Сопственик на хрватска компанија ги казнува вработените кои ќе завршат во самоизолација поради коронавирусот. 

Ѓуро Хорват е сопственик на компанијата „Техникс“ кој на сите свои вработени им упатил допис дека ќе ги казнува доколку завршат во самоизолација.

На овие работници платата ќе им ја намали за 10 отсто. 

„Донесовме мерка за дестимулирање на луѓето кои се во таков однос кон сопственото здравје и кон компанијата затоа што нѝ недостасуваат 20 луѓе. Истовремено, тие пари ги насочуваме на оние вработени и менаџери кои се здрави и кои одговорно се однесуваат, сакаме микроорганизација на свеста на сопствена одговорност. Сите мораме да се вклучиме, секоја локална заедница, компанија“, рекол Хорват за ХРТ.

Неговата компанија навистина ги казнила со 10 отсто од плата оние кои завршиле во самоизолација. Вели дека ако некој оди во кафуле и се зарази, тогаш сам го предизвикал тој дел од нездравиот живот. 

Во последните 24 часа во Хрватска се регистрирани 2.378 нови случаи на инфекција со коронавирусот, а имаат и рекорден број на смртни случаи – 23. 

Зголемениот број на заразени дечиња и вработени воспитувачи во детски градинки не ги предомисли надлежните да стават клуч на детските градинки.

Имено, од почетокот на отворање на детските градинки до сега се заразени 26 деца и 83 вработени во градинките, а во моментот дури 482 дечиња и 77 возрасни се наоѓаат во изолација.

И покрај тоа што родителите се загрижени за своите деца и реагираат дека состојбата во детските градинки станува алармантна, ресорната министерка за труд и социјална политика Јагода Шахпаска убедува дека се е под контрола.

-Генерално сега за сега состојбата со децата во градинките е добра и ние правиме увид и проценки како понатаму ќе се однесуваме.“ вели Јагода Шахпаска, министер за труд и социјална политика.

Но, информациите го говорат спротивното, а револтот на родителите е оправдан.

Еден загрижен родител вели дека е приморана своето дете да го носи во градинка бидејќи таа и сопругот се на работа, но и дека е исплашена за здравјето на своето дете бидејќи како што вели бројот на ново инфицирани и починати лица секојдневно расте. Според нејзе одговорност мора да понесе министерката Шахпаска и покрај нејзините оправдувања дека се е под контрола, таа вели дека требало најпрво да се спроведе целосен скрининг бидејќи сепак се работи за најмладата категорија на граѓани, децата од детските градинки.

-Загрижени сме. Јас и сопругот сме на работа, а детево нема кој да ни го чува, и приморани сме да го носиме во градинка. Не знаеме што да правиме, немаме друг избор. Од една страна се зголемува бројот на заразени и починати од друга страна министерката Шахпаска изјавува дека се е под контрола. Мора така да зборува, зошто не спроведе скрининг на вработените во детските градинки и сега мора да понесе одговорност, а знаеме дека никој нема да прифати одговорност, најмалку кога станува збор за загрозување на здравјето на најмалите, децата во детските градинки, вели мајката Маја П.

Според статистиката бројот на ново заразени и починати од Ковид секојдневно расте, а надлежните се уште немаат конкретни мерки за борба за спречување на корона вирусот.
Имено, според информациите капацитетите на градинките не се исполнети затоа што во согласност со протоколите ширум државата има вкупно 20.718 места, а само 10.700 деца посетуваат градинка, или во просек секое второ запишано дете не оди во градинка.

Поради високата загаденост на воздухот, паралелно со пандемијата на #COVID, апелирам бремените жени да се ослободат од работа, и во приватен и во државен сектор. Вчера истото предложив да се случи со хронично болните чие здравје е под ризик, напиша на својот Фејсбук профил Христијан Мицкоски. 

Бројот на починати и на заразени на дневна основа кажува колку е алармантна состојбата, затоа мора бремените жени да ги заштитиме од овој ризик.

Наместо политиканство на Владата, мешетарење и нарачани теми потребни се одлуки.

Да спасиме живот!

Ќе доцни  ли повратот од  викендот без ДДВ. Парите од данокот за купените производи од 10 до 12 октомври треба да почнат да се исплаќаат за два дена. Но мерката го чека ребалансот на буџетот кој е во собраниска процедура и за кој максимум треба да се расправа 5 дена, односно до крајот на неделава.

Од министертвото за финансии велат штом биде изгласано прекројувањето на државната каса ќе почне и реализацјата на мерките од четвртиот пакет,  меѓу кој е и мерката  Викендот без ДДВ, како што и било претходно најавено.

Иако за време на продлжениот викенд се очекуваше граѓаните да потрошат околу 170 милиони евра, беа потрошени едвај 10 милиони евра.

Кај потрошувачите пак од поврат наместо првично предвидените 17 милиони ќе завршат 1 милион евра.

Целиот данок ќе им биде вратен на сите оние кои за време на викендот на ДДВ купиле домашни производи и ИТ опрема до 30 илјади денари и притоа ги скенирале фискалните сметки.

Засега не е предидено да има уште еден ваков викенд.