OECD објави листа држави во кои високото образование е бесплатно. Во овие земји даночните обврзници ја плаќаат сметката за сите студенти кои сакаат факултетска диплома.

Земјите во оваа листа се главно во Европа и имаат култура “да се грижат едни за други”, пишува RT. Овие земји обично имаат повисоки стапки на данок на приход, но тоа е добро доколку сакате здравствената заштита и школувањето на колеџ да ви бидат платени.

Според извештајот на OECD, Данска е една од осумте земји со неколку бесплатни колеџи: „University of Copenhagen”, „Aurhus University”, „Technical University of Denmark”, „Aalbog University”, „Copenhagen Business School”, „University of Southern Denmark”.

Останатите земји со беслатни универзитетски системи се Естонија: „Tallinn University”, „Tallinn University of Technology”, „University of Tartu”.

Потоа следува Финска со 10 бесплатни универзитети меѓу кои се „University of Helsinki” и „Abo Academy University”. На листата е и Норвешка со пет вакви универзитети: „University of Oslo”, „University of Bergen”, „Western Norway University of Applied Sciences”, „University of Tromso”, „University of Stavanger”.

На листата на OECD се и Словачка, со пет бесплатни универзитети меѓу кои „University of Economics in Bratislava” е исто така на листата, потоа Словенија „University of Ljubljana”, Шведска „Lund University”, „Stockholm University”, “University of Gothenburg”, и Турција „Ankara University” , „Istanbul University”, „Istanbul Technical University”.

Германската компанија „Franz Kiel GmbH“ инвестира во Македонија и ќе отвори најмалку 250 работни места. Компанијата ќе произведува седишта за автобуси и за железница како соработник на Ван Хул.

Извршниот директор на компанијата Герхард Хелвек истакна дека во Македонија се одлучуваат да инвестираат поради стабилноста во индустријата и едукацијата на кадарот кој според него се основа за успех на компанијата.

Инвеститорот истакна дека ќе започнат со браунфилд инвестиција во тетовско Желино во постоечки објект кој е подготвен и со работа ќе започнат на 1 јуни оваа година со 60 вработувања во рамки на првата фаза.

Директорот на ТИРЗ Виктор Мизо истакна дека седиштата за автобусите за Ван Хул комплетно ќе се изработуваат во Македонија, а компанијата се надева дека ќе работи и за други произведувачи.

Според последните информации корпорацијата на Samsung во 2016 потрошила неверојатни 10 милијарди долари само за маркетинг што приближно изнесува колку три годишни буџети на Република Македонија.

Минатата година Samsung мораше да ја спасува ситуацијата по фијаското со Galaxy Note 7 фаблетот кој поради небезбедната батерија целосно беше повлечен од пазарот. Добар дел од овие 10 милијарди се потрошени токму за подобрување на перцепцијата за брендот на Samsung во јавноста.

Конечно, Македонците без ЕУ ПАСОШ можат лесно да најдат работа во Норвешка, Шведска и Германија. Сите огласи за вработување ќе можат да ги најдат на едно единствено место.

За да се замине во Шведска, потребен е само пасош, а останатите услови се договараат стриктно со работодавецот. Во оваа скандинавска земја не постојат иселенички визи. Тоа значи дека доволно е само еден член од семејството да најде работа и потоа може да ги повлече и останатите членови. Голем е бројот на Македонци што успеаја да заминат во Шведска на привремена или постојана работа. Голем дел од овие работници своите работни места ги пронајдоа на веб страницата https://ec.europa.eu/eures/page/index. На оваа веб страница се наоѓаат и огласи за во останатите земји од Европската Унија, како што се Германија, Словенија и слично.

Речиси е идентично да се замине и во Норвешка. Разликата во системите на Шведска и Норвешка е само нијанса, а она што ја прави оваа земја попривлечна е платениот 30 дневен одмор и скратеното дневно работно време кое изнесува 7,5 часа.

Во овие две земји дефицитарни се голем број на професии за кои многумина Македонци се спремни да ги работат. Како такви, се вбројуваат: стоматолози, сметководители, кувари, пекари, молери, градежни техничари и инженери, електроинженери, ИТ сектор, медицински сестри и лекари.

И оние кои сакаат да работат во Германија можат многу лесно да пронајдат вработување и тоа само со македонски пасош. Тоа може да се направи преку аплицирање на некој од огласите на веб страната http://jobboerse.arbeitsagentur.de/. И во Германија, исто како и во Шведска и Норвешка, тие се професиите кои се најдефицитарни, само што во Германија се бараат и лица за негување на постарите, водоинсталатери, електричари и електроничари.

Па, сакате да работите во странство? Не чекајте! Барајте работа!