Целите кон напредување во вашата кариера, но иако изгледа дека сè правите правилно (не доцните на работа, секогаш ги завршувате задачите во поставениот рок), сè уште не добивате унапредување или зголемување на платата. Одговорот зошто не сте наградени за вашиот труд и посветеност кон работата е едноставен: не сте ги исполниле очекувањата на вашиот претпоставен. Исполнување на очекувањата на вашиот шеф се клучни за добивање на саканото покачување, затоа треба да се потрудите да додадете вредност на работата.

Барање за зголемување на платата може да биде непријатно и стресно, но постојат стратегии што може да ги користите за да стигнете до својата цел – да ви се покачи платата без да побарате.

Професионален развој

Покрај развивање на вештини што се потребни за вашата работа, научете повеќе за компанијата, конкурентите, најновите технологии и предизвици. На тој начин ќе додадете вредност на работата, а шефот ќе биде воодушевен од знаењето што го имате.

Покажете смиреност во криза

Способноста да се справите со кризни времиња во компанијата е способност што ја цени шефот. Без разлика дали станува збор за конфликт меѓу вработени, сменето правило… потрудете се да останете смирени. Вашата смиреност и способност да размислувате јасно за време на криза покажува дека имате лидерски потенцијал.

Додадете вредност на вашата работа

Една од најефикасните стратегии за да добиете зголемување на платата без да го побарате е да се обидете да додадете повеќе вредност за вашата работа преку носењето повеќе пари или клиенти на компанијата или намалување на трошоците.

Бидете проактивни

Не бидете работник кој го изработува само тоа што му е делегирано да го заврши. Шефовите сакаат работници со визија, затоа пренесете ја секоја идеја што ја имате за компанијата на долг рок.

Откријте ги грешките

Одговорноста е многу важна. Многумина се обидуваат да ги прикријат своите грешки плашејќи се од последиците кога би ја признале вината. Покажете му на вашиот шеф дека не се плашите да ги признаете своите грешки и понудете решение за нивно поправање. Така ќе покажете дека сте одговорни, креативни и проактивни.

Готов е предлог законот за регистрација на возила со странски регистарски таблици на територијата. Владата го испрати во Собранието, а регстрацијата на странските возила со намалени давачки ќе се применува една година.

Со овој закон сопственикот или корисникот, односно лицето овластено за отуѓување на возилото или лицето кое ќе го купи возилото ќе имаат можност да ги регистрираат возилата со  50 отсто пониска цена од утврдената вредност на сите давачки кои се наплатуваат при увоз од страна на надлежните државни органи.

Возилата, за кои е поднесено барањето за регистрација задолжително треба да ги исполнуваат следните услови - сопственикот или корисникот, односно лицето овластено за отуѓување на возилото или лицето кое ќе го купи возилото да ги има регулирано царинските и даночните обврски за возилото во рок од шест месеци од денот на влегувањето во сила на овој закон и да поседува важечка сообраќајна дозвола, осигурување и зелен картон, а возилото да е влезено на територијата на Република Северна Македонија до 1 октомври 2020 година.

Целата вест прочитајте ја на Фактор.мк

На Скопскиот аеродром од денеска ќе биде воспоставена нова авиолинија на релација Скопје – Киев.

На настанот по повод одбележано новаата директна линија помеѓу Скопје и Киев ќе се обратат Метин Батак, генерален директор на ТАВ Македонија, Министерот за транспорт и врски, Благој Бочварски и Наталиjа Задорожњук, Амбасадорка на Украина во земјава.

Новите летови, што се воспоствуваат првпат меѓу Украина и Северна Македонија, ќе ги реализира авиокомпанијата WINDROSE. Летовите 7W791 / 792 ќе се извршуваат секој четврток и недела.

-Првпат во историјата на односите меѓу Украина и пријателска Република Северна Македонија од 6 декември 2020 година се воведуваат летови на релација Кијив-Скопје-Кијив!, соопшти Амбасадата на Украина во Скопје.

Летовите од аеродромот Бориспиљ ќе се извршуваат со авиони Embraer-145 и ATR72-600. Покрај тоа, истакнуваат од Амбасадата, WINDROSE нуди удобен транзит од регионите на Украина: Харков, Днипро, Одеса и Лавов.

-Постоење на директните летови ќе придонесе за интензивирање на билатералната соработка – зајакнување на бизнис врските, развој на туризмот во двете земји, подобро запознавање на граѓаните на Северна Македонија со Украина и на Украинците со Република Северна Македонија. На овој значаен настан беше посветена средбата на амбасадорката на Украина,  стои во соопштението, објавено на Фејсбук страницата на Амбасадата на Украина.

На веб-страницата на WINDROSE веќе може да се купат картите и за Киев и за Скопје.

Најголемата разлика помеѓу многу богатите луѓе и просечните луѓе е - во главата. Милионерите едноставно размислуваат поинаку и избегнуваат нешто што многумина од нас често го прават - тие не лелекаат. Тие се ориентирани кон целите, додека сиромашните се претежно насочени кон тоа колку се лоши.

Во бестселерот „Тајните на умот на милионерот“, авторот Т.Харв Екер вели дека постои само една навидум безопасна навика што ја имаат „обичните“ луѓе, а од која бегаат богатите. Тоа е дека сакаме да се жалиме, пишуваат на веб-страницата Бизнис Инсајдер.

Имено, Екер тврди дека поради жалење, ние се фокусираме на она што не е добро во нашите животи, наместо да се посветиме на она што може да успее и дека всушност позитивните работи привлекуваат позитивни резултати.

„Кога постојано се жалите, тоа е како да повикувате негативни работи во вашиот живот“, вели авторот.

И колку ќе бидеме успешни финансиски, зависи од нашето опкружување, поточно - од пријателствата и врските што ги градиме.

Стив Сиболд, милионер кој интервјуираше повеќе од 1.200 богаташи, заклучи дека богатите луѓе се многу попребирливи при изборот на пријатели и дека нивниот избор влијае на нивното богатство.

Екер размислува слично кога зборува за негативната енергија што ја привлекуваме кога се жалиме затоа што не можеме да останеме позитивни ако сме опкружени со луѓе кои постојано се жалат и на кои сè им е тешко.

„Со текот на времето, се навикнавте на такво размислување, затоа фатете се да чекате на ред да започнете да се жалите на сопствениот живот. Тоа е маѓепсан круг во кој лесно можеме да паднеме “, заклучува Екер и вели дека ако ни треба финансиски пресврт и сакаме да напредуваме, мора да престанеме да се жалиме.

„Треба да ги изберете своите мисли и зборови и не заборавајте да си го обликувате сопствениот живот“, заклучува Екер.

Фото: SAUL LOEB / AFP / Profimedia