Возилата со странски регистарски таблички кои се возат низ земјава ќе се легализираат, односно ќе добијат таблички од Македонија. Владата сепак, не открива детали како ќе се спроведе тоа. Засега од Илинденска број два велат дека е рано да објавуваат повеќе информации бидејќи во следниот период ќе се подготвувало законско решение. Станува збор за возила кои се претежно од Бугарија, а ги поседуваат наши граѓани кои имаат двојно државјанство.

Министерство за економија:

„Во моментот се работи на драфт-верзија на законското решение со кое ќе се реализира оваа најавена мерка, која се очекува по усогласување со сите надлежни институции до крајот на годината да биде доставена на усвојување до Собранието.“

Премиерот Заев ова го нарече легализација на странските возила, а го најави како мерка со која владата идната година ќе се обиде да дојде до дополнителни пари во буџетот. Првичните пресметки се дека по овој основ во државната каса догодина ќе влезат околу 20 милиони евра.

„Неофицијалните информации до кои дојдовме се дека сите граѓани коишто имаат возила со странски регистарски таблички ќе добијат извесен период во кој ќе треба да ги префрлат регистрациите на македонски таблички, а за тоа од државата ќе добијат одредени бенефиции и попусти.“

Според информациите кои ги добивме од Царинската управа во текот на оваа година најголем дел од увезените возила се од државите од Европската Унија, односно од Германија, Бугарија и Словенија. Помал дел се и од САД. Во моментов за регистарските таблички да бидат префрлени од странски на македонски, сопственикот на возилото треба 23 отсто од цената по којашто го купил да ги плати за царина и данок.

Извор - Alsat.mk

Извршниот директор на авиокомпанијата „Квантас“ (Qantas), Алан Џојс, изјавил дека луѓето кои ќе сакаат да летаат со нивната компанија, ќе мора да докажат дека примиле вакцина против корона вирусот. Патниците ќе мора да ја покажат потврдата пред да влезат во авион.

Шефот на овој австралиски авиопревозник смета дека доказот за вакцинација ќе биде општо барање на многу авиокомпании, кога после пандемијата светот ќе почне да се враќа во нормала.

Џојс претходно изјави дека авионите нема да продолжат да летаат како порано се додека не биде достапна сигурна вакцина за персоналот и патниците, но и нагласи дека вакцинацијата ќе стане задолжителна за сите кои сакаат да патуваат со авион.

Иако некои луѓе што се противат на вакцинирањето можеби ќе претпоставуваат дека ќе можат да летаат со други авиокомпании, Џојс верува дека ова правило ќе го применуваат сите, а не само „Квантас“ .

По разговорот со бројни колеги, мислам дека тоа ќе биде вообичаена работа во другите авиокомпании ширум светот – додава Џојс.

Доколку вакцините бидат успешни, Џојс изјавил дека очекува меѓународните патувања да се вратат приближно до нормала до крајот на 2021 година.

Министерството за образование и наука објави резултати од неколку конкурси за доделување стипендии за ученици од јавните и приватните средни училишта во земјава за учебната 2020/2021 година.

На веб-страницата на МОН се објавени резултати од конкурсите (клик ТУКА) за доделување сто стипендии за талентирани ученици, сто стипендии за талентирани ученици – спортисти и сто стипендии за ученици со посебни потреби од средните училишта, како и резултати од Конкурсот за доделување педесет стипендии за ученици – деца без родители од јавните и приватните средни училишта.

Обајвени се и резултати од Конкурсот за доделување стипендии за ученици во ДСУ Спортска академија за учебната 2020/2021 година, како и резултатите од шест конкурси за доделување по девет стипендии за средношколци од наставни програми од: земјоделско-ветеринарна струка, односно сектор земјоделство, рибарство и ветеринарство; електро-техничка струка, односно сектор електро-техника; градежно-геодетска струка, односно сектор за градежништво и геодезија; машинска струка, односно машински сектор; текстилно-кожарска струка, односно сектор текстил, кожа и слични производи и за наставни програми од угостителско-туристичката струка.

Во резултатите МОН ги објавува прифатените апликации, како и тие што се одбиени односно апликациите кои не се рангирани.

Во однос на септември, во октомври бројот на изгубените работни места е зголемен за 1.039. Овој број е релативно мал ако се спореди со претходните месеци, но треба да се има предвид дека од овој месец почна исплатата на помошта за плати за чие добивање еден од условите е да не се намалува бројот на вработените, а исто така се дозволува на работа да се вратат претходно отпуштените работници, пишува Вечер.прес. 

Во октомври за прв пат од почетокот на годинава Агенцијата за вработување регистрира раст на бројот и на пасивните баратели на работа. Во октомври како „други лица кои бараат работа“ се пријавени 85.932 граѓани, што е за околу 3,5 илјади повеќе отколку во септември. Причина за зголемување на бројот на оваа категорија евидентирани невработени е помошта од 6.000 денари за купување домашни производи и услуги што им следува со четвртиот пакет владини антикризни мерки. Претходно, во периодот од јануари до септември бројот на овие лица кои не се редовни на пазарот на труд падна за повеќе од 4.000, но во тој период тие не добиваа никакви бенефиции ниту од државата ниту преку Агенцијата за вработување.

Меѓу 153.799 невработени активни баратели на работа евидентирани до крајот на октомври има и 993 магистри и 30 доктори на науки. Октомврискиот прилив на невработени по разни основи за малку надминува 8.000, од кои за прв пат како невработени се пријавиле околу 1.400, а од евиденцијата на пасивни баратели во активни преминале 603 лица. Во октомври се регистрирани и 3.792 вработувања.