Шопинг манија наречена „Блек Фрајдеј“ (Црн петок) низ светот доаѓа од САД, а во последниве неколку години е многу актуелна и во Македонија.

Кај нас „Црниот петок“ станува традиција од пред неколку години, поточно со отворањето на големите трговски центри во Скопје. Со попусти настапуваат сите модни марки и продавници, а тие се движат од 20 до 50 или дури 70 отсто во зависност од актуелноста на производите и „староста“ на колекциите. Како и во светот, ретко ќе налетате на овој ден на големи попусти на моделите од актуелните колекции, секако ќе можете да најдете супер модно парче по супер цена.

Причината од која настанал „Црниот петок“во САД се распродажбите со цени до дури 70 отсто попуст, како најава за почеток на шопингот за божиќните и новогодишните празници.

Во прилог на американската манија за шопинг за време на „Блек Фрајдеј“ зборува и тоа дека многу луѓе кампираат по неколку дена пред продавниците за да бидат први во редот.

Но, дали и годинава ќе е така, со оглед дека владее пандемија на ковид 19. 

Францускиот министер за финансии Бруно ле Мер ги повика супермаркетите и трговците на интернет да го одложат таканаречениот „Црн петок“, што привлекува голем број клиенти поради значителни попусти.

„Црниот петок“ е на 27 ноември, а во Франција, продавниците што не продаваат есенцијални стоки се затворени поради ограничувачките мерки за борба против коронавирусот.

Помалите продавници, што не работат поради одлуката на Владата, стравуваат дека ќе претрпат загуби од конкурентите, големите онлајн компании како „Амазон“, кои можат да работат и да испорачуваат стоки за време на втората блокада во Франција.

Дали следниот петок е навистина вистинското време да се организира „Црн петок“? Мојот одговор е не, нагласи Ле Мер во Сенатот.

Тој најави дека ќе побара од супермаркетите и продавачите на интернет да ги истражат сите опции за одложување на настанот. Директорот на „Амазон“ за Франција претходно изјави дека компанијата забележала зголемување на активноста до 50 проценти за време на второто заклучување.

Иако, Блек Фрајдеј не е службен празник во САД, многу од работодавците на своите вработени им даваат слободен ден за да можат без пречка да купуваат.

Името Црн Петок доаѓа оттаму што поради огромната гужва на улиците ( од над 220 милиони луѓе кои одат на шопинг), полицајците во САД како и таксистите тешко се снаоѓаат во сообраќајот тој ден поради неверојатните метежи. Всушност, во 60-те години за време на „Блек Фрајдеј“ полициските службеници се жалеле на тотален колапс на сообраќајот предизвикан од овој ден на големите попусти, кој започнува на првиот ден после Денот на благодарноста- еден од најважните американски празници.

За време на овој ден, неретко се случува стампедо пред продавниците кое предизвикува и фатални исходи. Познат е случајот за смртта на 34- годишниот продавач во САД кога над него паднале влезните врати кои попуштиле пред навалата на масата купувачи.

Грција ќе затвори еден граничен премин со Албанија и ќе врши антиген-тестови на сите што влегуваат во земјата, изјави портпаролот на владата Стелиос Пецас по повод влошувањето на состојбата во северна Грција.

Бројот на пациенти во Грција драстично се зголеми во претходните недели, поради што беше воведен карантин во целата земја, втор оваа година, објави „Ројтерс“.

Најпогодени се северните региони, особено Солун, и секој што има намера да влезе во Грција треба да покаже негативен ПЦР-тест направен најдоцна во рок од 72 часа пред да влезе во земјата, а потоа тие ќе бидат тестирани по пристигнувањето во Грција.

Најновите мерки стапуваат на сила во петок наутро, а Пецас побара од граѓаните да ги почитуваат мерките.

Разбираме дека има замор од сè. Но, ако сега се опуштиме, ќе платиме многу. Се соочуваме, речиси, со воена состојба – рече Пецас.

Грција досега евидентирала 82.034 случаи на коронавирус и 1.288 смртни случаи, а во средата евидентираче 3.209 нови случаи, од кои 905 се во солунскиот регион.

