Што е поисплатливо - да се купи стан на кредит или да се живее под кирија. Велат, кешот е закон, ама кај нас се ретки оние што можат да си го дозволат тоа задоволство, односно да купат стан во готово и да спијат мирно, без стресови секој први во месецот кога треба да се исплати ратата. 

Македонските граѓани, главно, живеат на кредит. Дебел минус на дебитните, а уште поголем е оној на кредитните картички, кола на кредит, ама кредитот за стан е убедливо најстрашен. Сепак, и покрај стресот, 90 отсто од становите се купуваат на кредит. 

Многу мислат дека парите што ги плаќаат за кирија, можат да отплаќаат месечни рати за станбен кредит.

Но,не. Не е се така црно-бело.

Еве една едноставна пресметка:

Да претпоставиме дека кирија за стан од 50 квадрати во централното градско подрачје изнесува 250 евра месечно. Тој стан да се купи ќе чини 55.000 евра. Така, месечната рата за кредит би изнесувала околу 250 евра, за кредит на 30 години.

Значи, апсолутно не се исплати да враќате кредит, додавајки ги плус каматите што ќе ги исплатите . Освен што за 30 години ќе имате стан, но….. ова е можеби многу долго време.

Да земете кредит или да бидете подстанар е прашање на избор. Вие за 30 години, кога ќе го вратите кредитот, ќе имате стан, а под кирија ќе немате ништо. Значи, бирате помеѓу тоа дали ви е важно да имате имот за 30 години или не ви е важно.

Сепак, животот денес е многу неизвесен.

Дали ќе ја задржите вашата работа, дали ќе се одржи платата на исто ниво…. Затоа не е лесно некој да се одлучи за овој вид на оптеретување како што е станбен кредит.

Посебно е незамисливо задолжувањето на младите.

Од Управата за јавни приходи велат дека Собранието прво треба да го усвои ребалансот на буџетот за 2020, а веднаш потоа на сметките на граѓаните ќе им биде исплатен повратот на данокот од „Викенд без ДДВ“.

Враќањето на целосниот износ на ДДВ законски треба да се изврши во рок од 15 дена од денот на скенираните сметки, а овој проект од четвртиот сет на економски мерки се изведе за време на продолжениот викенд од 10 до 12 октомври. Од УЈП очекуваат исплатата да се изврши 

- Станува збор за мерка од четвртиот пакет и за тоа прво мора да биде изгласан ребалансот на буџетот во Собранието. Очекуваме тоа да се случи до крајот на неделата. Штом тоа биде изгласано во Собранието, ние можеме да ја направиме исплатата за еден ден, велат од УЈП.

На граѓаните кои се корисници на апликацијата МојДДВ, за фискалните сметки издадени на деновите 10, 11 и 12 октомври 2020 година,  за вкупниот промет до 30.000 денари по лице, остварен од македонски производи и услуги, како и компјутерска опрема треба да им се врати целосниот износ на пресметаниот ДДВ за овие производи во фискалните сметки,.

За денеска е најавена долгонајавуваната пленарната седница за ребалансот на буџетот, која максимум може да трае пет дена, односно до крајот на неделата. За проектот „Викенд без ДДВ“ првично беа одредени 17 милиони евра, но според потрошеното, треба да им бидат исплатени 1,1 милиони евра, поточно 66.853.929 денари.

За купените македонски производи и услуги и компјутерска опрема во деновите 10, 11 и 12 октомври вкупно 204.088 граѓани кои скенирале оствариле промет од 558.176. 715 денари.

Премиерот Зоран Заев за повратот на средства за проектот „Викенд без ДДВ“ рече дека ќе се врати многу помала сума од планираната на сметките кај граѓаните, затоа што во ек на оваа криза, како што вели тој, граѓаните штедат пари.

- Сиромаштија е, се штедат пари, секој сака да купи само тоа што му треба, рече Заев, одговарајќи на новинарско прашање откако беа објавени бројките.

Извор - Фактор.мк

Германците ќе добиваат повисоки плати. 

Ќе се зголемува платата во јавниот сектор во земјата. 

Владата постигна договор со синдикатите во јавниот сектор за платите, што опфаќа скоро 2,3 милиони работници во локалната и федералната администрација. 

Договорено е најниските плати да се зголемат 4,5 проценти, а највисоките 3,2, изјави синдикатот „Верди“.

Договорот, кој предвидува еднократен бонус до 600 евра за работниците и дополнителни средства за медицинските сестри и вработените во домовите за стари лица, истекува на крајот на 2022 година. 

Европската централна банка (ЕЦБ) внимателно ги следи разговорите за зголемување на платите во Германија за тие потенцијално да не ја загрозат планираната инфлација.

Економијата во земјата која беше во длабока рецесија, сега се враќа во нормала. 

Исплатата на пензиите почнува денеска. По препорака на Владата и овој месец пензиите ќе се исплатуваат по групи секој ден до 30 октомври односно до петок. 

Имено се препорачува пензионерите кои имаат картики да не одат дошалтер, а тие кои чекаат готовинска исплата се организираат во четири групи според распоред составен според висината на пензијата.

Во вторник, на 27.10.2020 година исплата на пензии со висина до 11.000 денари. 

Во среда, на 28.10.2020 година исплата на пензии во висина од 11.001 денари до 14.000 денари.

Во четврток, на 29.10.2020 година исплата на пензии во висина од 14.001 денари до 18.000 денари

Во петок, на 30.10.2020 година исплата на пензии во висина над 18.000 денари.

Банките веќе објавуваат дека исплатата почнува денеска.