Амазон пред празниците вработи 100.000 сезонски работници.

Поголемиот број од нив се во магацините, за подготовка на пакети и нивно испраќање.

Американската компанија објави дека вработила 100.000 луѓе на одредено време поради пораст на нарачките преку интернет пред ноемвриските празници во САД.

Компанијата до крајот на јуни 2020 година имаше повеќе од 875.000 вработени ширум светот. 

На крајот на јули, компанијата со седиште во Сиетл информираше дела од март отворила уште 175.000 нови работни места од кои 125.000 ќе бидат на неодредено време.

Компанијата кон средината на септември отвори уште 100.000 работни места во САД и во Канада. 

Амазон неодамна соопшти дека е забележан раст на бројот на нарачки од почетокот на пандемијата со коронавирусот. 

Компанијата пред празниците лани вработи 200.000 сезонски работници.

Министерството за образование и наука соопшти дека е формирана работна група за промена на наставните и дидактичките материјали за основно и средно образование. Реформата со учебниците ќе се воведе од следната учебна година.

 Од таму велат дека ваквиот потег се должи на постојаните реакции од јавноста, родителите и учениците, но и на самите наставници за квалитетот на учебниците.

Покрај тоа, поплаките се однесуваат и на долгите постапки за нивно одобрување, како и честите повлекување на учебници поради стереотипи, предрасуди, грешки и недоследности.

Работната група е составена од претставници од Министерството за образование и наука, Педагошката служба, Бирото за развој на образованието како и претставници од меѓународни институции и граѓанскиот сектор. 

Вече се работи на анализа на најдобрите искуства и практики од неколку европски, скандинавски и земји од регионот, а потоа ќе се изготви нов систем за унапредување на квалитетот на наставата.

Тоа подразбира не само употреба на учебници, туку и изработка и употреба на разни видови на наставни и дидактички материјали за наставниците и учениците, велат од МОН.

„Голем број на земји во светот веќе го имаат надминато системот на класична употреба на учебник, поради што учениците своето знаење го стекнуваат преку различни извори на информации и разновидни дигитални алатки. Ова е идеја и на голем број наши наставници, но е дел и од препораките на ОЕЦД за системот на образование во нашата земја“, соопштуваат од министерството.

 Претседателот на државата Стево Пендаровски на прес конференција по седницата на Советот за безбедност апелираше уште еднаш да се почитуваат заштитните мерки.

Заедно со премиерот Заев и министерот Филипче одговараа на новинарки прашања по за актуелната состојба со пандемијата на ковид-19 и за мерките и активностите на надлежните институции.

 -Ги анализираме епидемиолошките анкетите и нема трансмисија на вирусот од странски граѓани. Проблемот е на локално ниво и локална трансмисија на вирусот, рече денеска Министерот Филипче во одговор на новинарско прашање дали е можно повторно затварањ на границите со Косово и останатите соседни земји.

Претседателот пак рече дека на денешниот состанок не станало збор за прогласување на нова Вонредна состојба и дека сепак за тоа би требало да одлучи Собранието.

Мепсо нема да се откаже од покачувањето на струјата. Од компанијата велат дека  електричната енергија не е социјална мерка и покрај тоа што има субвенции за ранливи категории. Не се знае ниту дали зголемувањето ќе помогне да ги покријат сите потребни иневстиции на компанијата затоа што добиле минимално покачување иако побарале многу повеќе. Според директорката Шуклева не се знае ниту дали Мепсо идната година повторно ќе побара нов раст на цената. Електричната енергија во август поскапе за 7,4 проценти. Од регулаторна тогаш посочија дека ќе ја повлечат одлуката за зголемувањето само ако државните енергетски компании се сложат на таков чекор. 

Освен  со повисоката цена на струјата на самиот старт на грејната сеозна скопјани проблеми имаат и со греењето. Од вчера граѓаните се со поладни радијатори.  Револтот го изразија и на социјалните мрежи. Велат дека  цела година плаќаат сметки, а кога ќе дојде време да се грејат радијаториоте се ладни. Од БЕГ пак појаснуваат дека редуцираното снабдување со топлинска енергија е поради ограничувањето на испораката на природен гас од Бугарија. Смируваат дека  намалената испорката нема да влијае на конфорот во домовите на потрошувачите.