Фатмир Битиќи, вицепремиерот за економски прашања, презентирајќи го предлог-буџетот за 2021, рече дека Владата останува на ставот да не се воведува полициски час, иако бројот на бројот на заболени од Ковид-19 рапидно е пораснат.

- Ставот на владата е дека се уште не е дојдено времето за полициски час. Мерките од здравствен аспект даваат резултат. Што се однесува до последиците, тие се поврзани - колку повеќе го кратите времето на економските субјекти, толку повеќе загубите се поголеми за нив, рече Битиќи, одговарајќи на новинарско прашање.

Вицепремиерот на презентацијата рече дека до крајот на годината календарот „е покриен“ со економските мерки, а во буџетот за 2021 за следната се предвидени 3 милијарди денари или 50 милиони евра за евентуални мерки за справување со ковид-кризата со кој ќе се подржат стопанството и граѓаните

До крајот на првата половина од 2021 нема да се размислува за зголемување на минималната плата, а при продажбата или јавно-приватното партнерство за „Македонска пошта“ и за „Македонски железници Транспорт“ приоритет ќе биде квалитетот на услугата за граѓаните, а не сумата која ќе се обезбеди за буџетот.

Битиќи потврди дека со Законот за финансиска независност на Собранието на Законодавниот дом за 2021 му следуваат дополнителни 3 милиони евра за трошење и дека овој орган со овие пари сам ќе ја дефинира систематизацијата и потребата за нови вработувања.

Во листата на Форбс од 400 милијареди – шеесет и тројца немаат факултетска диплома, а повеќе од нив сами го создале своето богатство.

Факултетската диплома не е воопшто пресудна за тоа дали некој ќе успее или не. Милијардерите кои се откажале од факултет очигледно знаат што прават. Тие во просек имаат околу 9.4 милијарди долари, за разлика од милијардерите со докторат чие богатство се проценува на 3.2 милијарди долари, пишува Investitor.me.

Така на пример, доколку ја погледнете Форбсовата листа на 400 најбогати луѓе на светот, ќе видите дека бројот на луѓе без факултет е поголем од бројот на луѓе со докторат – 63 наспрема 21.

Во САД само 2.5 милиони жители имаат докторат, а десетици милиони луѓе се откажале од факултетот.

Статистиката вели дека докторатот ги зголемува шансите да станете милијардер. Освен тоа, поголемиот дел од луѓето кои не завршиле факултет заработуваат пониски плати и имаат пониско ниво на квалитет на животот.

Значи, не се работи само за тоа да се откажете од факултетот, туку и какви се вашите амбиции. Луѓето кои успеаја да станат милијардери без диплома се посебни затоа што поседуваат нешто што ги мотивира да станат успешни и богати.

Милијардерите без факултет може да се класифицираат во две групи.

Во првата група спаѓаат луѓе кои се откажале од факултет поради тоа што добиле идеја за одреден производ или бизнис кој сакаат да го следат бидејќи веруваат дека ќе успеат. Тоа се луѓе кои јасно знаеле што сакаат и не сакале да чекаат да добијат диплома за да го направат тоа. Станува збор за иновативни луѓе кои точно знаат што ќе прават со себе кога ќе завршат со факултетот – Марк Закерберг и Бил Гејтс припаѓаат на оваа категорија.

Втората група се разликува од првата по тоа што не го напуштила факултетот за веднаш да основа свој бизнис. Нивната патека е слична со луѓето од првата група, но сепак се разликува. Тие работеле добро и напредувале кон врвот за по неколку години напорна работа да одлучат дека е време да го преземат ризикот и да основаат своја компанија.

Она што е заедничко за двете групи е тоа што луѓето кои припаѓаат таму имаат јасна визија за иднината, знаат што сакаат да направат и во кој правец треба да се движат, имаат силни работни навики, подготвени се да започнат уште сега, подготвени се да ризикуваат, иновативни се, имаат ниска толеранција на статус кво и способни се да донесуваат вистински одлуки.