконти и работиме во 10 држави. Дојде време да го прошириме бизнисот на српскиот пазар со најмалку 100 дисконти и просечна површина од околу 1.000 квадратни метри. Планираме да работиме директно со производители, под строга контрола на квалитетот и цени пониски за 20 проценти од просечните. Клиенти на маркетите на МЕРЕ се луѓе кои се грижат за своите пари и време, со просечни и пониски приходи“, вели директорот на филијалата на руската компанија во Србија за српскиот портал Retail Serbia.

Со влегувањето на германскиот пазар, МЕРЕ беше принудена привремено да ги затвори своите продавници заради големата побарувачка и недостигот на стоки во залиха. Во нашиот регион, компанијата има свој пазар во Романија, а понудата на рускиот дисконт вклучува и некои српски производи.

Покрај Србија, компанијата планира да го прошири својот бизнис на грчкиот пазар. Продавниците на MERE зафаќаат површина од 800 до 1.200 квадратни метри и нудат од 1.500 до 2000 различни артикли.

Агенцијата за електронски комуникации спроведе јавна расправа за воведување на 5Г технологија во Македонија. Двата постоечки оператори поради кризата, се за одложување на постапката на доделување радиофреквенции за 5G за догодина, додека компанијатаЕОЛО смета дека таа треба да се спроведе во најскоро време. Ставот на Агенцијата како и коментарите на:Intracom Telecom, НЕОТЕЛ, Македонски Телеком, А1 Македонија и EOLO S.p.A. се достапни на веб-страницата на АЕК.

Во анализата АЕК најавува дека постапката за доделување одобренија за 5G технологијата ќе почне до крајот на тековната година и ќе се одвива преку аукција, при што ќе се понудат поединечни одобренија. Од таму појаснуваат, дека операторите не се заинтересирани за целиот опсег туку за дело од опсегот па затоа и такви одобренија ќе се доделуваат.

Во Националниот оперативен бродбенд план (НОБП) е наведено АЕК да распише тендер до крајот на 2020 година. Со започнување на постапката се зголемува и можноста за зголемување на конкуренцијата и од други заинтересирани страни, а секако и дека трет мрежен оператор е и една од целите на АЕК.