Викенд без ДДВ во продавниците за облека, бела техника, мебел, училишен прибор ќе се организира кон крајот на септември.

Премиерот Зоран Заев изјави дека кон крајот на септември ќе имаме викенд без ДДВ, пред почетокот на школската година бидејќи тогаш родителите повеќе ќе трошат за дечињата кои ќе почнат со училишната година“, изјави Заев.

Вицепремиерот за координација со економските сектори Фатмир Битиќи изјави дека не се откажуваат од проектот „Викенд без ДДВ“ и оти се разгледуваат законските можности и здравствените аспекти кога тој може да се реализира.

„Веќе ги гледаме последните законски можности кога во најбрз временски период и во координација со здравствените институции, тоа може да се направи. Мислам дека наскоро со четвртиот пакет веќе ќе имаме став и за „Викенд без ДДВ“, рече Битиќи.

Коментирајќи ги мислењата на некои експерти дека мерката повеќе ќе им помогне на поимотните отколку на посиромашните граѓани и дека води кон сива економија, Битиќи кажа дека има механизми со кои би се идентификувале и елиминирале евентуалните вакви појави.

Со оваа мерка која Владата ја најави, ќе се поттикне потрошувачка и раст на приходи во одредени продажни сектори, како што се продавници за гардероба, бела техника, мебел, санитарија, школски прибор и книги. Се очекува дополнителен приход од 20 милиони евра да се слеат во македонското стопанство.

Македонската банкарска асоцијација ги потсетува граѓаните кои имаат потреба од втор период на одложена отплата на кредитните обврски да пристапат до својата банка и да побараат да се вклучат во постапка за одложена отплата.

Граѓаните, како што наведуваат, треба да ја информираат својата банка за причините за одложување на отплатата по што барањата ќе бидат соодветно разгледувани и за истите ќе се донесе одлука за која тие ќе бидат известени.

Вториот период на одложена отплата на кредитите на граѓаните погодени од ковид-кризата може да трае до 6 месеци, односно до крајот на март 2021 година.

Граѓаните при  променети, подобрени услови ќе можат да побараат од својата банка да се вратат во статус на редовна отплата и пред истекот на периодот од предложените шест месеци.

Детални информации деловните банки и штедилници веќе објавуваат на своите интернет-страници а се достапни и на интернет-страницата на Македонска банкарска асоцијација  www.mba.mk.

Наскоро започнува реализација на четвртиот пакет економски мерки преку кои ќе им се помогне на граѓаните, работниците и компаниите се вели во соопштението на владејачката партија СДСМ.

-За да се стимулира приватната потрошувачка и да се зајакне куповната моќ по здравствената криза, Владата го најавува четвртиот пакет на економски мерки со кој платежни картички ќе им бидат доделени на пензионерите со пензии до 15.000, на пасивните баратели на работа, како и на самохраните родители, велат од СДСМ.

Следуваат и стимулативни мерки за враќање на работа на лицата кои беа отпуштени за време на кризата, а ќе продолжи и поддршката за компаниите со цел зачувување на работните места.

Од СДСМ тврдат дека со навремените и ефикасни мерки и политики успеале да ги ублажат првичните удари врз економијата, а сега целта е „да се изгради развојна економија подготвена да одговори на сите предизвици и што ќе обезбеди шанса за сите“.

Вицепремиерот за координација со економските сектори Фатмир Битиќи денеска изјави дека не се откажуваат од проектот „Викенд без ДДВ“ и оти се разгледуваат законските можности и здравствените аспекти кога тој може да се реализира.

– Веќе ги гледаме последните законски можности кога во најбрз временски период и во координација со здравствените институции, тоа може да се направи. Мислам дека наскоро со четвртиот пакет веќе ќе имаме став и за „Викенд без ДДВ“, рече Битиќи.

Коментирајќи ги мислењата на одредени експерти дека мерката повеќе ќе им помогне на поимотните отколку на посиромашните граѓани и оти таа води кон сивата економија, Битиќи со став дека има механизми со кои би се идентификувале и елиминирале евентуалните вакви појави.

– Има начини на креирање на механизми со кои ќе овозможите или ќе оневозможите некој тоа да го употреби или злоупотреби. Таков пример беше начинот на трошење на средствата за субвенционирање на плати од 14.500 денари. Самата држава беше таа која ги идентификуваше фирмите кои не ги испорачаа парите до граѓаните. Самата држава воспостави механизам кој покрена постапки за секој од нив. Покажавме дека државата треба да креира механизми со кои овие нус појави ќе ги идентификува. Така што мислам дека за „Викенд без ДДВ“ не треба никој да се оптоварува со тоа дали и кој ќе злоупотреби, туку дали и колку граѓаните ќе можат да ја искористат оваа можност, рече Битиќи.